လံာ်တၢ်ကဲထီၣ်အခီၣ်ထံး 45:6 - Sgaw Karen Common Bible

⁶ ခဲအံၤမ့ၢ်ဒံးဒၣ်ခံနံၣ်တနံၣ်လၢတၢ်သၣ်ဝံၤလီၤဒိမၤအသးလၢ ထံကီၢ်အံၤအပူၤလီၤ. ကအိၣ်ဒံးဝဲဆူမဲာ်ညါယဲၢ်နံၣ်လၢတၢ်ထဲၣ်တၢ်မ့ၢ်ဂ့ၤ, တၢ်ကူးတၢ်မ့ၢ်ဂ့ၤတအိၣ်ဘၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 45:6 Iomraidhean Croise

လံာ်တၢ်ကဲထီၣ်အခီၣ်ထံး 37:2

ဒီးအအံၤမ့ၢ်တၢ်စံၣ်စိၤတဲစိၤဘၣ်ထွဲဒီးစီၤယၤကိာ်အဒူၣ်ဖိ ထၢဖိန့ၣ်လီၤ. စီၤယိၤသး, ပှၤသးစၢ်လၢအသးအိၣ်တဆံနွံနံၣ်တဂၤဒီးအဒီပုၢ် ဝဲၢ်ခွါလၢအမ့ၢ်အပၢ်သံၣ်မါနီၢ်ဘံၤလဟၤဒီးနီၢ်စံလပၤအဖိ ခွါသ့ၣ်တဖၣ်န့ၣ်ကွၢ်ထွဲသိဒီးမဲာ်တဲးလဲးတဖၣ်န့ၣ်လီၤ. အဝဲဟဲက့ၤစိာ်တၢ်ကစီၣ်အအၢအသီလၢအဒီပုၢ်ဝဲၢ်ခွါတဖၣ်မၤတ့ၢ် ဝဲဆူအပၢ်အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:35

ဟ့ၣ်လီၤနကလုၢ်ဒ်သိးအဝဲသ့ၣ်ကထၢဖှိၣ်တၢ်အီၣ်တၢ်အီခဲလၢာ်ဖဲ တၢ်အီၣ်ကုးအီပှဲၤအနံၣ်လၢကဟဲဝဲတဖၣ်, ဒီးဟ့ၣ်စိဟ့ၣ်ကမီၤအဝဲသ့ၣ်လၢကပဒၢးပာ်ဘုဧိၤဟုဧိၤလၢဝ့ၢ် တဖၣ်အပူၤဒီးပၢၤဃာ်အီၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 41:53

ဒီးတၢ်အီၣ်ကူးအီပှဲၤနွံနံၣ်လၢကီၢ်အဲၤကူပတူးမုာ်လၤသး ခုဘၣ်တ့ၢ်ဝဲလၢအပူၤကတၢၢ်ကွံာ်ဝဲ,

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 41:56

တၢ်သၣ်ဝံၤလီၤဒိနးထီၣ်ဝဲ, ဒီးရၤလီၤအသးလၢထံကီၢ်ဒီတဘ့ၣ် အပူၤသတးဒီး, စီၤယိၤသးအိးထီၣ်ကွံာ်တၢ်ပဒၢးဘုဧိၤဟုဧိၤအဟံၣ်တဖၣ်ဒီး ဆါလီၤဘုဧိၤဟုဧိၤဆူပှၤအဲၤကူပတူးဖိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:18

လၢခံတနံၣ်န့ၣ်, အဝဲသ့ၣ်ဟဲဆူအအိၣ်ဒီးစံးဝဲ, “ကစၢ်ဧၢ, တီတီလိၤလိၤပတပာ်ခူသူၣ်တၢ်မၤအသးလၢနၤဘၣ်. ပကျိၣ်ပစ့လၢာ်ကွံာ်ခဲလၢာ်ဒီးပဆၣ်ဖိကီၢ်ဖိအဒၢတဖၣ်ကဲထီၣ် နတၢ်လံ. မ့တမ့ၢ်လၢပနီၢ်ခိနီၢ်ကစၢ်တဖၣ်ဒီးပဟီၣ်ခိၣ်တဖၣ်ဘၣ်န့ၣ်, ပကဟ့ၣ်နၤတၢ်တအိၣ်လၢၤနီတမံၤဘၣ်.

လံာ်တၢ်ကဲထီၣ်အခီၣ်ထံး 47:23

စီၤယိၤသးစံးဘၣ်ပှၤဂီၢ်မုၢ်, “သုထံၣ်လံဘၣ်. ခဲကနံၣ်အံၤယပှ့ၤတ့ၢ်လံသုဒီးသုဟီၣ်ခိၣ်တဖၣ်လၢစီၤပၤအဂီၢ် လံ. အအံၤမ့ၢ်တၢ်ချံလၢသုကဖှံလီၤလၢသုစံာ်ဧိၤပျီဧိၤအပူၤ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 34:21

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးဖဲထူစံာ်မ့ၢ်ဂ့ၤကူးဘုမ့ၢ်ဂ့ၤအကတီၢ်ဒၣ်လဲာ်န့ၣ် မၤတၢ်လၢနွံသီတသီန့ၣ်တဂ့ၤ.

လံာ်ယၡါယၤ 30:24

ကျီၢ်ဖါဒီးကသ့ၣ်ယီၤလၢအထဲၣ်သုစံာ်ပျီတဖၣ်ကအီၣ်ဘၣ် အဆၣ်အဂ့ၤကတၢၢ်ဒီးအဝံၣ်ကတၢၢ်န့ၣ်လီၤ.

လံာ်သိၣ်လီၤသီလီၤတၢ် 21:4

အဝဲသ့ၣ်ကဘၣ်လဲၤမိၤဂီၤဖံးမိၢ်န့ၣ်ဆူတၢ်လီၢ်တတီၤဘူးဒီး ထံဖိကျိလၢတဃ့ထီကွံာ်နီတစု, ဒီးဖဲန့ၣ်တၢ်ကဘၣ်ဒီၣ်တဲာ်ကွံာ်အကိာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.