လံာ်တၢ်ကဲထီၣ်အခီၣ်ထံး 43:29 - Sgaw Karen Common Bible

²⁹ ဖဲစီၤယိၤသးထံၣ်ဘၣ်အဒီပုၢ်ဝဲၢ်ခွါစီၤဘံၣ်ယၤမံၣ်န့ၣ်, အဝဲစံးဝဲ, “အဝဲအံၤမ့ၢ်သုပုၢ်ပိာ်ခွါအဆံးကတၢၢ်လၢသု တဲတ့ၢ်ယၤအဂ့ၢ်န့ၣ်ဧါ. ယဖိခွါဧၢ, မ်ကစၢ်ယွၤဆိၣ်ဂ့ၤနၤတ က့ၢ်.”

လံာ်တၢ်ကဲထီၣ်အခီၣ်ထံး 43:29 Iomraidhean Croise

လံာ်တၢ်ကဲထီၣ်အခီၣ်ထံး 35:24

နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:11

ပမ့ၢ်ပှၤဒီပုၢ်ဝဲၢ်ခွါခဲလၢာ်လီၤ. ကစၢ်ဧၢ, ပတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. ပမ့ၢ်ပှၤအတီအလိၤတဖၣ်လီၤ.”

လံာ်တၢ်ကဲထီၣ်အခီၣ်ထံး 42:13

အဝဲသ့ၣ်စံးဝဲ, “ကစၢ်ဧၢ, ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံ ခံဂၤ, ပှၤတဂၤဃီလၢကီၢ်ကနၤဧၣ်ပူၤအဖိခွါတဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးခဲကနံၣ်အံၤပဒီပုၢ်ဝဲၢ်ခွါ အဆံးကတၢၢ်တဂၤန့ၣ်အိၣ်ဒီးပပၢ်လီၤ.”

လံာ်တၢ်ကဲထီၣ်အခီၣ်ထံး 44:21

ကစၢ်ဧၢ, နမၢပဟဲကိးတ့ၢ်အီၤဖဲအံၤ, ဒ်သိးနထံၣ်အီၤကသ့ အဂီၢ်,

လံာ်တၢ်ကဲထီၣ်အခီၣ်ထံး 45:8

လၢတၢ်န့ၣ်အဃိပှၤလၢအဆှၢယၤဖဲအံၤနီၢ်နီၢ်တမ့ၢ်သုဘၣ်. မ့ၢ်ဒၣ်ကစၢ်ယွၤန့ၣ်လီၤ. အဝဲဒုးကဲထီၣ်တ့ၢ်ယၤလၢစီၤပၤ အပဒိၣ်အဒိၣ်ကတၢၢ်န့ၣ်လီၤ. ယမ့ၢ်ပှၤဘၣ်မူဘၣ်ဒါလၢထံကီၢ်ဒီဘ့ၣ်အဂီၢ်, ဒီးယမ့ၢ်ပှၤပၢဘၣ်ကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:11

ယဖိခွါသ့ၣ်ဧၢ, မၤလၢာ်တၢ်ဆၢကတီၢ်နီတစဲးတဂ့ၤ. သုမ့ၢ်ပှၤလၢယွၤဃုထၢတ့ၢ်အီၤလၢကဆူးကဲၤထီၣ်တၢ်နၢမူ ဆူအအိၣ်, ဒီးလၢကဆှၢပှၤဂီၢ်မုၢ်လၢတၢ်ဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 67:1

မ်ကစၢ်ယွၤသူၣ်ကညီၤသးကညီၤပှၤဒီးဆိၣ်ဂ့ၤပှၤတက့ၢ်. ဒီးမ်အဒုးကပီၤထီၣ်ဘၣ်အမဲာ်လၢပလိၤ, စ့လၤ

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 33:2

ယွၤဧၢ, သူၣ်ကညီၤသးကညီၤလၢ်ပှၤတက့ၢ်. ပပာ်ပတၢ်မုၢ်လၢ်လၢနပူၤလီၤ. ကဟုကယာ်ပှၤတနံၤဘၣ် တနံၤဒီးအုၣ်က့ၤခီၣ်က့ၤပှၤလၢတၢ်ကိၢ်တၢ်ဂီၤအဆၢကတီၢ် တဖၣ်န့ၣ်တက့ၢ်.

လံာ်မၤလကံ 1:9

ခဲကနံၣ်အံၤပှၤလုၢ်တၢ်အခိၣ်သ့ၣ်ဧၢ, ဃ့ကညးယွၤဒ်သိးအကသးကညီၤသုတက့ၢ်. အဝဲတစံးဆၢဘၣ်သုတၢ်ထုကဖၣ်ဘၣ်, ဒီးတၢ်န့ၣ်ကမ့ၢ်သုတၢ်ကမၣ်လီၤ.

လံာ်တၢ်ဂံၢ် 6:25

မ်ယွၤသူၣ်ကညီၤသးကညီၤနၤဒီးအဘျုးအဖှိၣ်အိၣ်လၢနဖီခိၣ်တက့ၢ်.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်မၢ်ကူး 10:24

အတၢ်ကတိၤတဖၣ်အံၤဒုးကမၢကမၣ်အပျဲၢ်အဘီၣ်တဖၣ်, ဘၣ်ဆၣ်ယ့ၣ်ၡူးစံးကဒီးဝဲ, “ယဖိယလံၤသ့ၣ်ဧၢ, ပှၤကလဲၤနုာ်လီၤဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.

၁ တံၤမသ့း 1:2

ဆူ, စီၤတံၤမသ့း, ယဖိခွါနီၢ်နီၢ်လၢတၢ်စူၢ်တၢ်နာ်အပူၤအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤ တၢ်ဘျုးတၢ်ဖှိၣ်, တၢ်သးကညီၤ, ဒီးတၢ်ဃူတၢ်ဖိးတက့ၢ်.

ဧ့ၤဘြံၤ 13:1

တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”