လံာ်တၢ်ကဲထီၣ်အခီၣ်ထံး 45:21 - Sgaw Karen Common Bible

²¹ စီၤယၤကိာ်အဖိခွါတဖၣ်မၤဝဲဒ်တၢ်စံးဘၣ်တဲဘၣ်အဝဲသ့ၣ်အသိး န့ၣ်လီၤ. စီၤယိၤသးဟ့ၣ်လီၤအဝဲသ့ၣ်လၢလ့ၣ်ကဟၣ်တဖၣ်ဒ်စီၤပၤမၤလိာ် ဝဲအသိး, ဒီးတၢ်အီၣ်လၢကျဲအဂီၢ်လီၤ.

လံာ်တၢ်ကဲထီၣ်အခီၣ်ထံး 45:21 Iomraidhean Croise

လံာ်တၢ်ကဲထီၣ်အခီၣ်ထံး 45:19

တဲဘၣ်စ့ၢ်ကီးအဝဲသ့ၣ်လၢကက့ၤစိာ်လ့ၣ်ကဟၣ်တဖၣ်လၢကီၢ်အဲၤကူ ပတူးဒ်သိးကဟဲကိးအမါတဖၣ်, အဖိဆံးတဖၣ်, ဒီးဟဲကိးစ့ၢ်ကီးအပၢ်ဃုာ်ဒီးအဝဲသ့ၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 45:20

အလီၢ်တအိၣ်လၢအဝဲသ့ၣ်ကဘၣ်ကိၢ်ဘၣ်ဂီၤတၢ်လၢအဘၣ်ပာ်တ့ၢ်အတၢ်ဖိ တၢ်လံၤလၢအလီၢ်ခံအဃိဘၣ်. ကီၢ်အဲၤကူပတူးဒီတဘ့ၣ်ညါအတၢ်အဂ့ၤကတၢၢ်န့ၣ်, ကမ့ၢ်အဝဲသ့ၣ်အတၢ်လီၤ.”

လံာ်တၢ်ကဲထီၣ်အခီၣ်ထံး 45:27

ဘၣ်ဆၣ်တုၤအဝဲသ့ၣ်တဲဘၣ်အီၤတၢ်ခဲလၢာ်လၢစီၤယိၤသးစံးဘၣ် အဝဲသ့ၣ်, ဒီးဖဲအဝဲထံၣ်ဘၣ်လ့ၣ်ကဟၣ်တဖၣ်လၢစီၤယိၤသးဆှၢလီၤဒ်သိးတၢ် ကလဲၤကိးအီၤဆူကီၢ်အဲၤကူပတူးန့ၣ်, အဝဲသ့ၣ်နီၣ်ထီၣ်က့ၤအသးလၢတၢ်သးလီၤကတုၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:5

စီၤယၤကိာ်ဟးထီၣ်လၢဝ့ၢ်ဘ့ၢ်ၡဘၤ, ဒီးအဖိခွါတဖၣ်ဒုးဒိး ထီၣ်အီၤ, အဝဲသ့ၣ်အဖိဆံးတဖၣ်, ဒီးအဝဲသ့ၣ်အမါတဖၣ်လၢလ့ၣ်ကဟၣ်တဖၣ်လၢ ကီၢ်အဲၤကူပတူးအစီၤပၤဆှၢလီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:16

လၢတၢ်န့ၣ်အဃိ, ဒ်စီၤပၤယိၤၡံယၤမၤလိာ်တ့ၢ်ဝဲအသိးန့ၣ်, တၢ်ခဲလၢာ်ဘၣ်တၢ်မၤဝံၤအီၤဖဲမုၢ်တနံၤဃီန့ၣ်, လၢတၢ်ဘူၣ်ထီၣ်ဘါထီၣ်ယွၤအဂီၢ်, တၢ်တိာ်န့ၢ်မၤထွဲဘူၣ်လဲၤ ကပာ်ဒီးတၢ်လုၢ်ထီၣ်တၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ် အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13

အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 17:1

ဒီးပှၤအံၣ်စရ့လးဖိဒီဒူၣ်ဒီထၢဟးထီၣ်ကွံာ်လၢပှၢ်မုၢ်ကနၢ စံၤဒီးလဲၤဆူညါတတီၤဘၣ်တတီၤဒ်ကစၢ်ယွၤမၤလိာ်ဝဲအသိးန့ၣ်လီၤ. အဝဲသ့ၣ်သူၣ်လီၤအဒဲဖဲတၢ်လီၢ်ရဖံၤဒံၣ်န့ၣ်လီၤ. ဘၣ်ဆၣ်ဒီးဖဲန့ၣ်, ထံတအိၣ်လၢအဝဲသ့ၣ်ကအီဝဲအဂီၢ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 8:2

မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်တၢ်ဂံၢ် 3:16

ဒီးစီၤမိၤၡ့မၤဝဲဒၣ်လီၤ.