လံာ်တၢ်ကဲထီၣ်အခီၣ်ထံး 43:11 - Sgaw Karen Common Bible

¹¹ အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

လံာ်တၢ်ကဲထီၣ်အခီၣ်ထံး 43:11 Iomraidhean Croise

လံာ်တၢ်ကဲထီၣ်အခီၣ်ထံး 33:10

စီၤယၤကိာ်စံးဝဲ, “တမ့ၢ်ဘၣ်. နမ့ၢ်သးကညီၤကွၢ်မဲာ်ယၤဒီး ဝံသးစူၤတူၢ်လိာ်ယတၢ်ဟ့ၣ်တက့ၢ်. တၢ်ထံၣ်ဘၣ်နမဲာ်ဒ်လၢအခဲအံၤဖျါပှဲၤဒီးတၢ်သးကညီၤကွၢ်မဲာ် န့ၣ်, လၢယဂီၢ်လီၤဂာ်ဒ်တၢ်ထံၣ်ဘၣ်ကစၢ်ယွၤအမဲာ်အသိးလီၤ.

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်တၢ်ကဲထီၣ်အခီၣ်ထံး 43:10

ပမ့ၢ်တသုးဆၢသုးကတီၢ်ယံာ်ယံာ်ထဲအံၤဘၣ်ဒီး, ပလဲၤကတုၤတ့ၢ်ဖဲန့ၣ်ဒီးခဲအံၤပဟဲက့ၤကဒါက့ၤကတုၤခံဘျီ လံလီၤ.”

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 43:15

ဒီးပှၤဒီပုၢ်ဝဲၢ်ခွါသ့ၣ်တဖၣ်စိာ်ထီၣ်တၢ်ဟ့ၣ်သ့ၣ်တဖၣ်ဒီးစ့ လၢအဘၣ်တၢ်ဟ့ၣ်ကဒါက့ၤအီၤခံစးဒီးဟးထီၣ်လဲၤဆူကီၢ်အဲၤကူ ပတူးဃုာ်ဒီးစီၤဘံၣ်ယၤမံၣ်န့ၣ်လီၤ. ဒီးဖဲန့ၣ်အဝဲသ့ၣ်ပာ်ဖျါအသးလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:25

အဝဲသ့ၣ်ကတဲာ်ကတီၤထီၣ်အတၢ်ဟ့ၣ်တဖၣ်လၢကဟ့ၣ်စီၤယိၤသး, ဖဲအဝဲဟဲက့ၤတုၤလၢမုၢ်ထူၣ်အကတီၢ်, မ့ၢ်လၢအဝဲသ့ၣ်ဘၣ်တၢ်တဲ ဘၣ်တ့ၢ်အီၤလၢအဝဲသ့ၣ်ကဘၣ်အီၣ်တၢ်ဒီးအီၤအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 43:26

ဖဲစီၤယိၤသးဟဲက့ၤတုၤဆူဟံၣ်န့ၣ်, အဝဲသ့ၣ်လဲၤစိာ်တၢ်ဟ့ၣ် တဖၣ်ဆူဟံၣ်ပူၤဆူအအိၣ်ဒီးဆုးလီၤအခိၣ်တုၤလၢဟီၣ်ခိၣ်လိၤ လၢအမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:15

လၢတၢ်ခိတၢ်သွဲတဖၣ်လၢအဘၣ်တၢ်ဟ့ၣ်အီၤလၢပှၤကူၣ်တၢ်ကၤတၢ်တ ဖၣ်, လၢတၢ်မၤကူၣ်မၤကၤအတၢ်အါထီၣ်တဖၣ်ဒီးတၢ်ခိတၢ်သွဲတဖၣ်လၢ အဘၣ်တၢ်ဟ့ၣ်အီၤလၢပှၤဧ့ရ့းဖိအစီၤပၤတဖၣ်ဒီးပှၤအံၣ်စရ့လး ဖိအလီၢ်ကဝီၤတဖၣ်အပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:19

