လံာ်တၢ်ကဲထီၣ်အခီၣ်ထံး 47:13 - Sgaw Karen Common Bible

¹³ တၢ်သၣ်ဝံၤလီၤဒိမၤအသးနးနးကျံးကျံးတုၤဒၣ်လဲာ်တၢ်အီၣ်တၢ် အီတအိၣ်လၢတၢ်လီၢ်နီတပူၤဘၣ်, ဒီးပှၤဂီၢ်မုၢ်လၢကီၢ်အဲၤကူပတူးဒီးကီၢ်ကနၤဧၣ်တဖၣ်လီၤဘှါ ဝဲလၢတၢ်သူၣ်ဝံၤသၣ်စ့ၤအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 47:13 Iomraidhean Croise

လံာ်တၢ်ကဲထီၣ်အခီၣ်ထံး 41:36

တၢ်အီၣ်တၢ်အီတဖၣ်အံၤ, ကမ့ၢ်တၢ်ကတီၤပာ်တကလုာ်လၢထံကီၢ်အဂီၢ် ဖဲနွံနံၣ်လၢတၢ်သၣ်ဝံၤလီၤဒိအကဟဲဘၣ်ကီၢ်အဲၤကူပတူးအဂီၢ် န့ၣ်လီၤ. လၢကျဲဒ်သိးအံၤန့ၣ် ပှၤဂီၢ်မုၢ်တသၣ်ဝံၤလီၤဒိဘၣ်ဝဲဘၣ်.”

လံာ်စီၤပၤအခီၣ်ထံးတဘ့ၣ် 18:5

စီၤအၤဃာ်စံးဘၣ်စီၤဧိၤဘါဒယၤ, “မ်ပကလဲၤကွၢ်တၢ်လၢကယဲၢ် ထံထီၣ်ပၢၢ်ဒီးကယဲၢ်ထံကျိအထၣ်လၢကီၢ်ပူၤဒ်သိးပကထံၣ်ဘၣ်လၢ, မ့ၢ်ပထံၣ်န့ၢ်နီၣ်ဧိၤမံၤဧိၤလၢအကလၢဝဲလၢပကသ့ၣ်တဖၣ်ဒီး ကသ့ၣ်လၤတဖၣ်ကအီၣ်ဒီးမူဝဲအဂီၢ်န့ၣ်ဧါ. ဘၣ်သ့ၣ်သ့ၣ်ပတမၤသံဘၣ်ပဆၣ်ဖိကီၢ်ဖိနီတဒုဒုဘၣ်.”

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်သးသယုၢ်တၢ် 4:9

ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်, လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.

မၤတၢ် 7:11

အကတီၢ်ဖဲန့ၣ်, တၢ်သၣ်ဝံၤလီၤဒိအိၣ်ထီၣ်ဝဲသကုၤကီၢ် အဲၤကူပတူးဒီးကီၢ်ကနၤဧၣ်, ဒီးတၢ်န့ၣ်ဒုးအိၣ်ထီၣ်တၢ်ဖှီၣ်တၢ်နး အဒိၣ်အမုၢ်လီၤ. ပပၢ်ဖးဒိၣ်တဖၣ်ဃုမၤန့ၢ်တၢ်အီၣ်လၢကအီၣ်ဝဲအဂီၢ်တဘၣ်နီ တမံၤဘၣ်.