လံာ်တၢ်ကဲထီၣ်အခီၣ်ထံး 45:2 - Sgaw Karen Common Bible

² အဝဲဟီၣ်လၢအကလုၢ်သီၣ်ဖးဒိၣ်, တုၤဒၣ်လဲာ်ပှၤအဲၤကူပတူးဖိ တဖၣ်နၢ်ဟူဝဲ, ဒီးတၢ်ကစီၣ်န့ၣ်ဘၣ်တၢ်လဲၤစိာ်အီၤဆူစီၤပၤ အနူၢ်အစီၤပူၤလီၤ.

လံာ်တၢ်ကဲထီၣ်အခီၣ်ထံး 45:2 Iomraidhean Croise

လံာ်တၢ်ကဲထီၣ်အခီၣ်ထံး 42:24

စီၤယိၤသးဟးထီၣ်ကွံာ်လၢအဝဲသ့ၣ်အအိၣ်ဒီးစးထီၣ်ဟီၣ်ဝဲဒၣ် လီၤ. တုၤအဝဲကတိၤထီၣ်ဖျဲးက့ၤတၢ်သ့န့ၣ်, အဝဲဟဲက့ၤကဒါက့ၤဒီး လၢအဝဲသ့ၣ်အကျါဟံးန့ၢ်စီၤစူၤမ့းအိၣ်, ဒီးမၢပှၤစၢဃာ်အီၤလၢအဝဲသ့ၣ်အမဲာ်ညါလီၤ.

လံာ်တၢ်ကဲထီၣ်အခီၣ်ထံး 43:30

တုၤနုၤတစုစီၤယိၤသးဟးထီၣ်သတူၢ်ကလာ်, မ့ၢ်လၢအသးလီၤသကံးဒိၣ်မးလၢအဒီပုၢ်ဝဲၢ်ခွါအဃိန့ၣ်လီၤ. အဝဲထၢၣ်အသးတန့ၢ်လၢၤဘၣ်အဃိ, လဲၤနုာ်ဆူအဒၢးပူၤဒီးဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:14

အဝဲဖိးဟုဃာ်အဒီပုၢ်ဝဲၢ်ခွါစီၤဘံၣ်ယၤမံၣ်ဒီးဟီၣ်ဝဲလီၤ. ဒီးစီၤဘံၣ်ယၤမံၣ်စ့ၢ်ကီးဟီၣ်ဝဲဖဲအဖိးဟုဃာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 46:29

စီၤယိၤသးဒိးထီၣ်အလ့ၣ်ကဟၣ်ဒီးလဲၤဝဲဆူကီၢ်ကိၡ့ၣ်လၢ ကသဂၢၢ်အပၢ်အဂီၢ်လီၤ. ဖဲအဝဲသ့ၣ်ထံၣ်လိာ်အသးန့ၣ်, စီၤယိၤသးဖိးအပၢ်အကိာ်ဒီးဟီၣ်ဝဲဒၣ်ဖးယံာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်တၢ်ဂံၢ် 14:1

ပှၤဂီၢ်မုၢ်ကိးထီၣ်လၢတၢ်သးအုးဒီနၤညါလီၤ. အဝဲသ့ၣ်ကဒူးကဒ့ၣ်တၢ်ထီဒါစီၤမိၤၡ့ဒီးစီၤအၤဟရိၣ်ဒီး စံးဝဲ, “ပသံလၢကီၢ်အဲၤကူပတူးအပူၤမ့တမ့ၢ်ပသံ ဖဲအံၤလၢပှၢ်မုၢ်ကနၢအပူၤအံၤဂ့ၤဒိၣ်ဒၣ်တၢ်တက့ၢ်လီၤ.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

လံာ်နီၢ်ရူၤသး 1:9

မ်ယွၤမၤစၢၤသုလၢသုကဆီဟံၣ်ဆီဃီကဒီးတဘျီဒီးထံၣ်န့ၢ် တၢ်မုာ်တၢ်ခုၣ်န့ၣ်တက့ၢ်.” ဒီးနၢမူအဝဲသ့ၣ်လၢတၢ်လီၤဖးအတၢ်နၢမူလီၤ. ဘၣ်ဆၣ်အဝဲသ့ၣ်ဟီၣ်ဝဲလၢအကလုၢ်ဖးဒိၣ်န့ၣ်လီၤ.