လံာ်တၢ်ကဲထီၣ်အခီၣ်ထံး 47:30 - Sgaw Karen Common Bible

³⁰ ယအဲၣ်ဒိးလၢယကဘၣ်တၢ်ခူၣ်လီၤယၤဖဲယပၢ်တဖၣ်ဘၣ်တၢ်ခူၣ်လီၤကွံာ် အီၤအလီၢ်န့ၣ်လီၤ. စိာ်ထီၣ်ကွံာ်ယၤလၢကီၢ်အဲၤကူပတူးအပူၤ, ဒီးခူၣ်လီၤယၤဖဲအဝဲသ့ၣ်ဘၣ်တၢ်ခူၣ်လီၤတ့ၢ်အီၤအလီၢ်န့ၣ်တက့ၢ်.” စီၤယိၤသးစံးဆၢဝဲ, “ယကမၤဒ်နစံးဘၣ်ယၤအသိးလီၤ.”

လံာ်တၢ်ကဲထီၣ်အခီၣ်ထံး 47:30 Iomraidhean Croise

လံာ်တၢ်ကဲထီၣ်အခီၣ်ထံး 15:15

နနီၢ်ကစၢ်ဒၣ်နဲနကအိၣ်ကၢအိၣ်ခိးတုၤနသးပှၢ်တုာ်, နကသံဘၣ်မုာ်မုာ်ခုၣ်ခုၣ်ဒီးနကဘၣ်တၢ်ခူၣ်လီၤကွံာ်နၤန့ၣ်လီၤ.

လံာ်တၢ်ကဲထီၣ်အခီၣ်ထံး 23:17

တၢ်န့ၣ်မ့ၢ်တၢ်စုလီၢ်ခီၣ်ခိၣ်လၢအဘၣ်ထွဲတ့ၢ်ဒီးစီၤဧ့ၤဖရိၣ် ဖဲမးကပ့လးလၢဝ့ၢ်မးမရ့အမုၢ်ထီၣ်ကဲထီၣ်က့ၤစီၤအၤဘြၤဟၣ် အတၢ်ဒ်လဲၣ်န့ၣ်လီၤ. တၢ်လီၢ်အံၤအိၣ်ဒီးပျီ, လၢၢ်ကအိလၢအပူၤ, ဒီးကယဲၢ်သ့ၣ်ခဲလၢာ်လၢအအိၣ်လၢပျီပူၤတုၤဃီၤဆူတၢ်စုလီၢ် ခီၣ်ခိၣ်အကနူၤထံးတၢ်လီၢ်အခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 23:19

တုၤနုၤတစုစီၤအၤဘြၤဟၣ်ခူၣ်လီၤဘျၢလီၤအမါနီၢ်စၤရါလၢ လၢၢ်ကအိအဝဲန့ၣ်အပူၤလၢကီၢ်ကနၤဧၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:10

ဒီးပျီအံၤမ့ၢ်တၢ်လီၢ်လၢစီၤအၤဘြၤဟၣ်ပှ့ၤတ့ၢ်လၢပှၤဃ့ၤသး ဖိအအိၣ်န့ၣ်လီၤ. စီၤအၤဘြၤဟၣ်ဒီးအမါနီၢ်စၤရါဘၣ်တၢ်ခူၣ်လီၤအီၤခံဂၤလိာ် ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 25:9

အဖိခွါတဖၣ်လၢအမ့ၢ်ဝဲစီၤအံၤစဲးဒီးစီၤယံးၡမၤဧ့လးခူၣ် လီၤဘျၢလီၤအီၤလၢလၢၢ်ကအိမးကပ့လၤလၢအဘၣ်ဃးဒီးပှၤဃ့ၤသး ဖိစီၤစိၤဃၢ်အဖိခွါစီၤဧ့ၤဖရိၣ်, လၢအအိၣ်ဖဲ မးမရ့အမုၢ်ထီၣ်ပျီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:29

ဒီးသံဝဲလၢအသးပှၢ်တုာ်အကတီၢ်န့ၣ်လီၤ. ဒီးအဖိခွါစီၤဧ့ၡီၤဒီးစီၤယၤကိာ်ခူၣ်လီၤကွံာ်အီၤန့ၣ် လီၤ.

