လံာ်တၢ်ကဲထီၣ်အခီၣ်ထံး 43:27 - Sgaw Karen Common Bible

²⁷ အဝဲသံကွၢ်တၢ်ဘၣ်ဃးဒီးအဝဲသ့ၣ်အတၢ်အိၣ်ဆူၣ်အိၣ်ချ့ အဂ့ၢ်ဝံၤဒီးစံးဝဲ, “သုတဲဘၣ်တ့ၢ်ယၤဘၣ်ဃးသုပၢ်သးပှၢ် အဂ့ၢ်လီၤ. အဝဲအိၣ်မၤသးဒ်လဲၣ်. မ့ၢ်အအိၣ်မူဒံးဒီးအိၣ်ဆူၣ်အိၣ်ချ့ ကစီဒီဧါ.”

လံာ်တၢ်ကဲထီၣ်အခီၣ်ထံး 43:27 Iomraidhean Croise

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်တၢ်ကဲထီၣ်အခီၣ်ထံး 41:16

စီၤယိၤသးစံးဆၢဝဲ, “ကစၢ်စီၤပၤဧၢ, ယဖးတၢ်မံမီၢ်အခီ ပညီတသ့ဘၣ်. ဘၣ်ဆၣ်ဒီးကစၢ်ယွၤကဟ့ၣ်နၤတၢ်အခီပညီလၢအဂ့ၤတမံၤလီၤ.”

လံာ်တၢ်ကဲထီၣ်အခီၣ်ထံး 42:11

ပမ့ၢ်ပှၤဒီပုၢ်ဝဲၢ်ခွါခဲလၢာ်လီၤ. ကစၢ်ဧၢ, ပတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. ပမ့ၢ်ပှၤအတီအလိၤတဖၣ်လီၤ.”

လံာ်တၢ်ကဲထီၣ်အခီၣ်ထံး 42:13

အဝဲသ့ၣ်စံးဝဲ, “ကစၢ်ဧၢ, ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံ ခံဂၤ, ပှၤတဂၤဃီလၢကီၢ်ကနၤဧၣ်ပူၤအဖိခွါတဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးခဲကနံၣ်အံၤပဒီပုၢ်ဝဲၢ်ခွါ အဆံးကတၢၢ်တဂၤန့ၣ်အိၣ်ဒီးပပၢ်လီၤ.”

လံာ်တၢ်ကဲထီၣ်အခီၣ်ထံး 43:7

အဝဲသ့ၣ်စံးဆၢဝဲ, “ပှၤတဂၤန့ၣ်သံကွၢ်ဝံၤသံကွၢ်က့ၤပှၤ ဒီးပဒူၣ်ဖိထၢဖိအဂ့ၢ်လီၤ. မ့ၢ်သုပၢ်အိၣ်မူဝဲဒံးဧါ. မ့ၢ်သုအိၣ်ဒီးသုဒီပုၢ်ဝဲၢ် ခွါအဂၤတဂၤဧါ. ပဘၣ်စံးဆၢအတၢ်သံကွၢ်တဖၣ်လီၤ. အဝဲကမၢပဟဲကိးပဒီပုၢ်ဝဲၢ်ခွါဒီးပှၤလီၤန့ၣ်ပသ့ၣ်ညါကသ့ဒ်လဲၣ်.”

လံာ်တၢ်ကဲထီၣ်အခီၣ်ထံး 45:3

စီၤယိၤသးစံးဘၣ်အဒီပုၢ်ဝဲၢ်ခွါတဖၣ်, “ယမ့ၢ်စီၤယိၤသးလီၤ. မ့ၢ်ယပၢ်အိၣ်မူဒံးဧါ.” ဘၣ်ဆၣ်တုၤအဒီပုၢ်ဝဲၢ်ခွါတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤ တၢ်ဒိၣ်မးတုၤဒၣ်လဲာ်စံးဆၢက့ၤဝဲတသ့ဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:26

လဲၤချ့ချ့ဆူအအိၣ်ဒီးဃုသ့ၣ်ညါလၢ, မ့ၢ်တၢ်ခဲလၢာ်ဘၣ်လီၢ် ဘၣ်စးလၢအဝဲအဂီၢ်မ့ၢ်ဂ့ၤ, အဝဲအဝၤအဂီၢ်မ့ၢ်ဂ့ၤဒီးအဝဲ အဖိခွါအဂီၢ်မ့ၢ်ဂ့ၤကစီဒီဧါ. ဒီးပိာ်မုၣ်န့ၣ်တဲဘၣ်စီၤက့ၤဃစံလၢတၢ်ခဲလၢာ်ဘၣ်လီၢ်ဘၣ်စး ကစီဒီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:10

လၢတၢ်န့ၣ်အဃိအဝဲဆှၢလီၤအဖိခွါစီၤဟဒိရၣ်လၢကလဲၤဆၢဂ့ၤ ဆၢဝါဒီးကတိၤဒိၣ်စီၤပၤဒၤဝံးလၢအတၢ်မၤနၢၤကွံာ်စီၤဟး ဒၢ်ဧ့စ့ၢ်အဃိန့ၣ်လီၤ. စီၤပၤတိဧူၤဒုးတ့ၢ်စီၤဟးဒၢ်ဧ့စ့ၢ်အါဘျီန့ၣ်လီၤ. စီၤဟဒိရၣ်ဟဲစိာ်န့ၢ်စီၤပၤဒၤဝံးလၢတၢ်ဟ့ၣ်ကနၢၤတဖၣ်လၢ အဘၣ်တၢ်မၤအီၤလၢထူစ့ဒီးတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 18:7

လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:15

မၤသးဒ်န့ၣ်ဒီး, အဝဲသ့ၣ်လဲၤနုာ်ဆူစီၤမံၤကါအဟံၣ်ပူၤ ဖဲပှၤလ့ၤဝံသးစၢ်တဂၤအိၣ်ဝဲဒီးသံကွၢ်ဝဲမ့ၢ်အအိၣ်မူဒ်လဲၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:22

စီၤဒၤဝံးပာ်တ့ၢ်တၢ်အီၣ်တၢ်အီတဖၣ်လၢသုးခိၣ်ဘၣ်မူဘၣ်ဒါလၢ အဆှၢထီၣ်တၢ်အီၣ်တၢ်အီတဖၣ်အအိၣ်ဒီး လဲၤဃ့ၢ်ဝဲဆူတၢ်ဒုးတၢ်ယၤအလီၢ်, လဲၤဆူအဝဲၢ်တဖၣ်အအိၣ်, ဒီးသံကွၢ်အဝဲသ့ၣ် မ့ၢ်အအိၣ်မၤသးဒ်လဲၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:5

မၤသးဒ်န့ၣ်ဒီးအဝဲဆှၢလီၤပှၤသးစၢ်အဂၤတဆံဃုာ်ဒီးတၢ်ကလုၢ် လၢကလဲၤဆူဝ့ၢ်ကၤမ့လး, ဒီးဃုထံၣ်စီၤနၤဘလးဒီးတဲဘၣ်အီၤလၢအဝဲအတၢ်ဆၢဂ့ၤဆၢဝါ န့ၣ်လီၤ.