လံာ်တၢ်ကဲထီၣ်အခီၣ်ထံး 42:9 - Sgaw Karen Common Bible

⁹ အဝဲသ့ၣ်နီၣ်ထီၣ်က့ၤတၢ်မံမီၢ်လၢအမံမီၢ်တ့ၢ်ဝဲဘၣ်ဃး ဒီးအဝဲသ့ၣ်ဒီးစံးဝဲဒၣ်, “သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 42:9 Iomraidhean Croise

လံာ်တၢ်ကဲထီၣ်အခီၣ်ထံး 37:11

စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

လံာ်တၢ်ကဲထီၣ်အခီၣ်ထံး 42:16

ပှၤလၢသုကျါတဂၤကဘၣ်က့ၤဒီးဟဲကိးအီၤန့ၣ်လီၤ. သုဝဲလၢအအိၣ်တ့ၢ်တဖၣ်သုကဘၣ်တၢ်ပၢၤဃာ်သုတုၤလၢတၢ်လၢသု စံးအတၢ်မ့ၢ်တၢ်တီ, ဘၣ်တၢ်မၤကွၢ်အီၤန့ၣ်လီၤ. မ့တမ့ၢ်ဘၣ်ဒ်န့ၣ်ဘၣ်န့ၣ်, ဒ်စီၤပၤမူဝဲအသိးန့ၣ်, သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ.”

လံာ်တၢ်ကဲထီၣ်အခီၣ်ထံး 42:34

ဟဲကိးသုပုၢ်အဆံးကတၢၢ်ဆူယအိၣ်တက့ၢ်. အန့ၣ်ဒီးယကသ့ၣ်ညါလၢသုတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. မ့မ့ၢ်ပှၤအတီအလိၤတဖၣ်န့ၣ်လီၤ. ယကဟ့ၣ်ကဒါက့ၤသုဒီပုၢ်ဝဲၢ်ခွါလၢသုဒီးသုအိၣ်ဖဲအံၤဒီး ကူၣ်တၢ်ကၤတၢ်သ့န့ၣ်လီၤ.’

လံာ်စီၤၡမူၤအ့လးခံဘ့ၣ်တဘ့ၣ် 10:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤလၢကဒုးနဲၣ်ဖျါထီၣ် တၢ်သူၣ်အုးသးအုးဃုာ်ဒီးနၤန့ၣ်မ့ၢ်လၢတၢ်မၤလၤကပီၤနပၢ်အပူၤန့ၣ်ဧါ. တမ့ၢ်ဒ်န့ၣ်ဘၣ်. အဝဲဆှၢလီၤပှၤတဖၣ်န့ၣ်ဖဲအံၤဒ်ပှၤကွၢ်ဟုၣ်ကွၢ်စုးတၢ်တဖၣ်အသိး လၢကဃုသ့ၣ်ညါဝ့ၢ်အဂ့ၢ်ဒ်သိးအဝဲမၤနၢၤ ပှၤကသ့အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 32:35

မၤသးဒ်န့ၣ်ဒီးယွၤဆှၢလီၤတၢ်ဆါတမံၤလၢပှၤဂီၢ်မုၢ်အလိၤမ့ၢ် လၢအမၢဆူၣ်စီၤအၤဟရိၣ်ဒ်သိးကမၤထီၣ်ဂီၤဖံးဖါထူတဒုန့ၣ်အဃိလီၤ.

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 6:23

သတးဒီးအဝဲသ့ၣ်လဲၤဒီးဟဲက့ၤကိးထီၣ်နီၢ်ရၤဃး, အပၢ်ဒီးအမိၢ်, အဒီပုၢ်ဝဲၢ်ပိာ်ခွါတဖၣ်, ဒီးအဒူၣ်ဖိထၢဖိလၢအအိၣ်လီၤတဲာ် တဖၣ်ဃုာ်ဒီးအီၤန့ၣ်လီၤ. အဝဲသ့ၣ်ဟဲက့ၤစိာ်အီၤခဲလၢာ်, ဒူၣ်ဖိထၢဖိဒီးပှၤလၢအဘၣ်ထွဲဒီးအီၤခဲလၢာ်တဖၣ် ဆူတၢ်ဘံၣ်တၢ်ဘၢအလီၢ်ဘူးဒီးအံၣ်စရ့လးသူၣ်ဒဲအလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:24

ဒီးအဝဲသ့ၣ်ထံၣ်ပှၤတဂၤလၢအဟးထီၣ်လၢဝ့ၢ်ပူၤဒီးစံးဘၣ်အီၤ, “ဒုးနဲၣ်ပှၤကျဲလၢပကလဲၤနုာ်ဆူဝ့ၢ်ပူၤတက့ၢ်ဒီးပတမၤဆါ နၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 26:4

အဝဲဆှၢလီၤပှၤကွၢ်ဟုၣ်ကွၢ်စုးတၢ်တဖၣ်ဒီးသ့ၣ်ညါဝဲလၢ စီၤစီလူးအိၣ်ဖဲန့ၣ်သပှၢ်တၢၢ်န့ၣ်လီၤ.