လံာ်တၢ်ကဲထီၣ်အခီၣ်ထံး 50:25

အန့ၣ်ဒီး, စီၤယိၤသးမၢအပှၤဂီၢ်မုၢ်မၤတၢ်ဆိၣ်တမံၤန့ၣ်လီၤ. အဝဲစံးဝဲ, “အၢၣ်လီၤတၢ်ဒီးယၤလၢဖဲကစၢ်ယွၤဆှၢသုဆူ ကီၢ်အဝဲအံၤဒီး, သုကစိာ်ထီၣ်ကွံာ်ယစိၣ်ဃုာ်ဒီးသုန့ၣ်တ က့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:37

အန့ၣ်ဝံၤဒီးပျဲယဟဲက့ၤကဒါက့ၤဆူဟံၣ်ဒီးသံဘူးဒီးယမိၢ်ယပၢ်တဖၣ် အသွၣ်ခိၣ်န့ၣ်တက့ၢ်. အဝဲအံၤမ့ၢ်ယဖိခွါစီၤကံမဟၣ်လၢအကမၤတၢ်ခ့တၢ်ပှၤအတၢ်မၤလၢနဂီၢ်န့ၣ်လီၤ. နဲဒၣ်တၢ်ဒိၣ်ကစၢ်စီၤပၤဧၢ, က့ၤကိးဃုာ်အီၤဒီးနၤ, ဒီးတၢ်လၢနဆိကမိၣ်မ့ၢ်တၢ်အဂ့ၤကတၢၢ်န့ၣ်မၤလၢအဝဲအဂီၢ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 2:32

စီၤယိၤအာ်ဒီးအပှၤတဖၣ်ဟံးန့ၢ်စီၤဧစၤအ့လးအစိၣ်ဒီးခူၣ်လီၤကွံာ်အီၤ ဖဲအဒူၣ်ဖိထၢဖိအသွၣ်ခိၣ်လၢဝ့ၢ်ဘ့ၤသလ့ဃ့ၣ် အပူၤန့ၣ်လီၤ. အန့ၣ်ဝံၤဒီး, အဝဲသ့ၣ်လဲၤတၢ်သီတနၤကျၢၤဒီးလၢမုၢ်ဆ့ၣ်ထီၣ် ဂီၤဂီၤန့ၣ်ဟဲက့ၤတုၤကဒါက့ၤဆူဝ့ၢ်ဃ့ဘြိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:22

အခိၣ်တလိာ်, နက့ၤကဒါက့ၤဒီးအီၣ်တၢ်အီၣ်တဘျီလၢတၢ်လီၢ်လၢ အဝဲမၤလိာ်တ့ၢ်နၤလၢနသုတအီၣ်တၢ်တဂ့ၤန့ၣ်လီၤ. လၢတၢ်အံၤအဃိ, နကဘၣ်တၢ်မၤသံနၤ, ဒီးနစိၣ်တဘၣ်တၢ်ခူၣ်လီၤ ကွံာ်အီၤလၢနဒူၣ်ဖိထၢဖိအတၢ်သွၣ်ခိၣ်အပူၤဘၣ်န့ၣ်လီၤ.”

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

လံာ်စီၤနဃ့မယၤ 2:5

ဒီးယစံးဘၣ်စီၤပၤဖးဒိၣ် “မ့ၢ်ဘၣ်စီၤပၤဖးဒိၣ်အသး, ဒီးသးအိၣ်ဟ့ၣ်တၢ်လၢယဃ့န့ၣ်, ပျဲယလဲၤဆူကီၢ်ယူဒၤ, ဆူဝ့ၢ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤအီၤဒ်သိး ယသူၣ်ထီၣ်ကဒါက့ၤအီၤကသ့အဂီၢ်တက့ၢ်.”

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.