လံာ်တၢ်ကဲထီၣ်အခီၣ်ထံး 47:17 - Sgaw Karen Common Bible

¹⁷ လၢတၢ်န့ၣ်အဃိ, အဝဲသ့ၣ်ဟဲစိာ်အဆၣ်ဖိကီၢ်ဖိအဒၢတဖၣ်ဆူ စီၤယိၤသးအအိၣ်, ဒီးအဝဲဟ့ၣ်ခီလဲန့ၢ်အဝဲသ့ၣ်တၢ်အီၣ်ဒီး အကသ့ၣ်တဖၣ်, အသိတဖၣ်, အမဲာ်တဲးလဲးတဖၣ်, အဂီၤဘုၣ်ဂီၤဖံးဒီးအကသ့ၣ်ယီၤတဖၣ်န့ၣ်လီၤ. နံၣ်အဝဲန့ၣ်, အဝဲလုၢ်အီၣ်အဝဲသ့ၣ်လၢတၢ်အီၣ်ဒ်တၢ်ဟ့ၣ်ခီ လဲလၢအဝဲသ့ၣ်အဆၣ်ဖိကီၢ်ဖိအဒၢတဖၣ်အဂီၢ်လီၤ.

လံာ်တၢ်ကဲထီၣ်အခီၣ်ထံး 47:17 Iomraidhean Croise

လံာ်တၢ်ကဲထီၣ်အခီၣ်ထံး 47:16

စီၤယိၤသးစံးဆၢဝဲ, “သုကျိၣ်သုစ့မ့ၢ်လၢာ်ကွံာ်ခဲလၢာ် န့ၣ်, ဟဲစိာ်သုဆၣ်ဖိကီၢ်ဖိအဒၢတဖၣ်ဒီးယကလဲလိာ်န့ၢ်သုဒီးတၢ် အီၣ်တၢ်အီန့ၣ်လီၤ.”

လံာ်တၢ်ကဲထီၣ်အခီၣ်ထံး 47:18

လၢခံတနံၣ်န့ၣ်, အဝဲသ့ၣ်ဟဲဆူအအိၣ်ဒီးစံးဝဲ, “ကစၢ်ဧၢ, တီတီလိၤလိၤပတပာ်ခူသူၣ်တၢ်မၤအသးလၢနၤဘၣ်. ပကျိၣ်ပစ့လၢာ်ကွံာ်ခဲလၢာ်ဒီးပဆၣ်ဖိကီၢ်ဖိအဒၢတဖၣ်ကဲထီၣ် နတၢ်လံ. မ့တမ့ၢ်လၢပနီၢ်ခိနီၢ်ကစၢ်တဖၣ်ဒီးပဟီၣ်ခိၣ်တဖၣ်ဘၣ်န့ၣ်, ပကဟ့ၣ်နၤတၢ်တအိၣ်လၢၤနီတမံၤဘၣ်.

လံာ်စီၤပၤအခီၣ်ထံးတဘ့ၣ် 10:28

စီၤပၤအခၢၣ်စးတဖၣ်ပၢၤဃာ်ဝဲတၢ်ဟဲစိာ်နုာ်ဒီးဆါကသ့ၣ်တဖၣ် လၢကီၢ်မူၤစရံဒီးကံၤလကံ,

လံာ်စီၤယိၤဘး 2:4

တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

လံာ်တၢ်ဟးထီၣ်ကွံာ် 9:3

ယကစံၣ်ညီၣ်နၤခီဖျိတၢ်ဆှၢလီၤတၢ်သံသတြိာ်နးမးလၢနဆၣ်ဖိကီၢ်ဖိလၢအအိၣ်လၢစံာ်ပူၤပှဲၤပူၤ, ကသ့ၣ်အလိၤ, ကသ့ၣ်ယီၤအလိၤ, ကီၤလၤအူးအလိၤ, ကျီၢ်အလိၤ, သိဒီးမဲာ်တဲးလဲးတဖၣ်အလိၤန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.