လံာ်တၢ်ကဲထီၣ်အခီၣ်ထံး 44:28 - Sgaw Karen Common Bible

²⁸ အဝဲသ့ၣ်အကျါတဂၤန့ၣ်, ပာ်လီၤတဲာ်ကွံာ်ယၤလံ. အဝဲကဘၣ်တၢ်အ့ၣ်ဖှီယာ်ကွံာ်အီၤအက့က့အခီခီလၢဆၣ်ဖိ ကီၢ်ဖိအအၢအသီတဖၣ်, မ့ၢ်လၢစးထီၣ်လၢအဟးထီၣ်န့ၣ်ယတထံၣ်ဘၣ် လၢၤအီၤဘၣ်အဃိလီၤ.

လံာ်တၢ်ကဲထီၣ်အခီၣ်ထံး 44:28 Iomraidhean Croise

လံာ်တၢ်ကဲထီၣ်အခီၣ်ထံး 37:31

တုၤနုၤတစုအဝဲသ့ၣ်မၤသံကွံာ်မဲာ်တဲးလဲးတဒုဒီးစုၣ်လီၤ ဝဲစီၤယိၤသးအဆ့ကၤလၢအသွံၣ်အကျါလီၤ.

လံာ်တၢ်ကဲထီၣ်အခီၣ်ထံး 37:33

စီၤယၤကိာ်သ့ၣ်ညါနီၣ်တၢ်န့ၣ်ဒီးစံးဝဲ, “မ့ၢ်, မ့ၢ်အဝဲအတၢ် လီၤ. ဆၣ်ဖိကီၢ်ဖိအအၢအသီတနီၤမၤသံကွံာ်အီၤလံ. ယဖိခွါစီၤယိၤသးဘၣ်တၢ်အ့ၣ်ဖှီကွံာ်အီၤအက့က့အခီခီလံ မးလဲၣ်.”

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”