လံာ်တၢ်ကဲထီၣ်အခီၣ်ထံး 45:3 - Sgaw Karen Common Bible

³ စီၤယိၤသးစံးဘၣ်အဒီပုၢ်ဝဲၢ်ခွါတဖၣ်, “ယမ့ၢ်စီၤယိၤသးလီၤ. မ့ၢ်ယပၢ်အိၣ်မူဒံးဧါ.” ဘၣ်ဆၣ်တုၤအဒီပုၢ်ဝဲၢ်ခွါတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤ တၢ်ဒိၣ်မးတုၤဒၣ်လဲာ်စံးဆၢက့ၤဝဲတသ့ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:3 Iomraidhean Croise

လံာ်တၢ်ကဲထီၣ်အခီၣ်ထံး 37:20

ဟဲခဲအံၤ, မ်ပမၤသံအီၤဒီးတ့ၢ်လီၤအီၤဆူထံပူၤလၢထံလီၤ သံးကွံာ်တဖၣ်အကျါတပူၤန့ၣ်တက့ၢ်. ပစံးသ့လၢဆၣ်ဖိကီၢ်ဖိ အအၢတဒုမၤသံကွံာ်အီၤလံ. အန့ၣ်ဒီးအတၢ်မံမီၢ်တဖၣ်ကကဲ ထီၣ်ဒ်လဲၣ်န့ၣ်ပကထံၣ်ဘၣ်လီၤ.”

လံာ်တၢ်ကဲထီၣ်အခီၣ်ထံး 42:21

ဒီးစံးလိာ်အသးတဂၤဒီးတဂၤ, “မ့ၢ်မး, ခဲအံၤပဘၣ်တၢ်နးတၢ် ဖှီၣ်လၢတၢ်လၢပမၤဘၣ်တ့ၢ်ပဒီပုၢ်ဝဲၢ်ခွါတဂၤအဃိလီၤ. ပထံၣ်တ့ၢ်အဝဲအိၣ်လၢတၢ်ကီတၢ်ခဲဖးဒိၣ်အပူၤဖဲအဝဲဃ့ကညးပှၤ လၢတၢ်မၤစၢၤအဂီၢ်, ဘၣ်ဆၣ်ပတဒိကနၣ်ဘၣ်အီၤဘၣ်. လၢတၢ်န့ၣ်အဃိခဲအံၤပအိၣ်လၢတၢ်ကီတၢ်ခဲအဝဲအံၤအပူၤန့ၣ် လီၤ.”

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ကဲထီၣ်အခီၣ်ထံး 43:27

အဝဲသံကွၢ်တၢ်ဘၣ်ဃးဒီးအဝဲသ့ၣ်အတၢ်အိၣ်ဆူၣ်အိၣ်ချ့ အဂ့ၢ်ဝံၤဒီးစံးဝဲ, “သုတဲဘၣ်တ့ၢ်ယၤဘၣ်ဃးသုပၢ်သးပှၢ် အဂ့ၢ်လီၤ. အဝဲအိၣ်မၤသးဒ်လဲၣ်. မ့ၢ်အအိၣ်မူဒံးဒီးအိၣ်ဆူၣ်အိၣ်ချ့ ကစီဒီဧါ.”

လံာ်စီၤယိၤဘး 23:15

မၤသးဒ်န့ၣ်ဒီး, ယပျံၤတၢ်ဖုးတၢ်လၢအမဲာ်ညါ, ဒီးတုၤယဆိကမိၣ်တၢ်ဒီးယကနိးကစုာ်ယဲလီၤ.

လံာ်စီၤယိၤဘး 4:5

မ့မ့ၢ်ခဲကနံၣ်အံၤတၢ်ဟဲဘၣ်နၤဒီးနသူၣ်တစူၤသးသစူၤလၢၤဘၣ်. တၢ်ထိးဘၣ်နၤဒီးနသးဟးဂူာ်ဟးဂီၤလီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်မၢ်ကူး 6:50

တုၤအဝဲသ့ၣ်ခဲလၢာ်ထံၣ်အီၤဒီးပျံၤတၢ်ဒိၣ်ဒိၣ်ကလဲာ်လီၤ. ယ့ၣ်ၡူးကတိၤထီၣ်တၢ်တဘျီဃီဒီးအဝဲသ့ၣ်ဒီးစံးဝဲ, “ပာ်သုသးဒူဒူတက့ၢ်. မ့ၢ်ယၤလီၤ. ပျံၤတၢ်တဂ့ၤ.”

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

မၤတၢ် 7:13

ဖဲအဝဲသ့ၣ်လဲၤဝဲခံဘျီတဘျီအကတီၢ်န့ၣ်, စီၤယိၤသးဒုးသ့ၣ်ညါအဝဲသ့ၣ်လၢအဝဲဒၣ်မ့ၢ်အဝဲသ့ၣ်အဒီပုၢ် ဝဲၢ်ဒၣ်ဝဲ, ဒီးစီၤပၤဖၤရိၤသ့ၣ်ညါဘၣ်စီၤယိၤသးအဒူၣ်ဖိထၢဖိ အဂ့ၢ်န့ၣ်လီၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.