လံာ်တၢ်ကဲထီၣ်အခီၣ်ထံး 47:11 - Sgaw Karen Common Bible

¹¹ အန့ၣ်ဒီး, ဒ်စီၤပၤမၤလိာ်တ့ၢ်ဝဲအသိးန့ၣ်, စီၤယိၤသးဒုးအိၣ်ဒုးဆိးအပၢ်ဒီးအဒီပုၢ်ဝဲၢ်ခွါတဖၣ်လၢ ကီၢ်အဲၤကူပတူးအပူၤ, ဖဲတၢ်လီၢ်အဂ့ၤကတၢၢ်ဘူးဒီးဝ့ၢ်ရၤမစ့, ဒီးဟ့ၣ်လီၤဃုာ်အီၤတၢ်စုလီၢ်ခီၣ်ခိၣ်လီၤ.

လံာ်တၢ်ကဲထီၣ်အခီၣ်ထံး 47:11 Iomraidhean Croise

လံာ်တၢ်ကဲထီၣ်အခီၣ်ထံး 46:34

တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.

လံာ်တၢ်ကဲထီၣ်အခီၣ်ထံး 47:27

ပှၤအံၣ်စရ့လးဖိတဖၣ်အိၣ်ဝဲဆိးဝဲလၢကီၢ်အဲၤကူပတူးအပူၤ, လၢကီၢ်ကိၡ့ၣ်အလီၢ်ကဝီၤဖဲအဝဲသ့ၣ်ထူးထီၣ်တီၤထီၣ်, ဒီးအိၣ်ဒီးအဖိတဖၣ်အါဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 47:6

ကီၢ်အဲၤကူပတူးမ့ၢ်အဝဲသ့ၣ်အတၢ်န့ၣ်လီၤ. ပျဲအသူၣ်လီၤအလီၢ်အိၣ်လီၢ်ဆိးလၢကီၢ်ကိၡ့ၣ်, အလီၢ်ကဝီၤအပူၤ, တၢ်လီၢ်အဂ့ၤကတၢၢ်လၢကီၢ်အပူၤတက့ၢ်. ဒီးလၢအဝဲသ့ၣ်အကျါပှၤတနီၤနီၤလၢအမၤသ့မၤဘၣ်မ့ၢ်အိၣ်ဒီး, ဒုးကဲထီၣ်အီၤလၢပှၤကွၢ်ထွဲယကစၢ်ဒၣ်ယဲအဆၣ်ဖိကီၢ်ဖိအဒၢ တဖၣ်တက့ၢ်.”

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 12:37

ပှၤအံၣ်စရ့လးဖိတဖၣ်ဟးထီၣ်ဝဲလၢအခီၣ်စးထီၣ်လၢဝ့ၢ်ရၤမစ့ တုၤဆူဝ့ၢ်စူးကိၤသးန့ၣ်လီၤ. ပှၤပိာ်ခွါအိၣ်ဝဲဒၣ်အဂၤဃုကလီၢ်ဃၣ် ဃၣ်ဒီးပိာ်မုၣ်တဖၣ်ဒီးဖိသၣ်တဖၣ်တဘၣ်တၢ်ဂံၢ်ဃုာ်အီၤဘၣ်.

လံာ်ယၡါယၤ 22:24

ဘၣ်ဆၣ်ဒီး, ကယဲၢ်အဘူးအတံၢ်ဒီးပှၤလၢအသန့ၤအသး လၢအီၤခဲလၢာ်, ကကဲထီၣ်တၢ်ဝံတၢ်ယိးတမံၤလၢအဂီၢ်န့ၣ်လီၤ. အဝဲသ့ၣ်ကဘျးလီၤစဲၤအသးလၢအလိၤဒ်တၢၢ်ဧိၤသပၢၤဧိၤ ဒီးလီခီတဖၣ်ဘျးလီၤစဲၤအသးလၢနီၣ်စဲတဘိအလိၤအသိးန့ၣ်လီၤ.

လံာ်တၢ်ဂံၢ် 33:3

ကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးလၢနံၣ် တနံၣ်လၢအခီၣ်ထံးကတၢၢ်တလါထီၣ်တဆံယဲၢ်သီအနံၤ, ဖဲဘူၣ်လဲၤ ကပာ်ဝံၤလၢခံတနံၤန့ၣ်လီၤ. လၢကစၢ်ယွၤအတၢ်ဒီဒၣ်အိၣ်ပှိၤအဖီလာ်န့ၣ်အဝဲသ့ၣ်ဟးထီၣ်လၢ ဝ့ၢ်ရၤမစ့ဖဲပှၤအဲၤကူပတူးဖိတဖၣ်ထံၣ်ဘၣ်ဝဲပှဲၤမဲာ်ပှဲၤနါ

လံာ်ယိၤဟၣ် 10:10

တၢ်ဟုၣ်တၢ်ဘျၣ်န့ၣ်ဟဲဝဲဒ်သိးအကဟုၣ်တၢ်, မၤသံတၢ်ဒီးမၤဟးဂီၤတၢ်အဂီၢ်လီၤ. မ့မ့ၢ်ယဲဒၣ်အံၤယဟဲယဲဒ်သိးသုကန့ၢ်ဘၣ်တၢ်မူ ဒီးန့ၢ်ဘၣ်အီၤအါအါကလဲာ်အဂီၢ်လီၤ.

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 14:2

လၢယပၢ်အဟံၣ်ပူၤန့ၣ်, ဒၢးအိၣ်ဝဲအါဖျၢၣ်လီၤ. ယကလဲၤကတဲာ်ကတီၤတၢ်လီၢ်လၢသုဂီၢ်လီၤ. တၢ်အံၤမ့တမ့ၢ်ဘၣ်န့ၣ်, ယတစံးဘၣ်တဲဘၣ်သုဘၣ်.

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.