လံာ်တၢ်ကဲထီၣ်အခီၣ်ထံး 43:23 - Sgaw Karen Common Bible

²³ တၢ်ခ့တၢ်ပှၤစံးဘၣ်အီၤ, “ဘၣ်ယိၣ်တၢ်တဂ့ၤ, ပျံၤတၢ်တဂ့ၤ. သုကစၢ်ယွၤ, သုပၢ်အကစၢ်ယွၤကတ့ၢ်နုာ်က့ၤစ့လၢသုထၢၣ်တဖၣ် အပူၤလၢသုဂီၢ်န့ၣ်လီၤ. ယဒိးန့ၢ်ဘၣ်သုတၢ်ဟ့ၣ်ကဒါက့ၤလံ.” ဒီးဟဲက့ၤကိးစီၤစူၤမ့းအိၣ်ဆူအဝဲသ့ၣ်အအိၣ်လီၤ.

လံာ်တၢ်ကဲထီၣ်အခီၣ်ထံး 43:23 Iomraidhean Croise

လံာ်တၢ်ကဲထီၣ်အခီၣ်ထံး 42:24

စီၤယိၤသးဟးထီၣ်ကွံာ်လၢအဝဲသ့ၣ်အအိၣ်ဒီးစးထီၣ်ဟီၣ်ဝဲဒၣ် လီၤ. တုၤအဝဲကတိၤထီၣ်ဖျဲးက့ၤတၢ်သ့န့ၣ်, အဝဲဟဲက့ၤကဒါက့ၤဒီး လၢအဝဲသ့ၣ်အကျါဟံးန့ၢ်စီၤစူၤမ့းအိၣ်, ဒီးမၢပှၤစၢဃာ်အီၤလၢအဝဲသ့ၣ်အမဲာ်ညါလီၤ.

လံာ်တၢ်ကဲထီၣ်အခီၣ်ထံး 42:28

အဝဲကိးထီၣ်အဒီပုၢ်ဝဲၢ်ခွါတဖၣ်ဒီးစံးဝဲ, “ယစ့ဘၣ်တၢ်ဟ့ၣ်ကဒါက့ၤယၤလံ. အိၣ်ဖဲအံၤလၢယထၢၣ်ပူၤ လီၤ.” အဝဲသ့ၣ်အသးလီၤဘှါဒီးလၢတၢ်ပျံၤတၢ်ဖုးအဝဲသ့ၣ်သံကွၢ်လိာ် အသးတဂၤဒီးတဂၤ, “ကစၢ်ယွၤမၤပှၤဒ်လဲၣ်.”

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 43:22

ပဟဲစိာ်အါထီၣ်စ့ၢ်ကီးစ့တနီၤလၢပသိးလၢပကပှ့ၤအါထီၣ်တၢ် အီၣ်တၢ်အီအဂီၢ်န့ၣ်လီၤ. မ့ၢ်မတၤဒၢနုာ်ကဒါက့ၤပစ့လၢပထၢၣ်တဖၣ်အပူၤလဲၣ်န့ၣ်ပတသ့ၣ်ညါ ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 12:18

ကစၢ်ယွၤအသးဟဲလီၤဘၣ်လၢပှၤလၢအဝဲသ့ၣ်အကျါတဂၤ, စီၤဧၤမၤစဲအလိၤလီၤ. ပှၤအံၤလၢခံကဲထီၣ်ပှၤသၢဆံအသုး ခိၣ်, ဒီးအဝဲဒၣ်ကိးထီၣ်ဝဲ, “စီၤယံးၡဲအဖိခွါစီၤဒၤဝံးဧၢ, ပမ့ၢ်နပှၤတဖၣ်လီၤ. မ်နၤဒီးပှၤလၢအမၤစၢၤနၤတဖၣ်မၤန့ၢ်မၤနၢၤတၢ်တက့ၢ်. ကစၢ်ယွၤအိၣ်လၢနအိၣ်တခီလီၤ.” စီၤဒၤဝံးတူၢ်လိာ်မုာ်အဝဲသ့ၣ်ဒီးဒုးကဲထီၣ်အဝဲသ့ၣ်လၢသုး ခိၣ်တဖၣ်လၢအသုးမုၢ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:19

