လံာ်တၢ်ကဲထီၣ်အခီၣ်ထံး 44:17 - Sgaw Karen Common Bible

¹⁷ စီၤယိၤသးစံးဆၢဝဲ, “အိ, တမ့ၢ်ဘၣ်. ယတမၤတၢ်ဒ်န့ၣ်လ့ၤတက့ၤဘၣ်. ထဲပှၤတဂၤဧိၤလၢအအိၣ်ဒီးလီခီ န့ၣ်ကကဲထီၣ်ယကုၢ်လီၤ. သုဝဲပှၤအဂၤတဖၣ်က့ၤကဒါက့ၤပူၤပူၤဖျဲးဖျဲးဆူသုပၢ်အအိၣ် သ့ဝဲလီၤ.”

လံာ်တၢ်ကဲထီၣ်အခီၣ်ထံး 44:17 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်တၢ်ကဲထီၣ်အခီၣ်ထံး 26:29

လၢနသုတမၤအၢပှၤတဂ့ၤဒ်ပတမၤအၢဘၣ်နၤအသိးန့ၣ်လီၤ. ပသူၣ်အိၣ်သးအိၣ်နၤဒီးပျဲနလဲၤတၢ်ခုၣ်ခုၣ်မုာ်မုာ်န့ၣ်လီၤ. ခဲကနံၣ်အံၤတၢ်အိၣ်ဖျါလီၤတံၢ်လီၤဆဲးလၢယွၤဆိၣ်ဂ့ၤတ့ၢ်နၤ လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 44:10

အဝဲစံးဝဲ, “ယအၢၣ်လီၤလီၤ. ဘၣ်ဆၣ်ဒီးထဲဒၣ်ပှၤတဂၤဧိၤလၢ အဟံးန့ၢ်ကွံာ်လီခီကကဲထီၣ်ယကုၢ်ယပှၤ, ဒီးသုဝဲပှၤအိၣ်လီၤတဲာ်ပူၤဖျဲးသ့ဝဲလီၤ.”

လံာ်တၢ်ကဲထီၣ်အခီၣ်ထံး 44:16

စီၤယူဒၤစံးဆၢဝဲ, “ကစၢ်ဧၢ, ပစံးဘၣ်နၤမနုၤကသ့လဲၣ်. ပဂ့ၢ်လိာ်နၤကသ့ဒ်လဲၣ်. ပကတိၤပူၤဖျဲးပသးကသ့ဒ်လဲၣ်. ကစၢ်ယွၤမၤဖျါထီၣ်ပတၢ်ဒဲးဘးတဖၣ်လံ. ဒီးခဲကနံၣ်အံၤပဝဲခဲလၢာ်ပမ့ၢ်နကုၢ်နပှၤတဖၣ်ဒီးတမ့ၢ်ဘၣ်ထဲ ပှၤတဂၤဧိၤလၢလီခီဘၣ်တၢ်ထံၣ်န့ၢ်လၢအအိၣ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 44:18

စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

စံးထီၣ်ပတြၢၤ 75:2

ကစၢ်ယွၤစံးဝဲဒၣ်, “ယပာ်လီၤတၢ်ဆၢကတီၢ်လၢယကစံၣ်ညီၣ်တၢ် ဒီးယကစံၣ်ညီၣ်တၢ်လၢ တၢ်တီတၢ်လိၤအပူၤလီၤ.”

တၢ်ကတိၤဒိ. 17:15

တၢ်စံၣ်ညီၣ်ဃၣ်ပှၤလၢအတၢ်ကမၣ်တအိၣ်ဘၣ်ဒီးပျၢ်ဖျဲးပှၤတတီ တလိၤန့ၣ်, မ့ၢ်တၢ်လီၤသးဟ့လၢယွၤအမဲာ်ညါခံမံၤလိာ်လီၤ.