လံာ်တၢ်ကဲထီၣ်အခီၣ်ထံး 43:12 - Sgaw Karen Common Bible

¹² ဟံးန့ၢ်စ့ၢ်ကီးစ့ခံစး, မ့ၢ်လၢသုကဘၣ်က့ၤစိာ်က့ၤစ့လၢ အဘၣ်တၢ်ဟ့ၣ်ကဒါက့ၤသုလၢသုထၢၣ်တဖၣ်အဖီခိၣ်အဃိလီၤ. ဘၣ်သ့ၣ်သ့ၣ်တၢ်န့ၣ်ကမ့ၢ်တၢ်ကမူၤကမၣ်တမံၤလီၤ.

လံာ်တၢ်ကဲထီၣ်အခီၣ်ထံး 43:12 Iomraidhean Croise

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 42:35

ဒီးတုၤအဝဲသ့ၣ်မၤအိၣ်ကလီအထၢၣ်တဖၣ်န့ၣ်, အဝဲသ့ၣ်ကိးဂၤဒဲးထံၣ်ဘၣ်အစ့ထၢၣ်, ဒီးဖဲအထံၣ်အစ့န့ၣ်အဝဲ သ့ၣ်ဒီးအပၢ်စီၤယၤကိာ်ပျံၤတၢ်ဖုးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:13

လဲၤကိးသုဒီပုၢ်ဝဲၢ်ခွါဒီးဟဲက့ၤကဒါက့ၤတဘျီဃီတက့ၢ်.

လံာ်တၢ်ကဲထီၣ်အခီၣ်ထံး 43:21

ဖဲပက့ၤဆူဟံၣ်လၢကျဲ, ဖဲပသူၣ်ဒဲအိၣ်ဘှံးအလီၢ်န့ၣ်ပအိးထီၣ် ပထၢၣ်တဖၣ်, ဒီးပဝဲတဂၤဘၣ်တဂၤစုာ်စုာ်ပထံၣ်ပစ့ကိးဘ့ၣ်ဒဲးလၢပထၢၣ်အခိၣ် ထိးန့ၣ်လီၤ. ဒီးပဟဲစိာ်ကဒါက့ၤစ့အံၤဆူနအိၣ်လီၤ.

လံာ်တၢ်ကဲထီၣ်အခီၣ်ထံး 43:22

ပဟဲစိာ်အါထီၣ်စ့ၢ်ကီးစ့တနီၤလၢပသိးလၢပကပှ့ၤအါထီၣ်တၢ် အီၣ်တၢ်အီအဂီၢ်န့ၣ်လီၤ. မ့ၢ်မတၤဒၢနုာ်ကဒါက့ၤပစ့လၢပထၢၣ်တဖၣ်အပူၤလဲၣ်န့ၣ်ပတသ့ၣ်ညါ ဘၣ်.”

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 13:8

သုတအိၣ်ဒီးဒ့ၣ်ကမၢ်လၢပှၤနီတဂၤတဂ့ၤ. မ့မ့ၢ်တၢ်လၢသုကဘၣ်မၤန့ၣ်အိၣ်ထဲတမံၤဧိၤဒီး အန့ၣ်မ့ၢ်သုကဘၣ်အဲၣ်လိာ်ကွံလိာ်သုသးတဂၤဒီး တဂၤန့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ် ဒိကနၣ်လံစီၤမိၤၡ့အတၢ်သိၣ်တၢ်သီလံ.

၂ ကရံၣ်သူး 8:21

ပတၢ်တိာ်ပာ်ကွၢ်စိမ့ၢ်ဝဲ, ပကမၤတၢ်လၢအကြၢးဝဲဘၣ်ဝဲ, တမ့ၢ်ထဲလၢကစၢ်ယွၤအမဲာ်ညါဘၣ်. မ့မ့ၢ်လၢပှၤကညီ အမဲာ်ညါစ့ၢ်ကီးန့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ သ့းစၤလနံ 5:21

တၢ်ခဲလၢာ်န့ၣ်, မ့ၢ်အတီတတီထိၣ်တဲာ်မၤကွၢ်အီၤတက့ၢ်. ဟံးဃာ်တၢ်လၢအဂ့ၤတဖၣ်,

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.