ပှၤသုးဖိတနီၤလၢမနၤၡ့ၤအဒူၣ်ပူၤလဲၤနုာ်ပာ်ဖှိၣ်အသးဆူ စီၤဒၤဝံးအအိၣ်တခီဖဲအဝဲလဲၤထီၣ်သကိးဒီးပှၤဖလ့ၡသးဖိ တဖၣ်လၢကဒုးစီၤပၤစီၤစီလူးအဂီၢ်န့ၣ်လီၤ. နီၢ်နီၢ်တခီအဝဲတမၤစၢၤပှၤဖလ့ၡသးဖိတဖၣ်န့ၣ်ဘၣ်. အဂ့ၢ်ဒ်အံၤ, အဝဲသ့ၣ်အစီၤပၤတဖၣ်ပျံၤတၢ်လၢအဝဲကဟ့ၣ်လီၤဘၣ် ဖုးအဝဲသ့ၣ်ဆူစီၤစီလူးလၢအမ့ၢ်အဝဲအကစၢ်လၢညါအစုပူၤန့ၣ်လီၤ. လၢတၢ်န့ၣ်အဃိအဝဲသ့ၣ်ဆှၢကဒါက့ၤအီၤဆူဝ့ၢ်စံကလးန့ၣ်လီၤ.

လံာ်စီၤဧ့စြၤ 4:17

စီၤပၤဖးဒိၣ်ဆှၢလီၤကဒါက့ၤတၢ်စံးဆၢအံၤလီၤ. “ယဆှၢလီၤယတၢ်ဆၢဂ့ၤဆၢဝါဆူပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ဒီးအပှၤမၤသဃဲၤတၢ်တဖၣ်လၢ အအိၣ်လၢကီၢ်ၡၤမရံဒီးတၢ်လီၢ်အိၣ်လီၤတဲာ်လၢကီၢ်ဖရၤသးအမုၢ် နုာ်န့ၣ်လီၤ.

လံာ်လူၤကၣ် 10:5

တဘျီလၢ်လၢ်ဖဲသုလဲၤနုာ်လီၤဆူဟံၣ်တဖျၢၣ်အပူၤန့ၣ်, စံးဆိသုဝဲ, ‘မ်တၢ်ဃူတၢ်ဖိးအိၣ်လၢဟံၣ်တဖျၢၣ်အံၤအပူၤတက့ၢ်.’

လံာ်လူၤကၣ် 24:36

ဖဲပှၤခံဂၤစံးဘၣ်တဲဘၣ်အဝဲသ့ၣ်လၢတၢ်တမံၤအံၤအဂ့ၢ်န့ၣ်, သတူၢ်ကလာ်, ကစၢ်အနီၢ်ကစၢ်ဒၣ်ဝဲအိၣ်ဆၢထၢၣ်လၢအဝဲသ့ၣ် အသိးအကျါ, ဒီးစံးဘၣ်အဝဲသ့ၣ်, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ပှၤစံၣ်ညီၣ်ကွီၢ် 19:20

ပှၤသးပှၢ်န့ၣ်စံး, “ယတူၢ်လိာ်မုာ်သုလၢယဟံၣ်လီၤ. ယကအံးထွဲကွၢ်ထွဲသုလီၤ. တနၤအံၤသုမံလၢဝ့ၢ်ကျဲစၢၤအလီၢ်တအိၣ်ဘၣ်.”

လံာ်ပှၤစံၣ်ညီၣ်ကွီၢ် 6:23

ဘၣ်ဆၣ်ဒီးယွၤစံးဘၣ်အီၤ, “မ်တၢ်ဃူတၢ်ဖိးအိၣ်ဒီးနၤတက့ၢ်. ပျံၤတၢ်တဂ့ၤ. နတသံဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 25:6

အဝဲမၤလိာ်ပှၤသးစၢ်တဖၣ်လၢကတဲဘၣ်စီၤနၤဘလး, “ယတံၤသကိးဧၢ, စီၤဒၤဝံးဆှၢလီၤန့ၢ်နၤတၢ်ဆၢဂ့ၤဆၢဝါတ ဖၣ်, အိၣ်ဒီးအတၢ်ဆၢဂ့ၤဆၢဝါအဂ့ၤကတၢၢ်တဖၣ်လၢနဂီၢ်, နဟံၣ်ဖိဃီဖိအဂီၢ်ဒီးကယဲၢ်ပှၤဘၣ်ဃးဒီးနၤခဲလၢာ်အဂီၢ်လီၤ.