လံာ်တၢ်ကဲထီၣ်အခီၣ်ထံး 44:18 - Sgaw Karen Common Bible

¹⁸ စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်တၢ်ကဲထီၣ်အခီၣ်ထံး 44:18 Iomraidhean Croise

လံာ်တၢ်ကဲထီၣ်အခီၣ်ထံး 18:30

စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.” ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 18:32

ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.” ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.”

လံာ်တၢ်ကဲထီၣ်အခီၣ်ထံး 37:6

စီၤယိၤသးစံးဝဲ, “ဝံသးစူၤဒိကနၣ်တၢ်မံမီၢ်လၢယမံမီၢ် တ့ၢ်တက့ၢ်.

လံာ်တၢ်ကဲထီၣ်အခီၣ်ထံး 37:7

ပဝဲခဲလၢာ်ပအိၣ်လၢစံာ်ပျီပူၤဒီးစၢကဒိၣ်ထီၣ်ပဘုကၠူၣ်တ ဖၣ်, ဖဲယဘုကဒိၣ်ဝံၢ်ထီၣ်အသးအိၣ်ဆၢထၢၣ်ထူၣ်ကလာ်န့ၣ်လီၤ. သုဘုကဒိၣ်တဖၣ်ဟဲအိၣ်ဝးတရံးယဘုကဒိၣ်ဒီးသကုးလီၤအသးလၢ ယဘုကဒိၣ်အမဲာ်ညါလီၤ.”

လံာ်တၢ်ကဲထီၣ်အခီၣ်ထံး 37:8

အဒီပုၢ်ဝဲၢ်ခွါတဖၣ်သံကွၢ်ဝဲ, “နဆိကမိၣ်လၢနကကဲထီၣ်စီၤ ပၤတဂၤဒီးပၢပှၤန့ၣ်ဧါ”. ဒီးအဝဲသ့ၣ်သးဟ့အီၤအါထီၣ်မ့ၢ်လၢအတၢ်မံမီၢ်တဖၣ်ဒီးတၢ်လၢ အဝဲစံးတ့ၢ်ဘၣ်ထွဲဒီးအဝဲသ့ၣ်အဂ့ၢ်အဃိလီၤ.

လံာ်တၢ်ကဲထီၣ်အခီၣ်ထံး 41:40

ယကပာ်နၤလၢပှၤပၢယထံယကီၢ်အလီၢ်, ဒီးပှၤဂီၢ်မုၢ်ခဲလၢာ်ကစူၢ်တၢ်ကလုၢ်တဖၣ်လၢနဟ့ၣ်လီၤန့ၣ်လီၤ. လၢတၢ်စိတၢ်ကမီၤအလီၢ်န့ၣ်, နကမ့ၢ်ပှၤခံဂၤတဂၤလၢယၤဝံၤအလီၢ် ခံန့ၣ်လီၤ.

လံာ်တၢ်ကဲထီၣ်အခီၣ်ထံး 41:44

စီၤပၤစံးဘၣ်အီၤ, “ယမ့ၢ်စီၤပၤလီၤ. နတၢ်ပျဲမ့ၢ်တအိၣ်ဘၣ် န့ၣ်ပှၤလၢကီၢ်အဲၤကူပတူးဒီတကီၢ်တယူာ်ထီၣ်ဘၣ်အစု မ့ၢ်ဂ့ၤ, သုးဘၣ်ဒၣ်လဲာ်အခီၣ်မ့ၢ်ဂ့ၤနီတဂၤဘၣ်.”

လံာ်တၢ်ကဲထီၣ်အခီၣ်ထံး 44:17

စီၤယိၤသးစံးဆၢဝဲ, “အိ, တမ့ၢ်ဘၣ်. ယတမၤတၢ်ဒ်န့ၣ်လ့ၤတက့ၤဘၣ်. ထဲပှၤတဂၤဧိၤလၢအအိၣ်ဒီးလီခီ န့ၣ်ကကဲထီၣ်ယကုၢ်လီၤ. သုဝဲပှၤအဂၤတဖၣ်က့ၤကဒါက့ၤပူၤပူၤဖျဲးဖျဲးဆူသုပၢ်အအိၣ် သ့ဝဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:12

ပိာ်မုၣ်န့ၣ်စံးဝဲဒၣ်, “ဝံသးစူၤ, နဲဒၣ်တၢ်ဒိၣ်ကစၢ်စီၤပၤဧၢ, ဒုးစံးဘၣ်အါထီၣ်ယၤတၢ်ဆူညါထဲတမံၤဧိၤတက့ၢ်.” စီၤပၤစံးဆၢဝဲဒၣ်, “ဂ့ၤလံ.”

လံာ်နီၢ်အ့ၤစတၢ် 1:12

ဘၣ်ဆၣ်ဒီး, ဖဲတၢ်ခ့တၢ်ပှၤသ့ၣ်တဖၣ်တဲဘၣ်နီၢ်ပၤမုၣ်ဝးၡတံၤလၢစီၤပၤ အတၢ်မၤလိာ်အီၤန့ၣ်, အဝဲဂ့ၢ်လိာ်ဝဲလၢအကဟဲဝဲဒၣ်န့ၣ်လီၤ. တၢ်အံၤမၤသးဒိၣ်ထီၣ်စီၤပၤန့ၣ်လီၤ.

လံာ်စီၤယိၤဘး 33:31

ဒီးခဲကနံၣ်အံၤစီၤယိၤဘးဧၢ, ဒိကနၣ်တၢ်လၢယစံးဘၣ်တဲဘၣ် နၤ, အိၣ်ဘှီၣ်ဒီးပျဲယကတိၤတၢ်တက့ၢ်.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

လံာ်တၢ်ဟးထီၣ်ကွံာ် 32:22

စီၤအၤဟရိၣ်စံးဆၢဝဲ, “သးဒိၣ်တၢ်တဂ့ၤ, နသ့ၣ်ညါနဲလၢပှၤဂီၢ်မုၢ်အံၤပာ်လီၤအသးကျၢၤမုဆှ လၢကမၤတၢ်အၢဒ်လဲၣ်န့ၣ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်ယိၤဟၣ် 5:22

ပၢ်ကစၢ်ဒၣ်ဝဲတစံၣ်ညီၣ်စ့ၢ်ကီးပှၤနီတဂၤဘၣ်. အဝဲဟ့ၣ်လီၤအဖိခွါတၢ်စိတၢ်ကမီၤခဲလၢာ်လၢကစံၣ်ညီၣ် တၢ်အဂီၢ်,

မၤတၢ် 2:29

“ယဒီပုၢ်ဝဲၢ်သ့ၣ်ဧၢ, ယဘၣ်စံးဘၣ်သုလိၤလိၤဘၣ်ဃးပပၢ်ဖးဒိၣ်မံၤဟူသၣ်ဖျါစီၤပၤ ဒၤဝံးအဂ့ၢ်လီၤ. အဝဲဒၣ်သံဝဲဒီးဘၣ်တၢ်ခူၣ်လီၤကွံာ်အီၤ, ဒီးအသွၣ်ခိၣ်န့ၣ်အိၣ်ဒံးဒၣ်ဖဲအံၤတုၤမုၢ်မဆါတနံၤအံၤန့ၣ်လီၤ.