လံာ်တၢ်ကဲထီၣ်အခီၣ်ထံး 47:15 - Sgaw Karen Common Bible

¹⁵ တုၤစ့ခဲလၢာ်လၢကီၢ်အဲၤကူပတူးဒီးကီၢ်ကနၤဧၣ်အပူၤဘၣ်တၢ် သူလၢာ်ကွံာ်အီၤန့ၣ်ပှၤအဲၤကူပတူးဖိတဖၣ်ဟဲဆူစီၤယိၤသး အအိၣ်ဒီးစံးဝဲ, “ဟ့ၣ်ပှၤတၢ်အီၣ်တၢ်အီတက့ၢ်. ပျဲပသံတဂ့ၤ. မၤတၢ်တမံၤမံၤတက့ၢ်. ပကျိၣ်ပစ့လၢာ်ကွံာ်ခဲ လၢာ်လံ.”

လံာ်တၢ်ကဲထီၣ်အခီၣ်ထံး 47:15 Iomraidhean Croise

လံာ်တၢ်ကဲထီၣ်အခီၣ်ထံး 41:36

တၢ်အီၣ်တၢ်အီတဖၣ်အံၤ, ကမ့ၢ်တၢ်ကတီၤပာ်တကလုာ်လၢထံကီၢ်အဂီၢ် ဖဲနွံနံၣ်လၢတၢ်သၣ်ဝံၤလီၤဒိအကဟဲဘၣ်ကီၢ်အဲၤကူပတူးအဂီၢ် န့ၣ်လီၤ. လၢကျဲဒ်သိးအံၤန့ၣ် ပှၤဂီၢ်မုၢ်တသၣ်ဝံၤလီၤဒိဘၣ်ဝဲဘၣ်.”

လံာ်တၢ်ကဲထီၣ်အခီၣ်ထံး 47:16

စီၤယိၤသးစံးဆၢဝဲ, “သုကျိၣ်သုစ့မ့ၢ်လၢာ်ကွံာ်ခဲလၢာ် န့ၣ်, ဟဲစိာ်သုဆၣ်ဖိကီၢ်ဖိအဒၢတဖၣ်ဒီးယကလဲလိာ်န့ၢ်သုဒီးတၢ် အီၣ်တၢ်အီန့ၣ်လီၤ.”

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်ယၡါယၤ 33:16

အန့ၣ်ဒီးသုကပူၤဖျဲးသုဝဲလီၤ. သုကအိၣ်ဘံၣ်အိၣ်ဘၢသုဝဲဒ် သုအိၣ်လၢတိာ်ဧိၤတာ်ဧိၤလၢအဂၢၢ်အကျၢၤတခါအပူၤ အသိးန့ၣ်လီၤ. သုကအိၣ်ဒီးတၢ်အီၣ်လၢသုကအီၣ်အီၤ, ဒီးထံလၢသုကအီအဂီၢ်န့ၣ်လီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်ပှၤစံၣ်ညီၣ်ကွီၢ် 8:5

ဒီးတုၤအဝဲသ့ၣ်တုၤဃီၤဖဲဝ့ၢ်စူးကိၤသးန့ၣ်စီၤကံးဒဧိၣ် စံးဘၣ်ပှၤအိၣ်လၢဝ့ၢ်ပူၤတဖၣ်န့ၣ်, “ဝံသးစူၤဟ့ၣ်ယပှၤတဖၣ်လၢကိၣ်အလိၣ်တနီၤတက့ၢ်. အဝဲသ့ၣ်လီၤဘှံးလီၤတီၤဒီးယလူၤဖီၣ်ဒံး ပှၤမံးဒယၣ်ဖိအစီၤပၤတဖၣ်လၢအမ့ၢ်စီၤစ့ဘၤဒီးစီၤစးလမူနၤန့ၣ်လီၤ.”

လံာ်ပှၤစံၣ်ညီၣ်ကွီၢ် 8:8

စီၤကံးဒဧိၣ်လဲၤဆူညါဆူပနံၤအ့လးဒီးဃ့တၢ်တမံၤဃီလၢ ပှၤအိၣ်ဖဲန့ၣ်တဖၣ်န့ၣ်လီၤ. ဘၣ်ဆၣ်ဒီးပှၤပနံၤအ့လးဖိတဖၣ်စံးဆၢတၢ်တမံၤဃီဒ်ပှၤစူးကိၤသးဖိတဖၣ် အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:3

ခဲအံၤ, တၢ်အီၣ်တၢ်အီမနုၤအိၣ်ဒီးနၤလဲၣ်. ဟ့ၣ်ယၤကိၣ်ယဲၢ်ဖျၢၣ်မ့တမ့ၢ်တၢ်ဂၤတမံၤမံၤလၢအအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:8

ထဲဒၣ်သံကွၢ်ကွၢ်အဝဲသ့ၣ်, ဒီးအဝဲသ့ၣ်ကတဲနၤလီၤ. ပဟဲပဝဲဒၣ်လၢမူးဖးဒိၣ်အမုၢ်တနံၤ, ဒီးစီၤဒၤဝံးဃ့ကညး နၤလၢနကတူၢ်လိာ်ပဝဲသ့ၣ်တဖၣ်လၢတၢ်သူၣ်အိၣ်သးအိၣ်လီၤ. ဝံသးစူၤဟ့ၣ်ပှၤတၢ်လၢနဟ့ၣ်နခ့နပှၤပဝဲဒၣ်ဒီးနတံၤသကိးစီၤ ဒၤဝံးသ့ဝဲဒၣ်တဖၣ်တက့ၢ်.”