လံာ်တၢ်ကဲထီၣ်အခီၣ်ထံး 43:34 - Sgaw Karen Common Bible

³⁴ တၢ်အီၣ်ဘၣ်တၢ်ဟံးန့ၢ်အီၤလၢစီၤယိၤသးအစီၢ်နီၤခိၣ်ဒီးဟ့ၣ် လီၤဆူအဝဲသ့ၣ်, ဒီးစီၤဘံၣ်ယၤမံၣ်ဘၣ်တၢ်ဟ့ၣ်အီၤအါန့ၢ်အဂၤတဖၣ်ယဲၢ်စးလီၤ. ဒီးအဝဲသ့ၣ်အီၣ်တၢ်ဒီးအီတၢ်ဒီးစီၤယိၤသးတုၤအမူၤအဘှီး တစုန့ၣ်လီၤ.

လံာ်တၢ်ကဲထီၣ်အခီၣ်ထံး 43:34 Iomraidhean Croise

လံာ်တၢ်ကဲထီၣ်အခီၣ်ထံး 35:24

နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:22

အဝဲဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤအတၢ်ကူတၢ်သိးလၢကကလံၤ အသးတဘျီအဂီၢ်လီၤ. မ့မ့ၢ်စီၤဘံၣ်ယၤမံၣ်န့ၣ်ဟ့ၣ်ဝဲစ့အဘ့ၣ်သၢကယၤဒီးအကူအသိး လၢကကလံၤအသးယဲၢ်ဘျီအဂီၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:8

အန့ၣ်ဝံၤဒီး, အဝဲစံးဘၣ်စီၤအူၤရံယၤ, က့ၤဆူနဟံၣ်ဒီးအိၣ်ဘှံးတစိၢ်တလီၢ်တက့ၢ်. စီၤအူၤရံယၤဟးထီၣ်ဝဲ ဒီးစီၤဒၤဝံးဆှၢလီၤတၢ်ဟ့ၣ်တမံၤဆူအဟံၣ်န့ၣ်လီၤ.

တၢ်ကတိၤဒိ. 31:6

သံးဧိၤဂာ်ဧိၤမ့ၢ်ဒၣ်လၢပှၤအကသံတဖၣ်အဂီၢ်ဒီးပှၤလၢအသူၣ်ကိၢ် သးဂီၤတဖၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ဃဘးကူာ် 1:6

ပှၤဘၤဘူၤလိၣ်ဖိ, ပှၤလၢအလီၤပျံၤလီၤဖုး, ပှၤလၢအမၤတၢ်ဆူၣ်ဆူၣ်ချ့ချ့တဖၣ်န့ၣ်ယဒုးဆူၣ်ထီၣ်အီၤလၢတၢ် စိတၢ်ကမီၤန့ၣ်လီၤ. အဝဲသ့ၣ်လဲၤထီၣ်ကြူးကြူးသကုၤဟီၣ်ခိၣ်ဒီ ဘ့ၣ်ဒ်သိးကမၤနၢၤကွံာ်ထံဂုၤကီၢ်ဂၤတဖၣ်လီၤ.

လံာ်မးသဲ 11:19

တုၤပှၤကညီဖိခွါဟဲဝဲဒီးအီၣ်တၢ်အီတၢ်ဒီးပှၤကိးဂၤစံးဝဲ, ‘ကွၢ်တက့ၢ်. ပှၤတဂၤအံၤမ့ၢ်ပှၤအီၣ်လုၣ်ကိတၢ်ဒီးအီလုၣ်ကိစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’ ဘၣ်ဆၣ်ကစၢ်ယွၤအတၢ်ကူၣ်သ့န့ၣ်ဘၣ်တၢ်ပာ်တီပာ်လိၤအီၤလၢ အတၢ်ဖံးတၢ်မၤဒၣ်ဝဲန့ၣ်လီၤ.”

လံာ်ယိၤဟၣ် 2:10

ဒီးစံးဘၣ်အီၤ, “ပှၤကိးဂၤဒဲးဒုးအီပှၤသမှံၤတဖၣ်စပံးထံအဂ့ၤ ကတၢၢ်လၢညါဒီးအဝဲသ့ၣ်အီဘျဲးအီဝဲဝံၤမး, ဒုးအီက့ၤဝဲစပံးထံလၢအဂ့ၤဖဲအကြၢးလၢခံန့ၣ်လီၤ. မ့မ့ၢ်နဲ နပာ်ဒံးစပံးထံလၢအဂ့ၤကတၢၢ်တုၤခဲအံၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:5

ဒီးအဝဲမ့ၢ်အဲၣ်ဝဲနီၢ်ဃးနၤဒိၣ်မးဒၣ်လဲာ်န့ၣ်ဟ့ၣ်ဒၣ်ဝဲထဲတပူဧိၤလီၤ. အဂ့ၢ်ဒ်အံၤ, ယွၤတြီဃာ်အီၤဒ်သိးအသုတအိၣ်ဒံၣ်အိၣ်ဖိတဂ့ၤအဂီၢ်လီၤ.