လံာ်တၢ်ကဲထီၣ်အခီၣ်ထံး 48:11 - Sgaw Karen Common Bible

¹¹ စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:11 Iomraidhean Croise

လံာ်တၢ်ကဲထီၣ်အခီၣ်ထံး 37:33

စီၤယၤကိာ်သ့ၣ်ညါနီၣ်တၢ်န့ၣ်ဒီးစံးဝဲ, “မ့ၢ်, မ့ၢ်အဝဲအတၢ် လီၤ. ဆၣ်ဖိကီၢ်ဖိအအၢအသီတနီၤမၤသံကွံာ်အီၤလံ. ယဖိခွါစီၤယိၤသးဘၣ်တၢ်အ့ၣ်ဖှီကွံာ်အီၤအက့က့အခီခီလံ မးလဲၣ်.”

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 45:26

အဝဲသ့ၣ်စံးဘၣ်အပၢ်, “စီၤယိၤသးအိၣ်မူဒံးဝဲလီၤ. အဝဲမ့ၢ်ပှၤပၢတၢ်လၢကီၢ်အဲၤကူပတူးဒီဘ့ၣ်အဖီခိၣ်လီၤ.” စီၤယၤကိာ်ကမၢကမၣ်ဒီးအသးလီၤကတုၤဒီးနာ်အဝဲသ့ၣ်တသ့ဘၣ်.

လံာ်တၢ်ကဲထီၣ်အခီၣ်ထံး 48:10

စီၤယၤကိာ်အမဲာ်ချံခံးလီၤလၢအသးပှၢ်တ့ၢ်အဃိ, ဒီးအဝဲထံၣ်တၢ်တသ့ဂ့ၤဂ့ၤလၢၤဘၣ်. စီၤယိၤသးဟဲကိးဖိသၣ်ပိာ်ခွါတဖၣ်ဆူအအိၣ်, ဒီးအဝဲဖိးဟုဃာ်ဒီးနၢမူအဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:12

အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

စံးထီၣ်ပတြၢၤ 128:6

မ်နကထံၣ်ဘၣ်နဖိတဖၣ်အဖိတက့ၢ်. မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.