လံာ်တၢ်ကဲထီၣ်အခီၣ်ထံး 42:6 - Sgaw Karen Common Bible

⁶ ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 42:6 Iomraidhean Croise

လံာ်တၢ်ကဲထီၣ်အခီၣ်ထံး 18:2

အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 33:3

စီၤယၤကိာ်လဲၤဆိတၢ်လၢအဝဲသ့ၣ်အမဲာ်ညါဒီးဖဲအဘူးထီၣ်ဒီး အဒီပုၢ်ဝဲၢ်ခွါန့ၣ်အဝဲထိၣ်လီၤပှီၤအသးတုၤလၢဟီၣ်ခိၣ်လိၤ နွံဘျီန့ၣ်လီၤ.

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 41:57

ပှၤဂီၢ်မုၢ်လၢဟီၣ်ခိၣ်ဒီဘ့ၣ်ဟဲဝဲဆူကီၢ်အဲၤကူပတူးလၢ ကပှ့ၤဘုဧိၤဟုဧိၤလၢစီၤယိၤသးအအိၣ်အဂီၢ်န့ၣ်လီၤ. အဂ့ၢ်ဒ်အံၤ, တၢ်သၣ်ဝံၤလီၤဒိအံၤနးဒိၣ်မးလၢတၢ်လီၢ်ကိးပူၤ ဒဲးန့ၣ်လီၤ.

လံာ်တၢ်ကဲထီၣ်အခီၣ်ထံး 44:14

ဖဲစီၤယူဒၤဒီးအဒီပုၢ်ဝဲၢ်ခွါတဖၣ်လဲၤတုၤဆူစီၤယိၤသး အဟံၣ်န့ၣ်စီၤယိၤသးအိၣ်ဒံးလၢဟံၣ်န့ၣ်လီၤ. ဒီးအဝဲသ့ၣ်တီၤလီၤလၢစီၤယိၤသးအမဲာ်ညါ,

လံာ်တၢ်ကဲထီၣ်အခီၣ်ထံး 45:26

အဝဲသ့ၣ်စံးဘၣ်အပၢ်, “စီၤယိၤသးအိၣ်မူဒံးဝဲလီၤ. အဝဲမ့ၢ်ပှၤပၢတၢ်လၢကီၢ်အဲၤကူပတူးဒီဘ့ၣ်အဖီခိၣ်လီၤ.” စီၤယၤကိာ်ကမၢကမၣ်ဒီးအသးလီၤကတုၤဒီးနာ်အဝဲသ့ၣ်တသ့ဘၣ်.

လံာ်တၢ်ကဲထီၣ်အခီၣ်ထံး 45:8

လၢတၢ်န့ၣ်အဃိပှၤလၢအဆှၢယၤဖဲအံၤနီၢ်နီၢ်တမ့ၢ်သုဘၣ်. မ့ၢ်ဒၣ်ကစၢ်ယွၤန့ၣ်လီၤ. အဝဲဒုးကဲထီၣ်တ့ၢ်ယၤလၢစီၤပၤ အပဒိၣ်အဒိၣ်ကတၢၢ်န့ၣ်လီၤ. ယမ့ၢ်ပှၤဘၣ်မူဘၣ်ဒါလၢထံကီၢ်ဒီဘ့ၣ်အဂီၢ်, ဒီးယမ့ၢ်ပှၤပၢဘၣ်ကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 48:12

အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

တၢ်ကတိၤဒိ. 11:26

ပှၤဂီၢ်မုၢ်ဆိၣ်အၢပှၤတဂၤလၢအပာ်ကီၤဘုဧိၤဟုဧိၤဒီးခိးဝဲ လၢတၢ်အပှ့ၤကအါထီၣ်တစုစုအဂီၢ်န့ၣ်လီၤ. မ့မ့ၢ်အဝဲသ့ၣ်စံးထီၣ်ပတြၢၤပှၤတဂၤလၢအထုးထီၣ်ဆါအဘုအဟု န့ၣ်လီၤ.

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:41

ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.