လံာ်တၢ်ကဲထီၣ်အခီၣ်ထံး 46:34 - Sgaw Karen Common Bible

³⁴ တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.

လံာ်တၢ်ကဲထီၣ်အခီၣ်ထံး 46:34 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 26:20

ဒီးပှၤကရၢ်အပှၤကွၢ်သိတဖၣ်အ့ၣ်လိာ်အသးဒီးစီၤအံၤစဲးအပှၤ ကွၢ်သိသ့ၣ်တဖၣ်ဒီးစံးဝဲ, “ထံအံၤဘၣ်ဃးဒီးပှၤန့ၣ်လီၤ.” လၢတၢ်န့ၣ်အဃိစီၤအံၤစဲးကိးန့ၢ်ထံပူၤအံၤအမံၤလၢ, “ဧ့စ့း” အခီပညီ, “တၢ်အ့ၣ်လိာ်ဆိးက့လိာ်” န့ၣ်လီၤ.

လံာ်တၢ်ကဲထီၣ်အခီၣ်ထံး 30:35

ဘၣ်ဆၣ်ဒီး, လၢမုၢ်တနံၤန့ၣ်စီၤလၤဘၣ်သုးကွံာ်မဲာ်တဲးလဲး အဖါတဖၣ်လၢအကံၣ်တပလူာ်တပလူာ်ဒီးကံၣ်ဖျၢၣ်သလၢၣ်, ဒီးကယဲၢ်မဲာ်တဲးလဲးမိၢ်လၢအကံၣ်စံၣ်ဘှဲ, ဒီးကံၣ်ဖျၢၣ်သလၢၣ်ဒီးကယဲၢ်တၢ်လၢအအိၣ်ဒီးတၢ်အဝါလၢအလိၤ လီၤ. ဒီးအဝဲသုးကွံာ်စ့ၢ်ကီးသိအသူအဃးခဲလၢာ်န့ၣ်လီၤ. ဒီးမၢအဖိခွါတဖၣ်ကွၢ်ထွဲဝဲဒၣ်သိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:5

စီၤယၤကိာ်သ့ၣ်ညါဘၣ်ဝဲဒၣ်လၢအဖိမုၣ်ဘၣ်တၢ်မၤမဲာ်ဆှးတ့ၢ် လံအီၤန့ၣ်လီၤ. ဘၣ်ဆၣ်မ့ၢ်လၢအဖိခွါတဖၣ်အိၣ်ဒံးဒၣ်လၢပျီပူၤ ဃုာ်ဒီးအဂီၤဘုၣ်ဂီၤဖံးတဖၣ်အဃိ, တချုးလၢအဝဲသ့ၣ်ဟဲက့ၤဒံးဘၣ်န့ၣ်, အဝဲတမၤတၢ်နီတမံၤဘၣ်.

လံာ်တၢ်ကဲထီၣ်အခီၣ်ထံး 37:12

ဘၣ်မုၢ်တနံၤ, စီၤယိၤသးအဒီပုၢ်ဝဲၢ်ခွါတဖၣ်လဲၤဆူဝ့ၢ်ၡက့ၣ် လၢကကွၢ်ထွဲအပၢ်အသိတဖၣ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:2

ဒီးအအံၤမ့ၢ်တၢ်စံၣ်စိၤတဲစိၤဘၣ်ထွဲဒီးစီၤယၤကိာ်အဒူၣ်ဖိ ထၢဖိန့ၣ်လီၤ. စီၤယိၤသး, ပှၤသးစၢ်လၢအသးအိၣ်တဆံနွံနံၣ်တဂၤဒီးအဒီပုၢ် ဝဲၢ်ခွါလၢအမ့ၢ်အပၢ်သံၣ်မါနီၢ်ဘံၤလဟၤဒီးနီၢ်စံလပၤအဖိ ခွါသ့ၣ်တဖၣ်န့ၣ်ကွၢ်ထွဲသိဒီးမဲာ်တဲးလဲးတဖၣ်န့ၣ်လီၤ. အဝဲဟဲက့ၤစိာ်တၢ်ကစီၣ်အအၢအသီလၢအဒီပုၢ်ဝဲၢ်ခွါတဖၣ်မၤတ့ၢ် ဝဲဆူအပၢ်အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်တၢ်ကဲထီၣ်အခီၣ်ထံး 45:10

နအိၣ်နဆိးနဲဘူးဒီးယၤဃုာ်ဒီး, နဖိတဖၣ်, နလံၤတဖၣ်, နသိတဖၣ်, နမဲာ်တဲးလဲးတဖၣ်, နဂီၤဘုၣ်ဂီၤဖံးတဖၣ်, ဒီးတၢ်လၢအအိၣ်ဒီးနၤခဲလၢာ်ဖဲကီၢ်ကိၡ့ၣ်အလီၢ်ကဝီၤပူၤသ့ ဝဲလီၤ.

လံာ်တၢ်ကဲထီၣ်အခီၣ်ထံး 45:18

မ်အက့ၤကိးအပၢ်ဒီးအပှၤဒူၣ်ဖိထၢဖိတဖၣ်, ဒီးမ်အဟဲကဒါက့ၤဖဲအံၤတက့ၢ်. ယကဟ့ၣ်အဝဲသ့ၣ်တၢ်လီၢ်အဂ့ၤ ကတၢၢ်လၢကီၢ်အဲၤကူပတူးအပူၤဒီးအဝဲသ့ၣ်ကအိၣ်ဒီးတၢ်လၢလၢ လီၣ်လီၣ်လၢကအိၣ်မူဆူညါအဂီၢ်လီၤ.

