လံာ်တၢ်ကဲထီၣ်အခီၣ်ထံး 45:5 - Sgaw Karen Common Bible

⁵ ခဲကနံၣ်အံၤတဘၣ်သးတံာ်တာ်မ့ၢ်ဂ့ၤ, ပာ်ဒ့ၣ်ပာ်ကမၣ်လီၤသုသး မ့ၢ်ဂ့ၤ, လၢသုဆါလီၤကွံာ်ယၤဖဲအံၤအဃိတဂ့ၤ. ပှၤလၢအဆှၢလီၤဆိယၤလၢသုမဲာ်ညါ, ဒ်သိးကအုၣ်က့ၤခီၣ်က့ၤပှၤ ဂီၢ်မုၢ်အသးသမူတဖၣ်န့ၣ်, မ့ၢ်နီၢ်နီၢ်ကစၢ်ယွၤလီၤ.

လံာ်တၢ်ကဲထီၣ်အခီၣ်ထံး 45:5 Iomraidhean Croise

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:25

အဝဲသ့ၣ်စံးဆၢဝဲ, “ကစၢ်ဧၢ, နအုၣ်က့ၤခီၣ်က့ၤတ့ၢ်ပသးသမူ လံ. နဂ့ၤတ့ၢ်လၢပဖီခိၣ်လီၤ. ဒီးပကကဲထီၣ်စီၤပၤအကုၢ်အပှၤတဖၣ် လီၤ.”

လံာ်တၢ်ကဲထီၣ်အခီၣ်ထံး 50:19

ဘၣ်ဆၣ်ဒီး, စီၤယိၤသးစံးဘၣ်အဝဲသ့ၣ်, “ပျံၤတၢ်တဂ့ၤ. ယပာ်လီၤယသးလၢကစၢ်ယွၤအလီၢ်တသ့ဘၣ်.

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်တၢ်ကဲထီၣ်အခီၣ်ထံး 50:21

သုပျံၤတၢ်ဖုးတၢ်အလီၢ်တအိၣ်နီတမံၤဘၣ်. ယကကွၢ်ထွဲသုဒီးသုဖိတဖၣ်လီၤ.” လၢတၢ်န့ၣ်အဃိ, အဝဲဒုးသးခူတလ့ၢ်က့ၤတ့ၢ်အဝဲသ့ၣ်ဒီးတၢ်မၤမုာ်မၤခုၣ်အတၢ် ကတိၤတဖၣ်လၢအမၤဘၣ်ဒိမးအဝဲသ့ၣ်အသးတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:12

နမၤတ့ၢ်တၢ်ဒဲးဘးလၢတၢ်ခူသူၣ်အပူၤ, ဘၣ်ဆၣ်ဒီးယကပျဲတၢ်အံၤမၤအသးလၢမုၢ်ထူၣ်မုၢ်ဆါအဆၢကတီၢ် ဒ်သိးကီၢ်အံၣ်စရ့လးဒီကီၢ်ကထံၣ်ဘၣ်အီၤအဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

၂ ကရံၣ်သူး 2:11

ဒ်သိးမုၣ်ကီၤလံၢ်အသုတအိၣ်ဒီးအခွဲးအယာ်လၢပဖီခိၣ် တဂ့ၤအဂီၢ်န့ၣ်လီၤ. အဂ့ၢ်ဒ်အံၤ, အဝဲအတၢ်ကူၣ်ထီၣ်ဖးလီၤတဖၣ်မ့ၢ်တၢ်မနုၤလဲၣ်န့ၣ်ပသ့ၣ်ညါ ပဝဲလီၤ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

ဖံၤလ့မိၣ် 1:15

ဘၣ်တဘၣ်အဝဲဟးဖးဒီးနၤတစိၢ်တလီၢ်မ့ၢ်ဒ်သိးနကမၤန့ၢ်က့ၤအီၤ ထီဘိတဘိယူၢ်ဃီ,

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.