လံာ်တၢ်ကဲထီၣ်အခီၣ်ထံး 44:2 - Sgaw Karen Common Bible

² ပာ်ယလီခီစ့လၢပှၤအဆံးကတၢၢ်တဂၤအထၢၣ်ဖီခိၣ်ဒီးဒၢနုာ်အစ့ လၢအသါကပှ့ၤဘုဧိၤဟုဧိၤအဂီၢ်န့ၣ်တက့ၢ်.” အဝဲမၤဝဲဒ်အဘၣ်တၢ်မၢအီၤအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 44:2 Iomraidhean Croise

လံာ်တၢ်ကဲထီၣ်အခီၣ်ထံး 42:20

ဒီးသုကဘၣ်ဟဲကိးသုဒီပုၢ်ဝဲၢ်ခွါအဆံးကတၢၢ်ဆူယအိၣ်လီၤ. တၢ်အံၤကအုၣ်အသးလၢသုတဲတၢ်မ့ၢ်တၢ်တီဒီးယတမၤသံ သုဘၣ်.” ဒီးအဝဲသ့ၣ်အၢၣ်လီၤတူၢ်လိာ်တၢ်အံၤ,

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်တၢ်ကဲထီၣ်အခီၣ်ထံး 44:1

စီၤယိၤသးမၢအဟံၣ်အခ့အပှၤတဖၣ်အခိၣ်ဒီးစံးဝဲ, “မၤပှဲၤပှၤတဖၣ်အံၤအထၢၣ်ဒီးတၢ်အီၣ်ဖဲအဝဲသ့ၣ်စိာ်ဝဲန့ၢ်, ဒီးဒၢနုာ်ပှၤတဂၤစုာ်စုာ်အစ့လၢအထၢၣ်ခိၣ်ထိးန့ၣ်တက့ၢ်.

လံာ်တၢ်ကဲထီၣ်အခီၣ်ထံး 44:12

စီၤယိၤသးအခ့အပှၤဃုတၢ်လီၤတံၢ်လီၤဆဲး, စးထီၣ်လၢပှၤသးပှၢ်ကတၢၢ်တဂၤတုၤလၢအသးစၢ်ကတၢၢ်တဂၤ, ဒီးလီခီန့ၣ်ဘၣ်တၢ်ထံၣ်န့ၢ်အီၤလၢစီၤဘံၣ်ယၤမံၣ်အထၢၣ်ပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 44:3

လၢဂီၤထၢၣ်သၢဂီၤဂီၤန့ၣ်, ပှၤဒီပုၢ်ဝဲၢ်ခွါတဖၣ်ဘၣ်တၢ်ပျဲ က့ၤအီၤဃုာ်ဒီးအကသ့ၣ်ယီၤတဖၣ်န့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

၂ ကရံၣ်သူး 8:8

ယတပာ်လီၤတၢ်သိၣ်တၢ်သီဒီးတၢ်ဘျၢနီတမံၤဘၣ်. မ့မ့ၢ်, ခီဖျိယပာ်ဖျါထီၣ်ပှၤဂၤတဖၣ်သးဆူၣ်ဟ့ၣ်တၢ်ဆံးအါ အဂ့ၢ်န့ၣ်, ယဂုာ်ကျဲးစၢးဃုသ့ၣ်ညါယဲသုတၢ်အဲၣ်တၢ်ကွံ ဒၣ်ဝဲမ့ၢ်တၢ်နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.