လံာ်တၢ်ကဲထီၣ်အခီၣ်ထံး 46:32

ယကတဲအီၤလၢသုမ့ၢ်ပှၤကွၢ်သိတဖၣ်ဒီးကွၢ်ထွဲဆၣ်ဖိကီၢ်ဖိ, ဒီးသုဟဲစိာ်သုသိတဖၣ်ဒီးဆၣ်ဖိကီၢ်ဖိတဖၣ်ဒီးတၢ်အဂၤခဲ လၢာ်လၢအမ့ၢ်သုတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:11

အန့ၣ်ဒီး, ဒ်စီၤပၤမၤလိာ်တ့ၢ်ဝဲအသိးန့ၣ်, စီၤယိၤသးဒုးအိၣ်ဒုးဆိးအပၢ်ဒီးအဒီပုၢ်ဝဲၢ်ခွါတဖၣ်လၢ ကီၢ်အဲၤကူပတူးအပူၤ, ဖဲတၢ်လီၢ်အဂ့ၤကတၢၢ်ဘူးဒီးဝ့ၢ်ရၤမစ့, ဒီးဟ့ၣ်လီၤဃုာ်အီၤတၢ်စုလီၢ်ခီၣ်ခိၣ်လီၤ.

လံာ်တၢ်ကဲထီၣ်အခီၣ်ထံး 47:3

စီၤပၤသံကွၢ်အဝဲသ့ၣ်, “သုတၢ်မၤမ့ၢ်တၢ်မနုၤလဲၣ်.” ဒီးအဝဲသ့ၣ်စံးဆၢဝဲ, “ကစၢ်ဧၢ, ပမ့ၢ်ပှၤကွၢ်သိတဖၣ်ဒ်ပမိၢ် ပၢ်ပဖံပဖုလၢပျၢၤတဖၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 47:4

ပဟဲဒ်သိးပကအိၣ်သကိးလၢထံကီၢ်အံၤအပူၤလီၤ. အဂ့ၢ်ဒ်အံၤ, လၢကီၢ်ကနၤဧၣ်န့ၣ်တၢ်သၣ်ဝံၤလီၤဒိနးနးကျံး ကျံးအိၣ်ထီၣ်ဝဲတုၤဒၣ်လဲာ်အီၣ်ဆၣ်အလီၢ်လါဟ့လၢပသိတဖၣ်အဂီၢ် တအိၣ်လၢၤဘၣ်. ဝံသးစူၤပျဲပအိၣ်ပဆိးလၢကီၢ်ကိၡ့ၣ်အလီၢ်ကဝီၤအပူၤတ က့ၢ်.”

လံာ်တၢ်ကဲထီၣ်အခီၣ်ထံး 47:6

ကီၢ်အဲၤကူပတူးမ့ၢ်အဝဲသ့ၣ်အတၢ်န့ၣ်လီၤ. ပျဲအသူၣ်လီၤအလီၢ်အိၣ်လီၢ်ဆိးလၢကီၢ်ကိၡ့ၣ်, အလီၢ်ကဝီၤအပူၤ, တၢ်လီၢ်အဂ့ၤကတၢၢ်လၢကီၢ်အပူၤတက့ၢ်. ဒီးလၢအဝဲသ့ၣ်အကျါပှၤတနီၤနီၤလၢအမၤသ့မၤဘၣ်မ့ၢ်အိၣ်ဒီး, ဒုးကဲထီၣ်အီၤလၢပှၤကွၢ်ထွဲယကစၢ်ဒၣ်ယဲအဆၣ်ဖိကီၢ်ဖိအဒၢ တဖၣ်တက့ၢ်.”

လံာ်တၢ်ဟးထီၣ်ကွံာ် 8:22

ဘၣ်ဆၣ်ယကပျဲပူၤကီၢ်ကိၡ့ၣ်ဖဲယပှၤဂီၢ်မုၢ်တဖၣ်အိၣ်ဝဲဆိးဝဲဒ် သိးသၣ်ဘုလါသုတအိၣ်ဖဲန့ၣ်နီတဘ့ၣ်တဂ့ၤန့ၣ်လီၤ. ယကမၤတၢ်အံၤဒ်သိးနကသ့ၣ်ညါလၢ, ယၤ, ယွၤအံၤယမ့ၢ်ပှၤလၢအမၤတၢ်အံၤလၢကီၢ်အံၤအပူၤလီၤ.

လံာ်တၢ်ဟးထီၣ်ကွံာ် 8:26

စီၤမိၤၡ့စံးဆၢဝဲဒၣ်, “ပမၤဒ်သိးန့ၣ်တဘၣ်ဝဲဘၣ်. အဂ့ၢ်ဒ်အံၤ, ပှၤအဲၤကူပတူးဖိတဖၣ်ကထီဒါပှၤလၢဆၣ်ဖိကီၢ်ဖိ တဖၣ်လၢပလုၢ်ထီၣ်ပာ်ထီၣ်အီၤဆူယွၤ, ပကစၢ်ယွၤအအိၣ်အ ဃိန့ၣ်လီၤ. ပမ့ၢ်သူဆၣ်ဖိကီၢ်ဖိတဖၣ်အံၤလၢအထီဒါပှၤအဲၤကူပတူး ဖိတဖၣ်ဒီးလုၢ်ထီၣ်ပာ်ထီၣ်အီၤဖဲအဝဲသ့ၣ်ထံၣ်ဝဲအလီၢ်န့ၣ် အဝဲသ့ၣ်ကကွံာ်သံပှၤလၢလၢၢ်လီၤ.