လံာ်တၢ်ကဲထီၣ်အခီၣ်ထံး 46:3 - Sgaw Karen Common Bible

³ ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 46:3 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 18:18

အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ.

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 47:27

ပှၤအံၣ်စရ့လးဖိတဖၣ်အိၣ်ဝဲဆိးဝဲလၢကီၢ်အဲၤကူပတူးအပူၤ, လၢကီၢ်ကိၡ့ၣ်အလီၢ်ကဝီၤဖဲအဝဲသ့ၣ်ထူးထီၣ်တီၤထီၣ်, ဒီးအိၣ်ဒီးအဖိတဖၣ်အါဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 1:12

ဘၣ်ဆၣ်ဒီး, ဒ်ပှၤအဲၤကူပတူးဖိတဖၣ်မၤနးမၤဖှီၣ်ပှၤအံၣ်စရ့လး ဖိတဖၣ်အါထီၣ်အသိးန့ၣ်, ပှၤအံၣ်စရ့လးဖိတဖၣ်အနီၣ်ဂံၢ်ဒံးအါထီၣ်ဒီးအိၣ်ရၤလီၤအသး ပှဲၤလၢကီၢ်ဒီဘ့ၣ်ညါအပူၤန့ၣ်လီၤ. ဒီးပှၤအဲၤကူပတူးဖိတဖၣ်ပျံၤဝဲပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယံးရမံယၤ 40:9

စီၤကဒါလယၤစံးဘၣ်အဝဲသ့ၣ်, “ယအုၣ်ခီၣ်လီၤယသးလၢအလီၢ် တအိၣ်လၢသုကပျံၤတၢ်ဒ်သိးသုကဟ့ၣ်လီၤသုသးဆူ ပှၤဘၤဘူၤလိၣ်ဖိတဖၣ်အစုပူၤန့ၣ်ဘၣ်. အိၣ်ဆိးဖဲကီၢ်အံၤအ ပူၤ, မၤကီၢ်ဘၤဘူၤလိၣ်အစီၤပၤအတၢ်မၤ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်န့ၣ်လီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

မၤတၢ် 7:17

တုၤအကတီၢ်ဘူးထီၣ်လၢကစၢ်ယွၤကမၤလၢထီၣ်ပှဲၤထီၣ်တၢ် အၢၣ်လီၤအီလီၤလၢအမၤတ့ၢ်ဝဲဒီးစီၤအၤဘြၤဟၣ်န့ၣ်, ပပှၤကလုာ်အိၣ်လၢကီၢ်အဲၤကူပတူးပူၤတဖၣ်အနီၣ်ဂံၢ်အါ ထီၣ်ဝဲဂီၢ်မုၢ်လီၤ.

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.