လံာ်တၢ်ကဲထီၣ်အခီၣ်ထံး 45:15 - Sgaw Karen Common Bible

¹⁵ ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 45:15 Iomraidhean Croise

လံာ်တၢ်ကဲထီၣ်အခီၣ်ထံး 29:11

ဒီးနၢမူဝဲနီၢ်ရၤဃ့လးဒီးကိးထီၣ်ဝဲလၢတၢ်သူၣ်ခုသးခု အဃိလီၤ.

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 33:4

မ့မ့ၢ်စီၤဧ့ၡီၤဃ့ၢ်သဂၢၢ်အီၤ, ဖိးဟုအီၤဒီးနၢမူအီၤန့ၣ် လီၤ. အဝဲသ့ၣ်ခံဂၤလိာ်ဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:24

စီၤယိၤသးဟးထီၣ်ကွံာ်လၢအဝဲသ့ၣ်အအိၣ်ဒီးစးထီၣ်ဟီၣ်ဝဲဒၣ် လီၤ. တုၤအဝဲကတိၤထီၣ်ဖျဲးက့ၤတၢ်သ့န့ၣ်, အဝဲဟဲက့ၤကဒါက့ၤဒီး လၢအဝဲသ့ၣ်အကျါဟံးန့ၢ်စီၤစူၤမ့းအိၣ်, ဒီးမၢပှၤစၢဃာ်အီၤလၢအဝဲသ့ၣ်အမဲာ်ညါလီၤ.

လံာ်တၢ်ကဲထီၣ်အခီၣ်ထံး 45:14

အဝဲဖိးဟုဃာ်အဒီပုၢ်ဝဲၢ်ခွါစီၤဘံၣ်ယၤမံၣ်ဒီးဟီၣ်ဝဲလီၤ. ဒီးစီၤဘံၣ်ယၤမံၣ်စ့ၢ်ကီးဟီၣ်ဝဲဖဲအဖိးဟုဃာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 45:16

ဖဲတၢ်ကစီၣ်တုၤဃီၤဆူနူၢ်ပူၤစီၤပူၤလၢစီၤယိၤသးအဒီပုၢ် ဝဲၢ်ခွါတဖၣ်ဟဲလံန့ၣ်ဒီး, စီၤပၤဒီးအပဒိၣ်ပပှၢ်တဖၣ်သူၣ်ခုသးခုဝဲလီၤ.

လံာ်တၢ်ကဲထီၣ်အခီၣ်ထံး 45:2

အဝဲဟီၣ်လၢအကလုၢ်သီၣ်ဖးဒိၣ်, တုၤဒၣ်လဲာ်ပှၤအဲၤကူပတူးဖိ တဖၣ်နၢ်ဟူဝဲ, ဒီးတၢ်ကစီၣ်န့ၣ်ဘၣ်တၢ်လဲၤစိာ်အီၤဆူစီၤပၤ အနူၢ်အစီၤပူၤလီၤ.

လံာ်တၢ်ကဲထီၣ်အခီၣ်ထံး 46:29

စီၤယိၤသးဒိးထီၣ်အလ့ၣ်ကဟၣ်ဒီးလဲၤဝဲဆူကီၢ်ကိၡ့ၣ်လၢ ကသဂၢၢ်အပၢ်အဂီၢ်လီၤ. ဖဲအဝဲသ့ၣ်ထံၣ်လိာ်အသးန့ၣ်, စီၤယိၤသးဖိးအပၢ်အကိာ်ဒီးဟီၣ်ဝဲဒၣ်ဖးယံာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:33

လၢတၢ်န့ၣ်အဃိ, စီၤယိၤအာ်လဲၤဆူစီၤပၤဒၤဝံးအအိၣ်ဒီးတဲ ဘၣ်အီၤတၢ်လၢစီၤအးဘၡါလိၣ်စံးတ့ၢ်ဝဲန့ၣ်လီၤ. စီၤပၤမၢပှၤလဲၤကိးစီၤအးဘၡါလိၣ်လၢကဟဲဆူအဝဲအအိၣ်ဒီး တီၤလီၤကဒွံကျိာ်ဒီးဆူးလီၤအခိၣ်ဆူဟီၣ်ခိၣ်လိၤလၢအမဲာ်ညါန့ၣ်လီၤ. စီၤပၤတူၢ်လိာ်မုာ်အီၤလၢတၢ်နၢမူန့ၣ်လီၤ.

စံးထီၣ်ပတြၢၤ 77:4

နဟံးဃာ်ယမဲာ်ဖံးလၢတၢ်ဆိးသီအပူၤလီၤ. ယကိၢ်ယဂီၤတၢ်ဒိၣ်မးတုၤဒၣ်လဲာ် ယကတိၤတၢ်တသ့လၢၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 4:27

အခါဖဲန့ၣ်ယွၤစံးဘၣ်စီၤအၤဟရိၣ်, “လဲၤထံၣ်လိာ်စီၤမိၤၡ့လၢပှၢ်မုၢ်ကနၢတက့ၢ်.” ဒီးအဝဲလဲၤထံၣ်လိာ်စီၤမိၤၡ့လၢကစၢၢ်စီဆှံဒီးနၢမူအီၤလီၤ.

လံာ်လူၤကၣ် 15:20

လၢတၢ်န့ၣ်အဃိအဝဲဒၣ်ဂဲၤဆၢထၢၣ်ဒီးက့ၤကဒါက့ၤဝဲဆူအပၢ် အအိၣ်လီၤ. ဖဲအဝဲဒၣ်အိၣ်စီၤစုၤယံၤဒံးလၢအဟံၣ်န့ၣ်, အပၢ်ထံၣ်အီၤ, အသးပူၤပှဲၤဒီးတၢ်သးကညီၤဒီးအဝဲဒၣ်ဃ့ၢ်ဝဲ, ဖိးဃာ်အဖိခွါဒီးနၢမူအီၤလီၤ.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

လံာ်နီၢ်ရူၤသး 1:14

အန့ၣ်ဒီးအဝဲသ့ၣ်ဟီၣ်ကဒီးဝဲလၢအကလုၢ်ဖးဒိၣ်လီၤ. ဒီးနီၢ်ဧိးရပၤနၢမူအမံၤပှၢ်ပိာ်မုၣ်ဝံၤဒီးက့ၤကဒါက့ၤဆူ အဟံၣ်န့ၣ်လီၤ. မ့မ့ၢ်နီၢ်ရူၤသးန့ၣ်အိၣ်စဲဘူးအသးဒီးအီၤလီၤ.

လံာ်နီၢ်ရူၤသး 1:9

မ်ယွၤမၤစၢၤသုလၢသုကဆီဟံၣ်ဆီဃီကဒီးတဘျီဒီးထံၣ်န့ၢ် တၢ်မုာ်တၢ်ခုၣ်န့ၣ်တက့ၢ်.” ဒီးနၢမူအဝဲသ့ၣ်လၢတၢ်လီၤဖးအတၢ်နၢမူလီၤ. ဘၣ်ဆၣ်အဝဲသ့ၣ်ဟီၣ်ဝဲလၢအကလုၢ်ဖးဒိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:41

ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.