လံာ်တၢ်ကဲထီၣ်အခီၣ်ထံး 42:36 - Sgaw Karen Common Bible

³⁶ အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 42:36 Iomraidhean Croise

လံာ်တၢ်ကဲထီၣ်အခီၣ်ထံး 42:37

စီၤရူၤဘ့ၣ်စံးဘၣ်အပၢ်, “ယမ့ၢ်တဟဲက့ၤကိးကဒါက့ၤဘၣ်စီၤ ဘံၣ်ယၤမံၣ်ဆူနအိၣ်န့ၣ်, နမၤသံယဖိခွါခံဂၤသ့လီၤ. ပာ်အီၤလၢယစုပူၤဒီးယကဟဲက့ၤကိးကဒါက့ၤအီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 44:12

စီၤယိၤသးအခ့အပှၤဃုတၢ်လီၤတံၢ်လီၤဆဲး, စးထီၣ်လၢပှၤသးပှၢ်ကတၢၢ်တဂၤတုၤလၢအသးစၢ်ကတၢၢ်တဂၤ, ဒီးလီခီန့ၣ်ဘၣ်တၢ်ထံၣ်န့ၢ်အီၤလၢစီၤဘံၣ်ယၤမံၣ်အထၢၣ်ပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 45:28

အဝဲစံးဝဲ, “ယဖိခွါစီၤယိၤသးမူဒံးဝဲလီၤ. တၢ်အံၤမ့ၢ်တၢ်လၢယမုၢ်လၢ်အဒိၣ်ကတၢၢ်လီၤ. ယကဘၣ်လဲၤဒီးထံၣ်ဘၣ်အီၤတချုးယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 47:12

စီၤယိၤသးလုၢ်အီၣ်လုၢ်အီအပၢ်, အဒီပုၢ်ဝဲၢ်ခွါတဖၣ်ဒီးကယဲၢ် အပၢ်အဒူၣ်ဖိထၢဖိအဂၤတုၤလၢပှၤအသးစၢ်ကတၢၢ်န့ၣ်လီၤ.

လံာ်စီၤယိၤဘး 7:7

ကစၢ်ယွၤဧၢ, သ့ၣ်နီၣ်ထီၣ်က့ၤလၢယတၢ်အိၣ်မူအံၤမ့ၢ်ဒၣ်ထဲတၢ် သါတဘီဧိၤန့ၣ်တက့ၢ်. ယတၢ်သူၣ်ဖှံသးညီကတၢၢ်ကွံာ်တ့ၢ်လံ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်မးသဲ 14:31

ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”