လံာ်တၢ်ကဲထီၣ်အခီၣ်ထံး 47:25 - Sgaw Karen Common Bible

²⁵ အဝဲသ့ၣ်စံးဆၢဝဲ, “ကစၢ်ဧၢ, နအုၣ်က့ၤခီၣ်က့ၤတ့ၢ်ပသးသမူ လံ. နဂ့ၤတ့ၢ်လၢပဖီခိၣ်လီၤ. ဒီးပကကဲထီၣ်စီၤပၤအကုၢ်အပှၤတဖၣ် လီၤ.”

လံာ်တၢ်ကဲထီၣ်အခီၣ်ထံး 47:25 Iomraidhean Croise

လံာ်တၢ်ကဲထီၣ်အခီၣ်ထံး 18:3

ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ.

လံာ်တၢ်ကဲထီၣ်အခီၣ်ထံး 32:6

ဖဲပှၤစိာ်တၢ်ကစီၣ်တဖၣ်ဟဲက့ၤတုၤဆူစီၤယၤကိာ်အအိၣ်န့ၣ်, အဝဲသ့ၣ်စံး, “ပလဲၤဆူနဝဲၢ်စီၤဧ့ၡီၤအအိၣ်, ဒီးအဝဲဟဲ ထီၣ်လံဝဲဒ်သိးအကဟဲသဂၢၢ်နၤလီၤ. အဝဲအိၣ်ဒီးအပှၤအဂၤလွံၢ်ကယၤလီၤ.”

လံာ်တၢ်ကဲထီၣ်အခီၣ်ထံး 33:15

စီၤဧ့ၡီၤစံးဝဲ, “ပမ့ၢ်မၤဒ်န့ၣ်ဒီးပျဲယပာ်တီၢ်ယပှၤတနီၤ ဒီးနၤတက့ၢ်.” ဘၣ်ဆၣ်စီၤယၤကိာ်စံးဆၢဝဲ, “အဝဲန့ၣ်အလီၢ်တအိၣ်ဘၣ်. အဂ့ၢ်ဒ်အံၤ, ယအဲၣ်ဒိးထဲနတၢ်သးကညီၤကွၢ်မဲာ်ဧိၤလီၤ.”

လံာ်တၢ်ကဲထီၣ်အခီၣ်ထံး 41:45

စီၤပၤယုၢ်န့ၢ်စီၤယိၤသးလၢအဲၤကူပတူးဖိအမံၤ, “စီၤစးဖနးသဖၤန့ၤ,” ဒီးဟ့ၣ်အီၤလၢအမါတဂၤလၢအမံၤမ့ၢ် နီၢ်အၤစနး, စီၤပိၤတံၤဖ့ရၤလၢအမ့ၢ်ပှၤလုၢ်တၢ်အခိၣ်လၢဝ့ၢ်ဟဲလံအီၣ်ဖီ လံာ်အဖိမုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်တၢ်ကဲထီၣ်အခီၣ်ထံး 6:19

လဲၤစိာ်နုာ်ကယဲၢ်တၢ်လၢအမူခဲလၢာ်အကျါခံဒု, ခံဘ့ၣ်, အမိၢ်ဒီးအဖါ, ဒ်သိးကမူဃုာ်ဒီးနၤန့ၣ်တက့ၢ်.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”