တၢ်ကစီၣ်မ့ၢ်ဝဲ, “မ်ပဒီသိၣ်ဒီမှံၤလိာ်ပသးဒ်ပပၢ်သ့ၣ်တဖၣ် အသိးန့ၣ်တက့ၢ်. စ့ဒီးထူတဖၣ်အံၤမ့ၢ်တၢ်ဟ့ၣ်ကနၢၤလၢနဂီၢ်န့ၣ်လီၤ. ခဲကနံၣ်အံၤမၤဟးဂီၤကွံာ်နတၢ်ဒီသိၣ်ဒီမှံၤဒီးကီၢ်အံၣ်စရ့လး အစီၤပၤဘါၡၤ, ဒ်သိးအဝဲကဘၣ်ထုးက့ၤအသုးဖိတဖၣ်လၢယတၢ်လီၢ်ကဝီၤအပူၤန့ၣ် တက့ၢ်.”

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:8

စီၤအၤဃာ်ဟံးထီၣ်စ့ဒီးထူလၢယွၤအတၢ်လုၢ်ဟံၣ်ဒီးနူၢ်ဧိၤ စီၤဧိၤအတၢ်ပာ်ဖှိၣ်လီၢ်အပူၤဒီးဆှၢလီၤအီၤဆူစီၤပၤဖး ဒိၣ်အအိၣ်ဒ်တၢ်ဟ့ၣ်ကနၢၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:12

ဖဲတၢ်ဆၢကတီၢ်တကတီၢ်ဃီအံၤန့ၣ်စီၤဘၤလဒၣ်အဖိခွါကီၢ်ဘၤဘူၤ လိၣ်အစီၤပၤစီၤမရိဒးဘၤလဒၣ်နၢ်ဟူဘၣ်လၢစီၤပၤဃံးစကံယၤ ဆါထီၣ်ဝဲအဃိ, အဝဲဆှၢလီၤန့ၢ်အီၤလံာ်ပရၢတဘ့ၣ်ဒီးတၢ်ဟ့ၣ်ကနၢၤတခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:8

စီၤပၤစံးဘၣ်စီၤဃစ့လးလၢအမ့ၢ်အဝဲအပဒိၣ်အကျါတဂၤဒ်အံၤ, “လဲၤစိာ်တၢ်ဟ့ၣ်တမံၤဆူဝံအအိၣ်, ဒီးမၢအသံကွၢ်ယွၤလၢတၢ် ကသ့ၣ်ညါဘၣ်လၢယကဘျါက့ၤဧါမ့တမ့ၢ်တဘျါက့ၤဘၣ်လဲၣ်အဂ့ၢ်န့ၣ် တက့ၢ်.”

စံးထီၣ်ပတြၢၤ 68:29

လၢနတၢ်လုၢ်ဟံၣ်လၢယရူၤၡလ့ၣ်အပူၤ, ဖဲစီၤပၤတဖၣ်ဟဲစိာ်တၢ်ဟ့ၣ်တဖၣ်ဆူ နအိၣ်န့ၣ်တက့ၢ်.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 76:11

ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

တၢ်ကတိၤဒိ. 17:18

ထဲဒၣ်ပှၤလၢအသးတဆးတဂၤဧိၤကအၢၣ်လီၤအီၤလီၤလၢကဟံးန့ၢ်မူ ဒါလၢပှၤအဂၤတဂၤအဒ့ၣ်ကမၣ်တဖၣ်အဂီၢ်လီၤ.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

တၢ်ကတိၤဒိ. 21:14

ပှၤတဂၤဂၤမ့ၢ်သးဒိၣ်ဘၣ်နၤဒီး, တၢ်ဟ့ၣ်ဖိတမံၤလၢတၢ်ခူသူၣ် အပူၤန့ၣ်, ကမၤသးခုၣ်လီၤအသးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:10

နတၢ်အဲၣ်န့ၣ်ဒုးသးခုယၤ, ယတၢ်အဲၣ်ဒီးယတလးမူးပိာ်မုၣ်ဧၢ. နတၢ်အဲၣ်န့ၣ်ဂ့ၤန့ၢ်စပံးထံ, နထံနၢမူတဖၣ်နၢမူဒိၣ်န့ၢ်ဒံးတၢ်နၢမူအဂၤတဖၣ်တက့ၢ်န့ၣ် လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:14

