လံာ်တၢ်ကဲထီၣ်အခီၣ်ထံး 44:1 - Sgaw Karen Common Bible

¹ စီၤယိၤသးမၢအဟံၣ်အခ့အပှၤတဖၣ်အခိၣ်ဒီးစံးဝဲ, “မၤပှဲၤပှၤတဖၣ်အံၤအထၢၣ်ဒီးတၢ်အီၣ်ဖဲအဝဲသ့ၣ်စိာ်ဝဲန့ၢ်, ဒီးဒၢနုာ်ပှၤတဂၤစုာ်စုာ်အစ့လၢအထၢၣ်ခိၣ်ထိးန့ၣ်တက့ၢ်.

လံာ်တၢ်ကဲထီၣ်အခီၣ်ထံး 44:1 Iomraidhean Croise

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 42:35

ဒီးတုၤအဝဲသ့ၣ်မၤအိၣ်ကလီအထၢၣ်တဖၣ်န့ၣ်, အဝဲသ့ၣ်ကိးဂၤဒဲးထံၣ်ဘၣ်အစ့ထၢၣ်, ဒီးဖဲအထံၣ်အစ့န့ၣ်အဝဲ သ့ၣ်ဒီးအပၢ်စီၤယၤကိာ်ပျံၤတၢ်ဖုးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:16

ဖဲစီၤယိၤသးထံၣ်ဘၣ်စီၤဘံၣ်ယၤမံၣ်ဟဲဃုာ်ဒီးအဝဲသ့ၣ်န့ၣ် စံးဘၣ်အဟံၣ်အခ့အပှၤတဖၣ်အခိၣ်တဂၤ, “လဲၤကိးပှၤသ့ၣ်တဖၣ်အံၤဆူယဟံၣ်တက့ၢ်. အဝဲသ့ၣ်ကအီၣ်မုၢ်ထူၣ်အတၢ်အီၣ်ဒီးယၤန့ၣ်လီၤ. အဃိမၤသံဆၣ်ဖိကီၢ်ဖိတဒုဒီးကတဲာ်ကတီၤအီၤတက့ၢ်.”

လံာ်တၢ်ကဲထီၣ်အခီၣ်ထံး 43:19

လၢတၢ်န့ၣ်အဃိဖဲဟံၣ်အတြဲၤန့ၣ်, အဝဲသ့ၣ်စံးဘၣ်တၢ်ခ့တၢ်ပှၤ အခိၣ်,

လံာ်တၢ်ကဲထီၣ်အခီၣ်ထံး 43:2

ဒီးတုၤစီၤယၤကိာ်အဒူၣ်ဖိထၢဖိတဖၣ်အီၣ်ဘုဧိၤဟုဧိၤလၢအ ဟဲ က့ၤစိာ်ဝဲလၢကီၢ်အဲၤကူပတူးလၢာ်ကွံာ်ဝဲန့ၣ်, စီၤယၤကိာ်စံးဘၣ်အဖိခွါတဖၣ်, “လဲၤကဒါက့ၤဒီးပှ့ၤတၢ် အီၣ်တစဲးလၢပဂီၢ်တက့ၢ်.”

လံာ်တၢ်ကဲထီၣ်အခီၣ်ထံး 44:2

ပာ်ယလီခီစ့လၢပှၤအဆံးကတၢၢ်တဂၤအထၢၣ်ဖီခိၣ်ဒီးဒၢနုာ်အစ့ လၢအသါကပှ့ၤဘုဧိၤဟုဧိၤအဂီၢ်န့ၣ်တက့ၢ်.” အဝဲမၤဝဲဒ်အဘၣ်တၢ်မၢအီၤအသိးန့ၣ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,