လံာ်တၢ်ကဲထီၣ်အခီၣ်ထံး 48:10 - Sgaw Karen Common Bible

¹⁰ စီၤယၤကိာ်အမဲာ်ချံခံးလီၤလၢအသးပှၢ်တ့ၢ်အဃိ, ဒီးအဝဲထံၣ်တၢ်တသ့ဂ့ၤဂ့ၤလၢၤဘၣ်. စီၤယိၤသးဟဲကိးဖိသၣ်ပိာ်ခွါတဖၣ်ဆူအအိၣ်, ဒီးအဝဲဖိးဟုဃာ်ဒီးနၢမူအဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:10 Iomraidhean Croise

လံာ်တၢ်ကဲထီၣ်အခီၣ်ထံး 27:1

ခဲအံၤ, စီၤအံၤစဲးန့ၣ်အသးပှၢ်ဝဲဒီးအမဲာ်တထံၣ်လၢၤဘၣ်တၢ် ဘၣ်. အဝဲမၢပှၤကိးန့ၢ်အဖိဝဲၢ်ကိစီၤဧ့ၡီၤဒီးစံးဘၣ်အီၤ, “ယဖိခွါဧၢ,” ဒီးစီၤဧ့ၡီၤစံးဆၢအီၤ, “မ့ၢ်, ယၤလီၤ.”

လံာ်တၢ်ကဲထီၣ်အခီၣ်ထံး 27:27

ဒီးဖဲအဟဲလၢကနၢမူအီၤန့ၣ်စီၤအံၤစဲးနၢကွၢ်တ့ၢ်ဝဲအကူ အသိးအစိဒီးဆိၣ်ဂ့ၤအီၤန့ၣ်လီၤ. ဒီးစီၤအံၤစဲးစံးဝဲ, “ယဖိခွါ, အစိလၢအနၢဘၣ်ယၤမုာ်အံၤမၤသးဒ်စံာ်ပျီတပျီ လၢယွၤဆိၣ်ဂ့ၤအီၤအစိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 31:55

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်စီၤလၤဘၣ်နၢမူဆိၣ်ဂ့ၤ အလံၤတဖၣ်ဒီးအဖိမုၣ်တဖၣ်ဝံၤက့ၤကဒါက့ၤဆူအဟံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 48:11

စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:8

ဖဲစီၤယၤကိာ်ထံၣ်ဘၣ်စီၤယိၤသးအဖိခွါတဖၣ်န့ၣ်အဝဲသံကွၢ် ဝဲ, “ပိာ်ခွါဖိသၣ်တဖၣ်အံၤမ့ၢ်မတၤလဲၣ်.”

လံာ်စီၤပၤအခီၣ်ထံးတဘ့ၣ် 19:20

အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

လံာ်ပှၤစံၣ်တဲၤတဲလီၤတၢ် 12:3

ဒီးနစုဒုၣ်စုတီၤလၢအဒီဒၣ်တ့ၢ်လံနၤတဖၣ်ကကနိးထီၣ်ဝဲ, ဒီးနခီၣ်လၢခဲအံၤအဂံၢ်ဆူၣ်တဖၣ်ကလီၤစၢ်ကွံာ်ဝဲ, နမဲတဖၣ်ကစှၤဝဲလၢနကအ့ၣ်အီၣ်တၢ်အီၣ်အဂီၢ်, ဒီးနမဲာ်ချံတဖၣ်ကယုာ်လီၤဝဲတုၤလၢနကထံၣ်တၢ်ဆှံဆှံအဂီၢ်,

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်သိၣ်လီၤသီလီၤတၢ် 34:7

ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:2

ဘၣ်မုၢ်တနၤ, စီၤဧ့လံၤလၢခဲအံၤဘူးအမဲာ်တထံၣ်လၢၤတၢ်ဃၣ်ဃၣ် မံဝဲလၢအဒၢးဒၣ်ဝဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:15

(စီၤဧ့လံၤန့ၣ်ခဲအံၤအသးအိၣ်လံခွံဆံဃိးနံၣ်ဒီးအမဲာ်ချံဘူးကခံးလီၤ လၢာ်လၢာ်ဆ့ဆ့လံ.)