လံာ်တၢ်ကဲထီၣ်အခီၣ်ထံး 44:30 - Sgaw Karen Common Bible

³⁰ စီၤယူဒၤစံးကဒီးဝဲ, “ကစၢ်ဧၢ, ဒီးခဲကနံၣ်အံၤ, ယမ့ၢ်က့ၤကဒါက့ၤဆူယပၢ်အအိၣ်တအိၣ်ဒီးပိာ်ခွါဖိသၣ်အံၤဘၣ် ဒီး, တစုဃီဖဲအဝဲထံၣ်ဝဲလၢပိာ်ခွါဖိအံၤတအိၣ်ဒီးယၤဘၣ်န့ၣ်, အဝဲကသံလီၤ. အဂ့ၢ်ဒ်အံၤ, အဝဲအသးသမူအိၣ်စၢဘိၣ်ဘံအသးဒီးပိာ်ခွါဖိသၣ် န့ၣ်အသးသမူ,

လံာ်တၢ်ကဲထီၣ်အခီၣ်ထံး 44:30 Iomraidhean Croise

လံာ်တၢ်ကဲထီၣ်အခီၣ်ထံး 44:17

စီၤယိၤသးစံးဆၢဝဲ, “အိ, တမ့ၢ်ဘၣ်. ယတမၤတၢ်ဒ်န့ၣ်လ့ၤတက့ၤဘၣ်. ထဲပှၤတဂၤဧိၤလၢအအိၣ်ဒီးလီခီ န့ၣ်ကကဲထီၣ်ယကုၢ်လီၤ. သုဝဲပှၤအဂၤတဖၣ်က့ၤကဒါက့ၤပူၤပူၤဖျဲးဖျဲးဆူသုပၢ်အအိၣ် သ့ဝဲလီၤ.”

လံာ်တၢ်ကဲထီၣ်အခီၣ်ထံး 44:20

ပစံးဆၢတ့ၢ်နၤလၢပအိၣ်ဒီးပပၢ်တဂၤလၢအသးပှၢ်တ့ၢ်လံ, ဒီးပဒီပုၢ်ဝဲၢ်ခွါအဆံးတဂၤ, လၢအအိၣ်ဖျဲၣ်ထီၣ်လၢအဂီၢ်ဖဲ အသးပှၢ်အဆၢကတီၢ်န့ၣ်လီၤ. ပိာ်ခွါဖိသၣ်န့ၣ်အဒီပုၢ်ဝဲၢ်ခွါ တဂၤသံလံ. ဒီးအဝဲမ့ၢ်ပှၤထဲတဂၤဧိၤလၢအမိၢ်အဖိတဖၣ်အကျါလၢအအိၣ်မူ ဒံး, ဒီးအပၢ်အဲၣ်အီၤဒိၣ်မးန့ၣ်လီၤ.

လံာ်တၢ်ကဲထီၣ်အခီၣ်ထံး 44:22

ဒီးပစံးဆၢတ့ၢ်နၤလၢပိာ်ခွါဖိသၣ်အံၤဟးဖးဒီးအပၢ်တသ့ ဘၣ်. မ့ၢ်ဟးဖးဝဲဒီး, အပၢ်ကသံလီၤ.

လံာ်တၢ်ကဲထီၣ်အခီၣ်ထံး 44:31

ဒီးအဝဲအသးပှၢ်ဒိၣ်မးတုၤဒၣ်လဲာ်တၢ်သူၣ်အုးသးအုးလၢပကဒုး ဘၣ်အီၤန့ၣ်ကမၤသံအီၤလီၤ.

လံာ်တၢ်ကဲထီၣ်အခီၣ်ထံး 44:34

ပိာ်ခွါဖိသၣ်မ့ၢ်တက့ၤဃုာ်ဒီးယၤဘၣ်ဒီး, ယက့ၤကဒါက့ၤဆူ ယပၢ်အအိၣ်ကသ့ဒ်လဲၣ်. တၢ်တတၢးတနါအံၤလၢကလီၤဘၣ် လၢယပၢ်အလိၤန့ၣ်, ယကွၢ်အီၤတကဲဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:29

ပှၤတဂၤဂၤမ့ၢ်ကဘၣ်ဒုးနၤဒီးကျဲးစၢးလၢကမၤသံနၤန့ၣ်ယွၤ, နကစၢ်ယွၤကမၤပူၤဖျဲးနၤ, ဒ်ပှၤတဂၤကဟုကယာ်တၢ်စုလီၢ်ခီၣ်ခိၣ် လုၢ်ဒိၣ်ပှ့ၤဒိၣ်တမံၤအသိးန့ၣ်လီၤ. ဘၣ်ဆၣ်ဒီးလၢနဒုၣ်နဒါတဖၣ်အဂီၢ်န့ၣ်, ယွၤကစူးကွံာ်အဝဲသ့ၣ်ဆူအယံၤ, ဒ်ပှၤတဂၤဘျုးထီၣ်ကွံာ်လၢၢ်တဖၣ်လၢအနီၣ်ဘျုးအသိးန့ၣ်လီၤ.