လံာ်တၢ်ကဲထီၣ်အခီၣ်ထံး 44:8 - Sgaw Karen Common Bible

⁸ နသ့ၣ်ညါလၢပဟဲက့ၤစိာ်ကဒါက့ၤစ့လၢကီၢ်ကနၤဧၣ်, လၢပထံၣ်ဘၣ်လၢပထၢၣ်တဖၣ်အခိၣ်ထိးဆူနအိၣ်န့ၣ်လီၤ. လၢတၢ်န့ၣ်အဃိ, ပကဘၣ်ဟုၣ်န့ၢ်စ့မ့ၢ်ဂ့ၤ, ထူမ့ၢ်ဂ့ၤလၢနကစၢ်အဟံၣ်န့ၣ်ဘၣ်မနုၤလဲၣ်.

လံာ်တၢ်ကဲထီၣ်အခီၣ်ထံး 44:8 Iomraidhean Croise

လံာ်တၢ်ကဲထီၣ်အခီၣ်ထံး 42:21

ဒီးစံးလိာ်အသးတဂၤဒီးတဂၤ, “မ့ၢ်မး, ခဲအံၤပဘၣ်တၢ်နးတၢ် ဖှီၣ်လၢတၢ်လၢပမၤဘၣ်တ့ၢ်ပဒီပုၢ်ဝဲၢ်ခွါတဂၤအဃိလီၤ. ပထံၣ်တ့ၢ်အဝဲအိၣ်လၢတၢ်ကီတၢ်ခဲဖးဒိၣ်အပူၤဖဲအဝဲဃ့ကညးပှၤ လၢတၢ်မၤစၢၤအဂီၢ်, ဘၣ်ဆၣ်ပတဒိကနၣ်ဘၣ်အီၤဘၣ်. လၢတၢ်န့ၣ်အဃိခဲအံၤပအိၣ်လၢတၢ်ကီတၢ်ခဲအဝဲအံၤအပူၤန့ၣ် လီၤ.”

လံာ်တၢ်ကဲထီၣ်အခီၣ်ထံး 42:27

ဖဲတၢ်လီၢ်လၢအဝဲသ့ၣ်ကမံဝဲန့ၣ်, အဝဲသ့ၣ်အကျါတဂၤအိးထီၣ် အထၢၣ်လၢကဒုးအီၣ်အကသ့ၣ်ယီၤအဆၣ်ဒီး, ထံၣ်န့ၢ်အစ့ဒၣ်ဝဲလၢအထၢၣ်အခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 42:35

ဒီးတုၤအဝဲသ့ၣ်မၤအိၣ်ကလီအထၢၣ်တဖၣ်န့ၣ်, အဝဲသ့ၣ်ကိးဂၤဒဲးထံၣ်ဘၣ်အစ့ထၢၣ်, ဒီးဖဲအထံၣ်အစ့န့ၣ်အဝဲ သ့ၣ်ဒီးအပၢ်စီၤယၤကိာ်ပျံၤတၢ်ဖုးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:12

ဟံးန့ၢ်စ့ၢ်ကီးစ့ခံစး, မ့ၢ်လၢသုကဘၣ်က့ၤစိာ်က့ၤစ့လၢ အဘၣ်တၢ်ဟ့ၣ်ကဒါက့ၤသုလၢသုထၢၣ်တဖၣ်အဖီခိၣ်အဃိလီၤ. ဘၣ်သ့ၣ်သ့ၣ်တၢ်န့ၣ်ကမ့ၢ်တၢ်ကမူၤကမၣ်တမံၤလီၤ.

လံာ်တၢ်ကဲထီၣ်အခီၣ်ထံး 43:18

မ့ၢ်လၢအဝဲသ့ၣ်ဘၣ်တၢ်က့ၤကိးဆူဟံၣ်န့ၣ်အဃိ, အဝဲသ့ၣ်ပျံၤတၢ်ဒီးဆိကမိၣ်ထီၣ်ဝဲ, “ပဘၣ်တၢ်ဟဲကိးပှၤဖဲ အံၤမ့ၢ်ဒၣ်လၢစ့လၢအဘၣ်တၢ်ဟ့ၣ်ကဒါက့ၤပှၤလၢပထၢၣ်တဖၣ်အပူၤ အခီၣ်ထံးတဘျီအဃိလီၤ. အဝဲသ့ၣ်ကမၤဒၢၣ်ပှၤသတူၢ်ကလာ်, ဟံးန့ၢ်ပကသ့ၣ်ယီၤတဖၣ်, ဒီးဒုးကဲထီၣ်ပှၤလၢအကုၢ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 44:7

အဝဲသ့ၣ်စံးဆၢအီၤ, “ကစၢ်ဧၢ, နတဲတၢ်ဒ်သိးအံၤန့ၣ်, အခီပညီဒ်လဲၣ်. ပဆိၣ်လီၤပသးလၢပတမၤတၢ်ဒ်န့ၣ်အသိးဘၣ်.

လံာ်တၢ်ဟးထီၣ်ကွံာ် 20:15

ဟုၣ်တၢ်တဂ့ၤ.

လံာ်မးသဲ 19:18

အဝဲသံကွၢ်တၢ်ဒီးစံး, “တၢ်မၤလိာ်မနုၤတဖၣ်လဲၣ်.” ဒီးယ့ၣ်ၡူးစံးဆၢအီၤ, “မၤသံပှၤကညီတဂ့ၤ. အဲၣ်ဘၢမါအဲၣ်ဘၢဝၤတဂ့ၤ. ဟုၣ်တၢ်တဂ့ၤ. အုၣ်နသးကဘျံးကဘျၣ်တဂ့ၤ.

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

လံာ်သိၣ်လီၤသီလီၤတၢ် 5:19

ဟုၣ်တၢ်တဂ့ၤ.