လံာ်တၢ်ကဲထီၣ်အခီၣ်ထံး 45:20 - Sgaw Karen Common Bible

²⁰ အလီၢ်တအိၣ်လၢအဝဲသ့ၣ်ကဘၣ်ကိၢ်ဘၣ်ဂီၤတၢ်လၢအဘၣ်ပာ်တ့ၢ်အတၢ်ဖိ တၢ်လံၤလၢအလီၢ်ခံအဃိဘၣ်. ကီၢ်အဲၤကူပတူးဒီတဘ့ၣ်ညါအတၢ်အဂ့ၤကတၢၢ်န့ၣ်, ကမ့ၢ်အဝဲသ့ၣ်အတၢ်လီၤ.”

လံာ်တၢ်ကဲထီၣ်အခီၣ်ထံး 45:20 Iomraidhean Croise

လံာ်တၢ်ကဲထီၣ်အခီၣ်ထံး 20:15

အဝဲစံးဘၣ်စီၤအၤဘြၤဟၣ်, “အအံၤမ့ၢ်ယထံယကီၢ်ဒီဘ့ၣ်လီၤ. အိၣ်နဲဆိးနဲလၢတၢ်လီၢ်လၢဘၣ်သူၣ်ဘၣ်သးနၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 45:18

မ်အက့ၤကိးအပၢ်ဒီးအပှၤဒူၣ်ဖိထၢဖိတဖၣ်, ဒီးမ်အဟဲကဒါက့ၤဖဲအံၤတက့ၢ်. ယကဟ့ၣ်အဝဲသ့ၣ်တၢ်လီၢ်အဂ့ၤ ကတၢၢ်လၢကီၢ်အဲၤကူပတူးအပူၤဒီးအဝဲသ့ၣ်ကအိၣ်ဒီးတၢ်လၢလၢ လီၣ်လီၣ်လၢကအိၣ်မူဆူညါအဂီၢ်လီၤ.

လံာ်တၢ်ကဲထီၣ်အခီၣ်ထံး 45:19

တဲဘၣ်စ့ၢ်ကီးအဝဲသ့ၣ်လၢကက့ၤစိာ်လ့ၣ်ကဟၣ်တဖၣ်လၢကီၢ်အဲၤကူ ပတူးဒ်သိးကဟဲကိးအမါတဖၣ်, အဖိဆံးတဖၣ်, ဒီးဟဲကိးစ့ၢ်ကီးအပၢ်ဃုာ်ဒီးအဝဲသ့ၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 45:21

စီၤယၤကိာ်အဖိခွါတဖၣ်မၤဝဲဒ်တၢ်စံးဘၣ်တဲဘၣ်အဝဲသ့ၣ်အသိး န့ၣ်လီၤ. စီၤယိၤသးဟ့ၣ်လီၤအဝဲသ့ၣ်လၢလ့ၣ်ကဟၣ်တဖၣ်ဒ်စီၤပၤမၤလိာ် ဝဲအသိး, ဒီးတၢ်အီၣ်လၢကျဲအဂီၢ်လီၤ.

လံာ်တၢ်ကဲထီၣ်အခီၣ်ထံး 47:6

ကီၢ်အဲၤကူပတူးမ့ၢ်အဝဲသ့ၣ်အတၢ်န့ၣ်လီၤ. ပျဲအသူၣ်လီၤအလီၢ်အိၣ်လီၢ်ဆိးလၢကီၢ်ကိၡ့ၣ်, အလီၢ်ကဝီၤအပူၤ, တၢ်လီၢ်အဂ့ၤကတၢၢ်လၢကီၢ်အပူၤတက့ၢ်. ဒီးလၢအဝဲသ့ၣ်အကျါပှၤတနီၤနီၤလၢအမၤသ့မၤဘၣ်မ့ၢ်အိၣ်ဒီး, ဒုးကဲထီၣ်အီၤလၢပှၤကွၢ်ထွဲယကစၢ်ဒၣ်ယဲအဆၣ်ဖိကီၢ်ဖိအဒၢ တဖၣ်တက့ၢ်.”

လံာ်စီၤဧ့စြၤ 9:12

အဝဲသ့ၣ်တဲဘၣ်ပှၤလၢပမ့ၢ်အဲၣ်ဒိးအိၣ်မုာ်ဆိးပၢၤလၢကီၢ်အံၤ အပူၤဒီးဟ့ၣ်န့ၢ်သါပစၢၤပသွဲၣ်တဖၣ်လီၤစိၤလီၤထီဒီး, ပတဘၣ်ဆီဟံၣ်ဆီဃီဒီးပှၤဂီၢ်မုၢ်တဖၣ်န့ၣ်နီတစုဒီးမၤစၢၤ အဝဲသ့ၣ်လၢကဘီၣ်ထီၣ်ညီထီၣ်မ့ၢ်ဂ့ၤ, အိၣ်ဒီးတၢ်မၤနၢၤမ့ၢ်ဂ့ၤနီတစုဘၣ်.

