လံာ်တၢ်ကဲထီၣ်အခီၣ်ထံး 47:29 - Sgaw Karen Common Bible

²⁹ ဖဲတၢ်ဆၢကတီၢ်ဘူးထီၣ်လၢအဝဲကသံန့ၣ်, အဝဲမၢပှၤကိးန့ၢ်အီၤအဖိခွါစီၤယိၤသးဒီးစံးဘၣ်အီၤ, “ပာ်နစုလၢယကံၣ်ဒုၣ်ကဆူးဒီးမၤတၢ်ဆိၣ်သညူးသပှၢ်တမံၤဒီး ယၤလၢ, နတခူၣ်လီၤယၤလၢကီၢ်အဲၤကူပတူးအပူၤဘၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 47:29 Iomraidhean Croise

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 24:49

ခဲကနံၣ်အံၤ, သုမ့ၢ်တိာ်သူၣ်ပာ်သးလၢသုကမၤလၢပှဲၤသုမူသု ဒါလၢယကစၢ်အဂီၢ်ဒီးမၤအီၤတီတီန့ၣ်ဝံသးစူၤတဲဘၣ်ယၤတ က့ၢ်. မ့တမ့ၢ်ဘၣ်ဒီးစံးဘၣ်ယၤတက့ၢ်. ဒီးယကဘၣ်မၤတၢ်မနုၤလဲၣ်န့ၣ် ယကစံၣ်ညီၣ်တဲာ်ဒၣ်ယဲလီၤ.”

လံာ်တၢ်ကဲထီၣ်အခီၣ်ထံး 27:2

ဒီးစီၤအံၤစဲးစံးဝဲဒၣ်, “နထံၣ်လၢယသးပှၢ်လံဒီးဘူးယကသံ လံ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 50:12

ဒီးစီၤယၤကိာ်အဖိခွါတဖၣ်မၤတ့ၢ်တၢ်ဒ်အပၢ်မၤလိာ်တ့ၢ်အ ဝဲသ့ၣ်အသိး,

လံာ်တၢ်ကဲထီၣ်အခီၣ်ထံး 50:5

ဖဲယပၢ်ဘူးကသံန့ၣ်အဝဲမၢယဆိၣ်တၢ်ဒီးအီၤဒ်သိးယကခူၣ်လီၤ အီၤလၢတၢ်သွၣ်ခိၣ်အပူၤလၢအကတဲာ်ကတီၤပာ်ဝဲအိၣ်လၢကီၢ် ကနၤဧၣ်အပူၤန့ၣ်လီၤ. အဃိဝံသးစူၤပျဲယလဲၤဒီးခူၣ်လီၤယပၢ်, ဝံၤဒီးယကဟဲက့ၤကဒါက့ၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:32

စီၤယိၤအာ်ဒီးအပှၤတဖၣ်ဟံးန့ၢ်စီၤဧစၤအ့လးအစိၣ်ဒီးခူၣ်လီၤကွံာ်အီၤ ဖဲအဒူၣ်ဖိထၢဖိအသွၣ်ခိၣ်လၢဝ့ၢ်ဘ့ၤသလ့ဃ့ၣ် အပူၤန့ၣ်လီၤ. အန့ၣ်ဝံၤဒီး, အဝဲသ့ၣ်လဲၤတၢ်သီတနၤကျၢၤဒီးလၢမုၢ်ဆ့ၣ်ထီၣ် ဂီၤဂီၤန့ၣ်ဟဲက့ၤတုၤကဒါက့ၤဆူဝ့ၢ်ဃ့ဘြိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:1

ဘူးထီၣ်လၢစီၤဒၤဝံးကသံန့ၣ်အဝဲကိးအဖိခွါစီၤၡလိၤမိၤ ဒီးဟ့ၣ်လီၤအီၤအတၢ်မၤလိာ်ပိာ်လီၤလၢခံကတၢၢ်တဖၣ်န့ၣ်လီၤ.

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 30:23

ယသ့ၣ်ညါလၢနကစိာ်လီၤယၤဆူတၢ်သံဒီးဆူတၢ်လီၢ်လၢ အဘၣ်တၢ်တိာ်ပာ်အီၤလၢ ပှၤကိးဂၤဒဲးအဂီၢ်န့ၣ်လီၤ.

လံာ်စီၤယိၤဘး 7:1

ပှၤကညီအတၢ်အိၣ်မူလၢဟီၣ်ခိၣ်ချၢအံၤလီၤဂာ်ဒီးသုးမုၢ်အတၢ် မၤလၢအအိၣ်ဒီး, တၢ်မၤဆူၣ်မၤနၢၤ, ဒ်ပှၤဒိးလဲအသးအတၢ်အိၣ်မူအဆူၣ်အကိၢ်အသိး,

စံးထီၣ်ပတြၢၤ 49:7

ပှၤတဂၤပှ့ၤလီၤက့ၤအသးတသ့နီတဘျီဘၣ်. ဟ့ၣ်ကစၢ်ယွၤလၢအသးသမူအပှ့ၤအဂီၢ် တသ့ဘၣ်.

စံးထီၣ်ပတြၢၤ 49:9

ကတြီဃာ်အီၤလၢတၢ်သံမ့ၢ်ဂ့ၤ, ကပျဲဒုးမူအီၤလီၤစိၤမ့ၢ်ဂ့ၤန့ၣ်ဘၣ်.

စံးထီၣ်ပတြၢၤ 6:5

အဂ့ၢ်ဒ်အံၤ, တၢ်သ့ၣ်နီၣ်ထီၣ်က့ၤနၤ တအိၣ်ဘၣ်လၢတၢ်သံအပူၤဘၣ်. လၢပျုၤပူၤန့ၣ်, မ့ၢ်မတၤကသ့စံးထီၣ်ပတြၢၤ နဘျုးနဖှိၣ်တဂၤလဲၣ်.

စံးထီၣ်ပတြၢၤ 89:48

ပှၤလၢအမူဝဲဒီးတထံၣ်န့ၢ်တၢ်သံနီတဘျီ ဒီးကမၤပူၤဖျဲးအသးသမူသ့လၢ တၢ်သံအစိအကမီၤန့ၣ်, မ့ၢ်မတၤတဂၤလဲၣ်. စ့လၤ

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

ဧ့ၤဘြံၤ 11:22

လၢတၢ်စူၢ်တၢ်နာ်ဖဲစီၤယိၤသးဘူးထီၣ်လၢအကသံန့ၣ်, ကတိၤတၢ်ဘၣ်ဃးပှၤအံၣ်စရ့လးဖိအတၢ်ကဟးထီၣ်လၢကီၢ် အဲၤကူပတူးအဂ့ၢ်, ဒီးမၤလိာ်တ့ၢ်တၢ်ဘၣ်ဃးဒီးအဃံအဂ့ၢ်န့ၣ်လီၤ.

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”

လံာ်စီၤယိၤၡူ 23:14

တၢ်ဆၢကတီၢ်တုၤဃီၤဝဲလၢယကသံအဂီၢ်လီၤ. ဒီးသုဝဲခဲလၢာ်သုသ့ၣ်ညါလၢသုသးကံၢ်ပူၤလၢယွၤသုကစၢ် ယွၤဟ့ၣ်လီၤသုတၢ်အဂ့ၤခဲလၢာ်လၢအအၢၣ်လီၤတ့ၢ်ဝဲန့ၣ်လီၤ. အတၢ်အၢၣ်လီၤကိးထံၣ်ဒဲးန့ၣ်မၤလၢပှဲၤဝဲလီၤ. တမၤလၢပှဲၤဝဲတအိၣ်နီတထံၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.