ဖဲန့ၣ်, တၢ်နၢမူအကလုာ်ကလုာ်ဒ်, သ့ၣ်ဂီၤစုမ့ၣ်ဒီးသ့ၣ်နၢ်ဒး, သ့ၣ်နၢ်ဒးဒီးသ့ၣ်ကၢ်ကိၣ်, သ့ၣ်လီၢ်ဟ့ၣ်ဒီးသ့ၣ်ကဒါရါမ့တမ့ၢ် သ့ၣ်နၢမူအထူၣ်အဂၤတဖၣ်အိၣ်ဝဲလီၤ. မူရၣ်ဒီးအကၠီၣ်မဲထီၣ်ဝဲဒၣ်ဖဲန့ၣ်, အိၣ်ဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်ယဃ့းစက့လး 27:15

ပှၤဂီၢ်မုၢ်လၢ ကီၢ်ဒံဒၣ်မၤတၢ်ပနံၣ်တၢ်ကၤဒီးနၤ, ပှၤဂီၢ်မုၢ်လၢ ပီၣ်လဲၣ်နံၤထံကီၢ်အါဘ့ၣ် ဟ့ၣ်လီၤနၤကဆီမဲဒီးသ့ၣ်သီလမူာ်လၢ ကလဲလိာ်ဝဲဒီး နတၢ်ဖိတၢ်လံၤတဖၣ်အဂီၢ်န့ၣ်လီၤ.

လံာ်ယဃ့းစက့လး 27:17

ကီၢ်ယူဒၤဒီးကီၢ်အံၣ်စရ့လးတဖၣ် ဟ့ၣ်နၤတၢ်အပှ့ၤလၢဘုကၠူၣ်, ကနဲစီ, သ့ၣ်စၤယံးအသိဒီးတၢ်နၢမူတဖၣ်လၢတၢ်ဖိတၢ်လံၤတဖၣ် လၢနဆါအီၤအဂီၢ်န့ၣ်လီၤ.

လံာ်ယဃ့းစက့လး 27:22

လၢနတၢ်ဖိတၢ်လံၤတဖၣ်အဂီၢ်န့ၣ်, ပှၤကၤတၢ်ဖိလၢကီၢ်ၡဘၤ ဒီးကီၢ်ရၤဧမၤတဖၣ် လဲလိာ်ဝဲဒီးတၢ်မျၢ်ပလဲတဖၣ်, ထူဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

မၤတၢ် 21:14

ပတဲအီၤတန့ၢ်ဘၣ်အဃိ, ပဆိကတီၢ်ပတၢ်ဃ့ကညးဒီးစံး, “မ်ကစၢ်အတၢ်ဘၣ်အသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

လံာ်သိၣ်လီၤသီလီၤတၢ် 33:14

မ်အဝဲသ့ၣ်အကီၢ်ကဘၣ်ဆိၣ်ဂ့ၤဝဲဒီးတၤသၣ်တဖၣ်လၢမုၢ်ဒုးမံထီၣ်အီၤ, ထူးတီၤဝဲဒီးတၢ်အကတီၢ်တကတီၢ်စုာ်စုာ်အတၤသၣ်အဂ့ၤကတၢၢ်တဖၣ် န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 9:7

စီၤစီလူးသံကွၢ်ဝဲ, “ပမ့ၢ်လဲၤဆူအအိၣ်ဒီး, ပဟ့ၣ်အီၤတၢ်မနုၤကန့ၢ်လဲၣ်. ပထၢၣ်ပူၤတၢ်အီၣ်တၢ်အီတအိၣ်လၢၤဘၣ်. ဒီးတၢ်တအိၣ်ဒီးပှၤနီတမံၤလၢပကဟ့ၣ်အီၤဘၣ်န့ၣ်တမ့ၢ်ဘၣ်ဧါ.”