လံာ်တၢ်ကဲထီၣ်အခီၣ်ထံး 47:7 - Sgaw Karen Common Bible

⁷ အန့ၣ်ဒီး, စီၤယိၤသးဟဲကိးအပၢ်စီၤယၤကိာ်ဒီးဆှၢထီၣ်အီၤ ဆူစီၤပၤအအိၣ်န့ၣ်လီၤ. စီၤယၤကိာ်ဆိၣ်ဂ့ၤဆိၣ်ဝါစီၤပၤ,

လံာ်တၢ်ကဲထီၣ်အခီၣ်ထံး 47:7 Iomraidhean Croise

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 35:27

စီၤယၤကိာ်လဲၤဝဲဆူအပၢ်စီၤအံၤစဲးအအိၣ်လၢဝ့ၢ်မးမရ့ဘူး ဒီးဝ့ၢ်ဃ့ဘြိၣ်ဖဲစီၤအၤဘြၤဟၣ်ဒီးစီၤအံၤစဲးအိၣ်ဆိးတ့ၢ် ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:10

စီၤယၤကိာ်ဟ့ၣ်တၢ်လီၤဖးအတၢ်ဆိၣ်ဂ့ၤတထံၣ်ဆူစီၤပၤဝံၤဒီး ဟးထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:8

ဒီးစီၤပၤသံကွၢ်အီၤ, “နသးအိၣ်ပှဲၤနံၣ်လံလဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 14:22

စီၤယိၤအာ်ထိၣ်လီၤပှီၤအသးဆူဟီၣ်ခိၣ်လိၤလၢစီၤဒၤဝံးအမဲာ် ညါလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ကစၢ်ယွၤဆိၣ်ဂ့ၤနၤလီၤ. ခဲကနံၣ်အံၤ, ယသ့ၣ်ညါယဲလၢယဘၣ်ဘျုးဘၣ်ဖှိၣ်လၢနမဲာ်ညါန့ၣ်လီၤ. အဂ့ၢ်ဒ်အံၤ, နဟ့ၣ်လီၤယၤတၢ်လၢယဃ့ ကညးအီၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:39

အန့ၣ်ဝံၤဒီး, စီၤဒၤဝံးဒီးကယဲၢ်အပှၤခဲလၢာ်ခီဂာ် ထံကျိယၢ်ဒ့ၣ်န့ၣ်လီၤ. အဝဲနၢမူစီၤဘၢ်စံးလဲဒီးဟ့ၣ်လီၤအီၤလၢအတၢ်ဆိၣ်ဂ့ၤဆိၣ်ဝါ ဒီးစီၤဘၢ်စံးလဲက့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:10

လၢတၢ်န့ၣ်အဃိ, အဝဲဆှၢလီၤအဖိခွါစီၤယိၤရၣ်လၢကလဲၤဆၢဂ့ၤဆၢဝါစီၤပၤ စီၤဒၤဝံးအဂီၢ်ဒီးလဲၤဒုးနဲၣ်အတၢ်သးခုဃုာ်ဒီးအီၤလၢအတၢ် မၤနၢၤစီၤဟးဒးဧ့စ့ၢ်အဃိန့ၣ်လီၤ. အဝဲမ့ၢ်ပှၤလၢစီၤပၤတိဧံၤဒုးတၢ်ထီဒါအီၤအါဘျီန့ၣ်လီၤ. စီၤယိၤရၣ်လဲၤစိာ်န့ၢ်စီၤဒၤဝံးလၢတၢ်ဟ့ၣ်ကနၢၤတဖၣ်လၢအဘၣ် တၢ်မၤအီၤလၢထူ, စ့ဒီးတိၢ်ဘီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:47

လၢတၢ်န့ၣ်အမဲာ်ညါ, ကွီၢ်အပဒိၣ်ပပှၢ်တဖၣ်လဲၤနုာ်ဒ်သိးကဟ့ၣ်ထီၣ် တၢ်ယူးယီၣ်ဆူတၢ်ဒိၣ်ကစၢ်စီၤပၤဒၤဝံးဒီးစံးဝဲ, မ်နကစၢ်ယွၤဒုးမၤမံၤဟူသၣ်ဖျါစီၤၡလိၤမိၤအါန့ၢ်ဒံးနၤ ဒၣ်လဲာ်, တက့ၢ်န့ၣ်လီၤ. အန့ၣ်တစု, စီၤပၤဒၤဝံးသကူးလီၤအသးဒီးဘူၣ် ထီၣ်ဘါထီၣ်တၢ်လၢအလီၢ်မံအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:66

လၢဃိးနံၤတနံၤန့ၣ်, စီၤၡလိၤမိၤပျၢ်ကွံာ်ပှၤဂီၢ်မုၢ်လၢ ကက့ၤဆူအဟံၣ်န့ၣ်လီၤ. အဝဲသ့ၣ်ခဲလၢာ်, စံးထီၣ်ပတြၢၤအီၤဒီးက့ၤက့ၤဝဲဆူအဟံၣ်ဒၣ် ဝဲလၢတၢ်သူၣ်ဖှံသးညီအပူၤ, လၢကယဲၢ်တၢ်ဆိၣ်ဂ့ၤတဖၣ်လၢယွၤဟ့ၣ်တ့ၢ်အခ့အပှၤစီၤဒၤဝံးဒီး အပှၤဂီၢ်မုၢ်အံၣ်စရ့လးအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:29

