လံာ်တၢ်ကဲထီၣ်အခီၣ်ထံး 46:32 - Sgaw Karen Common Bible

³² ယကတဲအီၤလၢသုမ့ၢ်ပှၤကွၢ်သိတဖၣ်ဒီးကွၢ်ထွဲဆၣ်ဖိကီၢ်ဖိ, ဒီးသုဟဲစိာ်သုသိတဖၣ်ဒီးဆၣ်ဖိကီၢ်ဖိတဖၣ်ဒီးတၢ်အဂၤခဲ လၢာ်လၢအမ့ၢ်သုတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 46:32 Iomraidhean Croise

လံာ်တၢ်ကဲထီၣ်အခီၣ်ထံး 31:18

ဒီးနီၣ်ထီၣ်အသိဧိၤမဲာ်တဲးလဲးဧိၤလၢအမဲာ်ညါဃုာ်ဒီးကယဲၢ် တၢ်လၢအဒိးန့ၢ်ဘၣ်ဝဲလၢကီၢ်မ့းစပတၤမံဒ်သိးကက့ၤဆူအပၢ် အအိၣ်လၢကီၢ်ကနၤဧၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:2

ဒီးအအံၤမ့ၢ်တၢ်စံၣ်စိၤတဲစိၤဘၣ်ထွဲဒီးစီၤယၤကိာ်အဒူၣ်ဖိ ထၢဖိန့ၣ်လီၤ. စီၤယိၤသး, ပှၤသးစၢ်လၢအသးအိၣ်တဆံနွံနံၣ်တဂၤဒီးအဒီပုၢ် ဝဲၢ်ခွါလၢအမ့ၢ်အပၢ်သံၣ်မါနီၢ်ဘံၤလဟၤဒီးနီၢ်စံလပၤအဖိ ခွါသ့ၣ်တဖၣ်န့ၣ်ကွၢ်ထွဲသိဒီးမဲာ်တဲးလဲးတဖၣ်န့ၣ်လီၤ. အဝဲဟဲက့ၤစိာ်တၢ်ကစီၣ်အအၢအသီလၢအဒီပုၢ်ဝဲၢ်ခွါတဖၣ်မၤတ့ၢ် ဝဲဆူအပၢ်အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 4:2

လၢခံဆံးစၢ်န့ၢ်အဖိခွါအဂၤတဂၤလၢအမ့ၢ်စီၤဟ့းဘ့းလးလီၤ. စီၤဟ့းဘ့းလးကဲထီၣ်ပှၤကွၢ်သိတဂၤလီၤ. မ့မ့ၢ်စီၤကၤယံၣ်မ့ၢ်ပှၤထူစံာ်ဖိတဂၤလီၤ.

လံာ်တၢ်ကဲထီၣ်အခီၣ်ထံး 45:10

နအိၣ်နဆိးနဲဘူးဒီးယၤဃုာ်ဒီး, နဖိတဖၣ်, နလံၤတဖၣ်, နသိတဖၣ်, နမဲာ်တဲးလဲးတဖၣ်, နဂီၤဘုၣ်ဂီၤဖံးတဖၣ်, ဒီးတၢ်လၢအအိၣ်ဒီးနၤခဲလၢာ်ဖဲကီၢ်ကိၡ့ၣ်အလီၢ်ကဝီၤပူၤသ့ ဝဲလီၤ.

လံာ်တၢ်ကဲထီၣ်အခီၣ်ထံး 46:31

ဒီးစီၤယိၤသးစံးဘၣ်အဒီပုၢ်ဝဲၢ်ခွါတဖၣ်ဒီးအပၢ်အဒူၣ်ဖိထၢ ဖိအဂၤတဖၣ်, “ယကဘၣ်လဲၤတဲဘၣ်စီၤပၤလၢယဒီပုၢ်ဝဲၢ်ခွါတဖၣ် ဒီးယပၢ်အဒူၣ်ဖိထၢဖိလၢအအိၣ်လၢကီၢ်ကနၤဧၣ်, ဟဲတုၤဆူယအိၣ်လံ.

လံာ်တၢ်ကဲထီၣ်အခီၣ်ထံး 46:33

တုၤစီၤပၤကိးဃီၤသု, ဒီးသံကွၢ်သုလၢသုတၢ်မၤမ့ၢ်တၢ်မနုၤ လဲၣ်န့ၣ်,

လံာ်တၢ်ကဲထီၣ်အခီၣ်ထံး 46:34

တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.

လံာ်တၢ်ကဲထီၣ်အခီၣ်ထံး 47:3

စီၤပၤသံကွၢ်အဝဲသ့ၣ်, “သုတၢ်မၤမ့ၢ်တၢ်မနုၤလဲၣ်.” ဒီးအဝဲသ့ၣ်စံးဆၢဝဲ, “ကစၢ်ဧၢ, ပမ့ၢ်ပှၤကွၢ်သိတဖၣ်ဒ်ပမိၢ် ပၢ်ပဖံပဖုလၢပျၢၤတဖၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 9:20

စီၤနိအၤလၢအမ့ၢ်ပှၤထူစံာ်ဖိတဂၤအံၤမ့ၢ်ဝဲပှၤအဆိကတၢၢ် တဂၤလၢအသူၣ်လီၤစပံးအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:27

စီၤပၤဃံရၣ်ဆှၢလီၤအပှၤကဘီဖိလၢအတၢ်လဲၤခီဖျိအါဝဲတနီၤ လၢအကဘီကရူၢ်အပူၤဒ်သိးကမၤသကိးတၢ်ဒီးစီၤၡလိၤမိၤအပှၤတဖၣ် အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်စကၤရယၤ 13:5

အခိၣ်တလိာ်, အဝဲကစံးဝဲလၢယတမ့ၢ်ဝံတဂၤဘၣ်. ယမ့ၢ်ဒၣ်ပှၤထူစံာ်ဖိတဂၤလီၤ. ယထူတ့ၢ်စံာ်ဧိၤပှဲၤဧိၤလၢယသးသမူဒီတစိၤညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:11

အန့ၣ်ဝံၤဒီးစီၤၡမူၤအ့လးသံကွၢ်အီၤ, “နဖိခွါအဂၤအိၣ် ဒံးဧါ.” စီၤယံးၡဲစံးဆၢဝဲ, “အိၣ်တ့ၢ်ဒံးအဆံးကတၢၢ် တဂၤလီၤဘၣ်ဆၣ်အဝဲလဲၤဆူတၢ်ချၢဒ်သိး ကဒုးအီၣ်အသိတဖၣ်အဆၣ်လီၤ.” စီၤၡမူၤအ့လးစံးဘၣ်အီၤ, “တဲဘၣ်အီၤလၢကဟဲဆူတၢ်လီၢ်အံၤတက့ၢ်. အဝဲမ့ၢ်တဟဲတုၤဒံးဘၣ်ဒီးပတလုၢ်ထီၣ်ပာ်ထီၣ် တၢ်ဒံးဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:15

စီၤဒၤဝံးက့ၤဆူဝ့ၢ်ဘ့ၤသလ့ဃ့ၣ်တဘျီတဘျီဒ်သိးအကကွၢ်ထွဲ အပၢ်အသိဖိတဖၣ်လီၤ.