လံာ်တၢ်ကဲထီၣ်အခီၣ်ထံး 43:25 - Sgaw Karen Common Bible

²⁵ အဝဲသ့ၣ်ကတဲာ်ကတီၤထီၣ်အတၢ်ဟ့ၣ်တဖၣ်လၢကဟ့ၣ်စီၤယိၤသး, ဖဲအဝဲဟဲက့ၤတုၤလၢမုၢ်ထူၣ်အကတီၢ်, မ့ၢ်လၢအဝဲသ့ၣ်ဘၣ်တၢ်တဲ ဘၣ်တ့ၢ်အီၤလၢအဝဲသ့ၣ်ကဘၣ်အီၣ်တၢ်ဒီးအီၤအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 43:25 Iomraidhean Croise

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

လံာ်တၢ်ကဲထီၣ်အခီၣ်ထံး 43:15

ဒီးပှၤဒီပုၢ်ဝဲၢ်ခွါသ့ၣ်တဖၣ်စိာ်ထီၣ်တၢ်ဟ့ၣ်သ့ၣ်တဖၣ်ဒီးစ့ လၢအဘၣ်တၢ်ဟ့ၣ်ကဒါက့ၤအီၤခံစးဒီးဟးထီၣ်လဲၤဆူကီၢ်အဲၤကူ ပတူးဃုာ်ဒီးစီၤဘံၣ်ယၤမံၣ်န့ၣ်လီၤ. ဒီးဖဲန့ၣ်အဝဲသ့ၣ်ပာ်ဖျါအသးလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:16

ဖဲစီၤယိၤသးထံၣ်ဘၣ်စီၤဘံၣ်ယၤမံၣ်ဟဲဃုာ်ဒီးအဝဲသ့ၣ်န့ၣ် စံးဘၣ်အဟံၣ်အခ့အပှၤတဖၣ်အခိၣ်တဂၤ, “လဲၤကိးပှၤသ့ၣ်တဖၣ်အံၤဆူယဟံၣ်တက့ၢ်. အဝဲသ့ၣ်ကအီၣ်မုၢ်ထူၣ်အတၢ်အီၣ်ဒီးယၤန့ၣ်လီၤ. အဃိမၤသံဆၣ်ဖိကီၢ်ဖိတဒုဒီးကတဲာ်ကတီၤအီၤတက့ၢ်.”