လံာ်တၢ်ဟးထီၣ်ကွံာ် 22:7

ပှၤတဂၤမ့ၢ်ဘၣ်သူၣ်ဘၣ်သးလၢကပၢၤဃးန့ၢ်ပှၤအဂၤတဂၤအတိၢ်မ့ၢ် ဂ့ၤ, တၢ်လုၢ်ဒိၣ်ပှ့ၤဒိၣ်အဂၤတဖၣ်မ့ၢ်ဂ့ၤ, ဒီးတၢ်တဖၣ်န့ၣ်မ့ၢ်ဘၣ်တၢ် ဟုၣ်ကွံာ်အီၤလၢအဝဲအဟံၣ်ပူၤဒီးတၢ်ဘျၣ်န့ၣ်မ့ၢ်ဘၣ်တၢ်ထံၣ် န့ၢ်အီၤဒီးတၢ်ဘျၣ်ကဘၣ်လိးက့ၤဝဲခံစးလီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယဃ့းစက့လး 20:17

အန့ၣ်ဒၣ်လဲာ်ယအိၣ်ဒီးတၢ်သးကညီၤလၢအဝဲသ့ၣ်အဖီခိၣ်လီၤ. ယပာ်လီၤယသးလၢယတမၤသံအဝဲသ့ၣ်ဖဲန့ၣ်လၢပှၢ်မုၢ်ကနၢအပူၤဘၣ်.

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 7:9

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤ ဂ့ၤမ့ၢ်ဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤဒီးယမ့ၢ်ပှၤတဂၤလၢအစံၣ်ညီၣ်နၤ အဂီၢ်န့ၣ်လီၤ.

လံာ်ယဃ့းစက့လး 9:5

ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

လံာ်လူၤကၣ် 17:31

ဖဲမုၢ်နံၤအဝဲန့ၣ်, ပှၤတဂၤလၢအအိၣ်လၢအဟံၣ်ခိၣ်အဖီခိၣ်န့ၣ် တဘၣ်ဟဲက့ၤလီၤဒီးက့ၤနုာ်ဆူအဟံၣ်ပူၤဒ်သိးအကဟံးန့ၢ် အတၢ်ဖိတၢ်လံၤလၢအအိၣ်ဖဲန့ၣ်တဖၣ်ဘၣ်. ဒ်န့ၣ်အသိး, ပှၤတဂၤလၢအအိၣ်လၢစံာ်ပျီပူၤန့ၣ်, တဘၣ်က့ၤကဒါက့ၤဆူအဟံၣ်ဘၣ်.

လံာ်သိၣ်လီၤသီလီၤတၢ် 19:13

ဒုးနဲၣ်တၢ်သးကညီၤလၢအီၤနီတစဲးတဂ့ၤ. ဒုးပူၤဖျဲးကီၢ်အံၣ်စရ့လးဒီးပှၤမၤသံတၢ်အံၤ, ဒ်သိးကယဲၢ်တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်ဒီးသုတက့ၢ်.

လံာ်သိၣ်လီၤသီလီၤတၢ် 19:21

လၢကွီၢ်ဒ်သိးန့ၣ်တဖၣ်အဂီၢ်န့ၣ်, ဒုးနဲၣ်တၢ်သးကညီၤနီ တစဲးတဂ့ၤ. တၢ်စံၣ်ညီၣ်ကဘၣ်မ့ၢ်ဝဲ, သးသမူတဖျၢၣ်လၢသးသမူ တဖျၢၣ်အဂီၢ်, မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်, စုတခီလၢစုတခီအဂီၢ်ဒီးခီၣ်တခီ လၢခီၣ်တခီအဂီၢ်န့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:13

စီၤဒၤဝံးဟ့ၣ်လီၤအကလုၢ်စံးဝဲ, “ကံာ်ထီၣ်သုနးတဖၣ်တ က့ၢ်.” ဒီးအဝဲသ့ၣ်မၤဝဲလီၤ. စီၤဒၤဝံးစ့ၢ်ကီးကံာ်ထီၣ်အနးဒီး ဟးထီၣ်ဃုာ်ဒီးအပှၤအဂၤလွံၢ်ကယၤဃၣ်ဃၣ်ဒီးပာ်တ့ၢ်ဝဲပှၤအဂၤ ခံကယၤလၢလီၢ်ခံဒ်သိးကဆှၢထီၣ်တၢ်အီၣ်တၢ်အီ တၢ်ဖိတၢ်လံၤ တဖၣ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:24

တၢ်လၢသုစံးတ့ၢ်တဖၣ်န့ၣ်ပှၤဘၣ်သူၣ်ဘၣ်သးတသ့နီတဂၤဘၣ်. ပှၤကိးဂၤဒဲးကဘၣ်ဒိးန့ၢ်အတၢ်နီၤဖးဒ်သိးသိးလီၤ. ပှၤတဂၤလၢ်လၢ်လၢအိၣ်လီၤတဲာ်ဃုာ်ဒီးတၢ်အီၣ်တၢ်အီ, တဖၣ်န့ၣ်, ကဘၣ်မၤန့ၢ်တၢ်ဒ်သိးသိးဒီးပှၤလၢအလဲၤဆူ တၢ်ဒုးတၢ်ယၤအပူၤတဖၣ်န့ၣ်လီၤ.”