လံာ်တၢ်ကဲထီၣ်အခီၣ်ထံး 43:21 - Sgaw Karen Common Bible

²¹ ဖဲပက့ၤဆူဟံၣ်လၢကျဲ, ဖဲပသူၣ်ဒဲအိၣ်ဘှံးအလီၢ်န့ၣ်ပအိးထီၣ် ပထၢၣ်တဖၣ်, ဒီးပဝဲတဂၤဘၣ်တဂၤစုာ်စုာ်ပထံၣ်ပစ့ကိးဘ့ၣ်ဒဲးလၢပထၢၣ်အခိၣ် ထိးန့ၣ်လီၤ. ဒီးပဟဲစိာ်ကဒါက့ၤစ့အံၤဆူနအိၣ်လီၤ.

လံာ်တၢ်ကဲထီၣ်အခီၣ်ထံး 43:21 Iomraidhean Croise

လံာ်တၢ်ကဲထီၣ်အခီၣ်ထံး 43:12

ဟံးန့ၢ်စ့ၢ်ကီးစ့ခံစး, မ့ၢ်လၢသုကဘၣ်က့ၤစိာ်က့ၤစ့လၢ အဘၣ်တၢ်ဟ့ၣ်ကဒါက့ၤသုလၢသုထၢၣ်တဖၣ်အဖီခိၣ်အဃိလီၤ. ဘၣ်သ့ၣ်သ့ၣ်တၢ်န့ၣ်ကမ့ၢ်တၢ်ကမူၤကမၣ်တမံၤလီၤ.

လံာ်တၢ်ကဲထီၣ်အခီၣ်ထံး 43:15

ဒီးပှၤဒီပုၢ်ဝဲၢ်ခွါသ့ၣ်တဖၣ်စိာ်ထီၣ်တၢ်ဟ့ၣ်သ့ၣ်တဖၣ်ဒီးစ့ လၢအဘၣ်တၢ်ဟ့ၣ်ကဒါက့ၤအီၤခံစးဒီးဟးထီၣ်လဲၤဆူကီၢ်အဲၤကူ ပတူးဃုာ်ဒီးစီၤဘံၣ်ယၤမံၣ်န့ၣ်လီၤ. ဒီးဖဲန့ၣ်အဝဲသ့ၣ်ပာ်ဖျါအသးလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:20

“ကစၢ်ဧၢ, လၢနတၢ်ပျဲပှၤအဃိ, ပဟဲတ့ၢ်လၢညါတဘျီ ဒ်သိးပကပှ့ၤတၢ်အီၣ်တၢ်အီလီၤ.

လံာ်တၢ်ကဲထီၣ်အခီၣ်ထံး 43:22

ပဟဲစိာ်အါထီၣ်စ့ၢ်ကီးစ့တနီၤလၢပသိးလၢပကပှ့ၤအါထီၣ်တၢ် အီၣ်တၢ်အီအဂီၢ်န့ၣ်လီၤ. မ့ၢ်မတၤဒၢနုာ်ကဒါက့ၤပစ့လၢပထၢၣ်တဖၣ်အပူၤလဲၣ်န့ၣ်ပတသ့ၣ်ညါ ဘၣ်.”

လံာ်တၢ်ကဲထီၣ်အခီၣ်ထံး 44:8

နသ့ၣ်ညါလၢပဟဲက့ၤစိာ်ကဒါက့ၤစ့လၢကီၢ်ကနၤဧၣ်, လၢပထံၣ်ဘၣ်လၢပထၢၣ်တဖၣ်အခိၣ်ထိးဆူနအိၣ်န့ၣ်လီၤ. လၢတၢ်န့ၣ်အဃိ, ပကဘၣ်ဟုၣ်န့ၢ်စ့မ့ၢ်ဂ့ၤ, ထူမ့ၢ်ဂ့ၤလၢနကစၢ်အဟံၣ်န့ၣ်ဘၣ်မနုၤလဲၣ်.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 13:8

သုတအိၣ်ဒီးဒ့ၣ်ကမၢ်လၢပှၤနီတဂၤတဂ့ၤ. မ့မ့ၢ်တၢ်လၢသုကဘၣ်မၤန့ၣ်အိၣ်ထဲတမံၤဧိၤဒီး အန့ၣ်မ့ၢ်သုကဘၣ်အဲၣ်လိာ်ကွံလိာ်သုသးတဂၤဒီး တဂၤန့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ် ဒိကနၣ်လံစီၤမိၤၡ့အတၢ်သိၣ်တၢ်သီလံ.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.