လံာ်တၢ်ကဲထီၣ်အခီၣ်ထံး 43:15 - Sgaw Karen Common Bible

¹⁵ ဒီးပှၤဒီပုၢ်ဝဲၢ်ခွါသ့ၣ်တဖၣ်စိာ်ထီၣ်တၢ်ဟ့ၣ်သ့ၣ်တဖၣ်ဒီးစ့ လၢအဘၣ်တၢ်ဟ့ၣ်ကဒါက့ၤအီၤခံစးဒီးဟးထီၣ်လဲၤဆူကီၢ်အဲၤကူ ပတူးဃုာ်ဒီးစီၤဘံၣ်ယၤမံၣ်န့ၣ်လီၤ. ဒီးဖဲန့ၣ်အဝဲသ့ၣ်ပာ်ဖျါအသးလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:15 Iomraidhean Croise

လံာ်တၢ်ကဲထီၣ်အခီၣ်ထံး 42:35

ဒီးတုၤအဝဲသ့ၣ်မၤအိၣ်ကလီအထၢၣ်တဖၣ်န့ၣ်, အဝဲသ့ၣ်ကိးဂၤဒဲးထံၣ်ဘၣ်အစ့ထၢၣ်, ဒီးဖဲအထံၣ်အစ့န့ၣ်အဝဲ သ့ၣ်ဒီးအပၢ်စီၤယၤကိာ်ပျံၤတၢ်ဖုးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

လံာ်တၢ်ကဲထီၣ်အခီၣ်ထံး 43:21

ဖဲပက့ၤဆူဟံၣ်လၢကျဲ, ဖဲပသူၣ်ဒဲအိၣ်ဘှံးအလီၢ်န့ၣ်ပအိးထီၣ် ပထၢၣ်တဖၣ်, ဒီးပဝဲတဂၤဘၣ်တဂၤစုာ်စုာ်ပထံၣ်ပစ့ကိးဘ့ၣ်ဒဲးလၢပထၢၣ်အခိၣ် ထိးန့ၣ်လီၤ. ဒီးပဟဲစိာ်ကဒါက့ၤစ့အံၤဆူနအိၣ်လီၤ.

လံာ်တၢ်ကဲထီၣ်အခီၣ်ထံး 43:25

အဝဲသ့ၣ်ကတဲာ်ကတီၤထီၣ်အတၢ်ဟ့ၣ်တဖၣ်လၢကဟ့ၣ်စီၤယိၤသး, ဖဲအဝဲဟဲက့ၤတုၤလၢမုၢ်ထူၣ်အကတီၢ်, မ့ၢ်လၢအဝဲသ့ၣ်ဘၣ်တၢ်တဲ ဘၣ်တ့ၢ်အီၤလၢအဝဲသ့ၣ်ကဘၣ်အီၣ်တၢ်ဒီးအီၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:7

ပှၤအံၣ်စရ့လးဖိအသုးဖိတဂၤလၢအမံၤမ့ၢ်ဝဲစီၤစံးကရံး, မၤသံကွံာ်စီၤပၤအၤဃးအဖိခွါစီၤမၤစ့ယၤ, ဒီးပှၤကွၢ်ထွဲ ပၢဆှၢတၢ်လၢနီပူၤစီၤဧးစရံကၣ်, ဒီးပှၤခံဂၤတဂၤလၢအပၢ ဘၣ်ထံကီၢ်လၢစီၤပၤအဖီလာ်စီၤအ့လကါနၤန့ၣ်လီၤ.

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.