လံာ်တၢ်ကဲထီၣ်အခီၣ်ထံး 44:20 - Sgaw Karen Common Bible

²⁰ ပစံးဆၢတ့ၢ်နၤလၢပအိၣ်ဒီးပပၢ်တဂၤလၢအသးပှၢ်တ့ၢ်လံ, ဒီးပဒီပုၢ်ဝဲၢ်ခွါအဆံးတဂၤ, လၢအအိၣ်ဖျဲၣ်ထီၣ်လၢအဂီၢ်ဖဲ အသးပှၢ်အဆၢကတီၢ်န့ၣ်လီၤ. ပိာ်ခွါဖိသၣ်န့ၣ်အဒီပုၢ်ဝဲၢ်ခွါ တဂၤသံလံ. ဒီးအဝဲမ့ၢ်ပှၤထဲတဂၤဧိၤလၢအမိၢ်အဖိတဖၣ်အကျါလၢအအိၣ်မူ ဒံး, ဒီးအပၢ်အဲၣ်အီၤဒိၣ်မးန့ၣ်လီၤ.

လံာ်တၢ်ကဲထီၣ်အခီၣ်ထံး 44:20 Iomraidhean Croise

လံာ်တၢ်ကဲထီၣ်အခီၣ်ထံး 35:18

ဘၣ်ဆၣ်ဘူးလၢအကသံ, ဖဲအတၢ်သါလၢခံကတၢၢ်န့ၣ်, အဝဲယုၢ်န့ၢ်အဖိခွါအမံၤလၢစီၤဘံၣ်အိနံလီၤ. မ့မ့ၢ်အပၢ်ယုၢ်န့ၢ်အမံၤလၢစီၤဘံၣ်ယၤမံၣ်လီၤ.

လံာ်တၢ်ကဲထီၣ်အခီၣ်ထံး 37:19

အဝဲသ့ၣ်စံးလိာ်အသး, “ပှၤမံမီၢ်တၢ်တဂၤဟဲလံ.

လံာ်တၢ်ကဲထီၣ်အခီၣ်ထံး 37:3

စီၤယၤကိာ်အဲၣ်တ့ၢ်စီၤယိၤသးအါန့ၢ်အဖိခွါအဂၤခဲလၢာ်, မ့ၢ်လၢအဝဲအိၣ်ဖျဲၣ်ထီၣ်တ့ၢ်လၢအဝဲအဂီၢ်ဖဲအဝဲအသးပှၢ်အကတီၢ် အဃိန့ၣ်လီၤ. အဝဲမၤန့ၢ်တ့ၢ်ဆ့ကၤလီၤဆီတဘ့ၣ်လၢအဖိခွါစီၤယိၤသးအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 42:13

အဝဲသ့ၣ်စံးဝဲ, “ကစၢ်ဧၢ, ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံ ခံဂၤ, ပှၤတဂၤဃီလၢကီၢ်ကနၤဧၣ်ပူၤအဖိခွါတဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးခဲကနံၣ်အံၤပဒီပုၢ်ဝဲၢ်ခွါ အဆံးကတၢၢ်တဂၤန့ၣ်အိၣ်ဒီးပပၢ်လီၤ.”

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”

လံာ်တၢ်ကဲထီၣ်အခီၣ်ထံး 46:21

စီၤဘံၣ်ယၤမံၣ်အဖိခွါတဖၣ်န့ၣ်မ့ၢ်ဝဲစီၤဘ့လၤ, စီၤဘ့က့ၢ်, စီၤအၤၡဘ့လး, စီၤက့ရၤ, စီၤနဧၤမၣ်, စီၤအ့ဃံၤ, စီၤရိဃး, စီၤမူးဖံၣ်, စီၤဃူဖံၣ်ဒီးစီၤအၤရးလီၤ.

လံာ်တၢ်ကဲထီၣ်အခီၣ်ထံး 49:8

စီၤယူဒၤဧၢ, နဒီပုၢ်ဝဲၢ်ခွါတဖၣ်ကစံးထီၣ်ပတြၢၤနၤလီၤ. နစှီၤဃာ်နဒုၣ်နဒါတဖၣ်လၢအကိာ်လီၤ. နဒီပုၢ်ဝဲၢ်ခွါတဖၣ်ကတီၤလီၤလၢနမဲာ်ညါလီၤ.

လံာ်လူၤကၣ် 7:12

ဖဲအဝဲဒၣ်လဲၤတုၤဝ့ၢ်အကျဲစၢၤန့ၣ်, ပှၤတဖုလၢအကလဲၤခူၣ်လီၤပှၤသံဟဲဟးထီၣ်ဝဲဒၣ်လီၤ. ပှၤလၢအသံတဂၤန့ၣ်မ့ၢ်ဝဲပိာ်မုၣ်လၢအမ့ၢ်မုၣ်ကမဲတဂၤ အဖိခွါထဲတဂၤဧိၤန့ၣ်လီၤ. ဒီးပှၤဂီၢ်မုၢ်ဖးဒိၣ်လၢဝ့ၢ်အဝဲန့ၣ်အပူၤ အိၣ်ဝဲဒီးမုၣ်ကမဲတဂၤန့ၣ်လီၤ.