လံာ်တၢ်ကဲထီၣ်အခီၣ်ထံး 48:12 - Sgaw Karen Common Bible

¹² အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:12 Iomraidhean Croise

လံာ်တၢ်ကဲထီၣ်အခီၣ်ထံး 18:2

အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 23:7

တုၤနုၤတစု, စီၤအၤဘြၤဟၣ်သကူးလီၤအသးလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 33:3

စီၤယၤကိာ်လဲၤဆိတၢ်လၢအဝဲသ့ၣ်အမဲာ်ညါဒီးဖဲအဘူးထီၣ်ဒီး အဒီပုၢ်ဝဲၢ်ခွါန့ၣ်အဝဲထိၣ်လီၤပှီၤအသးတုၤလၢဟီၣ်ခိၣ်လိၤ နွံဘျီန့ၣ်လီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 48:11

စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:13

စီၤယိၤသးပာ်စီၤအ့ဖရဲၣ်လၢစီၤယၤကိာ်အစုစ့ၣ်ဒီးစီၤမနၤ ၡ့ၤလၢအစုထွဲတကပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:19

လၢတၢ်န့ၣ်အဃိ, နီၢ်ဘၤသၡ့ဘၤလဲၤဃီၤဆူစီၤပၤအအိၣ်ဒ်သိး ကကတိၤတၢ်ဒီးအီၤလၢစီၤအဒိနံၤယၤအဂီၢ်န့ၣ်လီၤ. စီၤပၤဂဲၤထၢၣ်လၢကသဂၢၢ်အမိၢ်ဒီးသကူးလီၤအသးဒီးဟ့ၣ်အီၤတၢ် ယူးယီၣ်န့ၣ်လီၤ. ဝံၤဒီးအဝဲဆ့ၣ်နီၤလၢအလီၢ်ပစိာ်အဖီခိၣ်ဒီးမၢပှၤဟဲစိာ် နုာ်လီၢ်ပစိာ်အဂၤတခါ, ဒီးအမိၢ်ဆ့ၣ်နီၤဝဲလၢလီၢ်ပစိာ်န့ၣ်အဖီခိၣ်လၢအဝဲအစုထွဲ တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:37

ပိာ်မုၣ်န့ၣ်ထိၣ်လီၤပှီၤအသးလၢစီၤအလံၤၡါအခီၣ်ထံးအိၣ်ဒီး အမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ. အန့ၣ်ဝံၤဒီးအဝဲကိးထီၣ်အဖိခွါဒီးဟးထီၣ်ကွံာ်ဝဲလီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 34:8

စီၤမိၤၡ့တီၤလီၤချ့ချ့ဆူဟီၣ်ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

တၢ်ကတိၤဒိ. 31:28

အဖိတဖၣ်ပာ်ဖျါအတၢ်စံးဘျုးစံးဖှိၣ်အီၤဒီးအဝၤန့ၣ်စံးထီၣ် ပတြၢၤအီၤလီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:32

ယူးယီၣ်ပှၤသူၣ်က့သးပှၢ်တဖၣ်ဒီးမၤလၤကပီၤအီၤတက့ၢ်. ပျံၤယၤတက့ၢ်. ယဲဒၣ်အံၤယမ့ၢ်ယွၤလီၤ.

အ့းဖ့းစူး 6:1

ဖိသ့ၣ်ဧၢ, စူၢ်သုမိၢ်သုပၢ်လၢကစၢ်အပူၤတက့ၢ်. အဂ့ၢ်ဒ်အံၤတၢ်အံၤမ့ၢ်တၢ်အဂ့ၤအဘၣ်လၢသုကဘၣ်မၤအီၤန့ၣ်လီၤ.