လံာ်တၢ်ကဲထီၣ်အခီၣ်ထံး 46:5 - Sgaw Karen Common Bible

⁵ စီၤယၤကိာ်ဟးထီၣ်လၢဝ့ၢ်ဘ့ၢ်ၡဘၤ, ဒီးအဖိခွါတဖၣ်ဒုးဒိး ထီၣ်အီၤ, အဝဲသ့ၣ်အဖိဆံးတဖၣ်, ဒီးအဝဲသ့ၣ်အမါတဖၣ်လၢလ့ၣ်ကဟၣ်တဖၣ်လၢ ကီၢ်အဲၤကူပတူးအစီၤပၤဆှၢလီၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:5 Iomraidhean Croise

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 45:19

တဲဘၣ်စ့ၢ်ကီးအဝဲသ့ၣ်လၢကက့ၤစိာ်လ့ၣ်ကဟၣ်တဖၣ်လၢကီၢ်အဲၤကူ ပတူးဒ်သိးကဟဲကိးအမါတဖၣ်, အဖိဆံးတဖၣ်, ဒီးဟဲကိးစ့ၢ်ကီးအပၢ်ဃုာ်ဒီးအဝဲသ့ၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 45:21

စီၤယၤကိာ်အဖိခွါတဖၣ်မၤဝဲဒ်တၢ်စံးဘၣ်တဲဘၣ်အဝဲသ့ၣ်အသိး န့ၣ်လီၤ. စီၤယိၤသးဟ့ၣ်လီၤအဝဲသ့ၣ်လၢလ့ၣ်ကဟၣ်တဖၣ်ဒ်စီၤပၤမၤလိာ် ဝဲအသိး, ဒီးတၢ်အီၣ်လၢကျဲအဂီၢ်လီၤ.

လံာ်တၢ်ကဲထီၣ်အခီၣ်ထံး 45:27

ဘၣ်ဆၣ်တုၤအဝဲသ့ၣ်တဲဘၣ်အီၤတၢ်ခဲလၢာ်လၢစီၤယိၤသးစံးဘၣ် အဝဲသ့ၣ်, ဒီးဖဲအဝဲထံၣ်ဘၣ်လ့ၣ်ကဟၣ်တဖၣ်လၢစီၤယိၤသးဆှၢလီၤဒ်သိးတၢ် ကလဲၤကိးအီၤဆူကီၢ်အဲၤကူပတူးန့ၣ်, အဝဲသ့ၣ်နီၣ်ထီၣ်က့ၤအသးလၢတၢ်သးလီၤကတုၤန့ၣ်လီၤ.

လံာ်တၢ်ဟးထီၣ်ကွံာ် 10:24

စီၤပၤကိးန့ၢ်စီၤမိၤၡ့ဒီးစံးဝဲဒၣ်, “လဲၤဘူၣ်ထီၣ်ဘါထီၣ်သု ယွၤတက့ၢ်. သုပှၤပိာ်မုၣ်ပိာ်မၢၤဒီးသုဖိဒံဖိသၣ်ဒၣ်လဲာ် မ်အကလဲၤဃုာ်ဒီးသုတက့ၢ်. ဘၣ်ဆၣ်သုသိ, သုမဲာ်တဲးလဲး, ဒီးသုဂီၤဘုၣ်ဂီၤဖံးတဖၣ်မ်အကအိၣ်လီၤတဲာ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 10:26

ပပာ်တ့ၢ်အီၤတသ့ဘၣ်. ပကဘၣ်လဲၤစိာ်ပဆၣ်ဖိကီၢ်ဖိတဖၣ်ဃုာ်ဒီး ပှၤလီၤ. တဘၣ်အိၣ်လီၤတဲာ်တ့ၢ်နီတဒုဘၣ်. ဆၣ်ဖိကီၢ်ဖိတဖၣ်လၢပကလုၢ်ထီၣ်ယွၤ, ပကစၢ်ယွၤအဂီၢ်န့ၣ်, ပကဘၣ်ဃုထၢအီၤလၢပကစၢ်ဒၣ်ပဝဲန့ၣ်လီၤ. ဒီးတချုးဒံးဘၣ်လၢပတုၤဃီၤဖဲန့ၣ်န့ၣ်, ပကဘၣ်လုၢ်ထီၣ်ပာ်ထီၣ် ဆၣ်ဖိကီၢ်ဖိမတၤဆူယွၤအအိၣ်န့ၣ်ပသ့ၣ်ညါတသ့ဒံးဘၣ်.”

မၤတၢ် 7:15

အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:8

ဖဲစီၤယၤကိာ်ဒီးအဟံၣ်ဖိဃီဖိလဲၤတ့ၢ်ဆူကီၢ်အဲၤကူပတူး ဒီးပှၤအဲၤကူပတူးဖိတဖၣ်မၤနးမၤဖှိၣ်အဝဲသ့ၣ်န့ၣ်, သုမိၢ်ပၢ်ဖံဖုလၢပျၢၤတဖၣ်ကိးထီၣ်ဆူယွၤအအိၣ်ဒီးအဝဲဆှၢ လီၤစီၤမိၤၡ့ဒီးစီၤအၤဟရိၣ်လၢအထုးထီၣ်ကွံာ်အဝဲသ့ၣ်လၢ ကီၢ်အဲၤကူပတူးအပူၤဒီးပာ်လီၤန့ၢ်အလီၢ်အိၣ်လီၢ်ဆိးဖဲကီၢ် အံၤအပူၤလီၤ.