စီၤအလံၤၡါဃၣ်ဃီၤအသးဆူစီၤက့ၤဃစံအအိၣ်ဒီးစံးဝဲဒၣ်, “မၤချ့ချ့, ဟံးထီၣ်ယနီၣ်ထိးဘိဒီးလဲၤတၢ်တက့ၢ်. အိၣ်ကတီၢ်ဒ်သိးနကဆၢဂ့ၤဆၢဝါပှၤလၢနဘၣ်သဂၢၢ်အီၤနီ တဂၤတဂ့ၤ. ဒီးပှၤတဂၤဂၤမ့ၢ်ဆၢဂ့ၤဆၢဝါနၤန့ၣ်ဟံးန့ၢ်တၢ် ဆၢကတီၢ်လၢနကစံးဆၢအီၤအဂီၢ်တဂ့ၤ. လဲၤလိၤလိၤဆူဟံၣ်န့ၣ်ဒီးယနီၣ်ထိးဘိအံၤပာ်လီၤအီၤလၢဖိ သၣ်ပိာ်ခွါအလိၤတက့ၢ်.”

လံာ်တၢ်ဟးထီၣ်ကွံာ် 12:32

ဟံးန့ၢ်သုသိတဖၣ်, မဲာ်တဲးလဲးတဖၣ်ဒီးဂီၤဖံးတဖၣ်ဒီးဟးထီၣ်ကွံာ်တက့ၢ်. ဒီးဃ့ဘါထုကဖၣ်န့ၢ်စ့ၢ်ကီးလၢယတၢ်ဆိၣ်ဂ့ၤတမံၤအဂီၢ်တက့ၢ်.”

လံာ်မးသဲ 26:26

ဖဲအဝဲသ့ၣ်အီၣ်တၢ်အဖၢမုၢ်န့ၣ်, ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤယွၤအဘျုး, ဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်တဖၣ်ဒီးစံး, “ဟံးန့ၢ်ဒီးအီၣ်တက့ၢ်. တၢ်အံၤမ့ၢ်ယနီၢ်ခိလီၤ.”

လံာ်လူၤကၣ် 22:19

အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

လံာ်စီၤယိၤၡူ 14:13

စီၤယိၤၡူဆိၣ်ဂ့ၤဒီးဟ့ၣ်လီၤစီၤယဖူန့ၤအဖိခွါစီၤကၤလ့းလၢဝ့ၢ်ဃ့ဘြိၣ်ဒ် အတၢ်န့ၢ်သါအသိးန့ၣ်လီၤ.

လံာ်စီၤယိၤၡူ 22:6

အန့ၣ်ဒီးစီၤယိၤၡူဆိၣ်ဂ့ၤအဝဲသ့ၣ်ဒီးပျၢ်အီၤဒီးအဝဲသ့ၣ်က့ၤက့ၤ ဝဲဆူအဟံၣ်ဒၣ်ဝဲန့ၣ်လီၤ. ဒီးအခဲအံၤလၢပှၤမ နၤၡ့ၤအဒူၣ်တဝာ်အဂီၢ် စီၤမိၤၡ့ဟ့ၣ်လီၤအလီၢ်လၢကီၢ်ဘၤၡၣ်အပူၤ, ဘၣ်ဆၣ်လၢအဒူၣ်တဝာ်အဂီၢ်တခီ စီၤယိၤၡူဟ့ၣ်လီၤတ့ၢ်အီၤတၢ်လီၢ်လၢအဒီပုၢ်ဝဲၢ်တဖၣ်အကပၤ လၢထံကျိယၢ်ဒ့ၣ်အမုၢ်နုာ်န့ၣ်လီၤ. ဒီးဖဲစီၤယိၤၡူပျၢ်ကွံာ် အဝဲသ့ၣ်ဆူအဟံၣ်ဒီးဆိၣ်ဂ့ၤအဝဲသ့ၣ်န့ၣ်, အဝဲစံးဘၣ်အဝဲသ့ၣ်, “က့ၤက့ၤဆူသုဟံၣ်အိၣ်ဒီးတၢ်ထူးတၢ် တီၤလၢအအါ, ဃုာ်ဒီးဆၣ်ဖိကီၢ်ဖိလၢအအါ, ဃုာ်ဒီးစ့, ထူ, တိၢ်ဘီ, ဒီးထး, ဃုာ်ဒီးတၢ်ကူတၢ်ကၤလၢအအါ, ဒီးနီၤဖးလီၤန့ၢ်သုဒီပုၢ်ဝဲၢ်တဖၣ်တၢ်ဂုာ်န့ၢ်လၢသုမၤန့ၢ်လၢသုဒုၣ်သုဒါတဖၣ်အအိၣ် န့ၣ်တက့ၢ်.”

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:20

ဒီးစီၤဧ့လံၤဆိၣ်ဂ့ၤစီၤအ့လကါနၤဒီးအမါဒီးစံးဘၣ်စီၤအ့လကါနၤ, “မ်ယွၤဟ့ၣ်နၤဖိအဂၤတဖၣ်ခီဖျိလၢပိာ်မုၣ်အံၤလၢဖိခွါ လၢနပာ်စီဆှံထီၣ်အီၤအလီၢ်န့ၣ်တက့ၢ်.” အန့ၣ်ဝံၤဒီးအဝဲသ့ၣ်က့ၤကဒါက့ဆူဟံၣ်လီၤ.