လံာ်တၢ်ကဲထီၣ်အခီၣ်ထံး 42:22 - Sgaw Karen Common Bible

²² စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ကဲထီၣ်အခီၣ်ထံး 42:22 Iomraidhean Croise

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 42:23

စီၤယိၤသးနၢ်ပၢၢ်တၢ်လၢအဝဲသ့ၣ်စံးတ့ၢ်ဝဲ, ဘၣ်ဆၣ်အဝဲသ့ၣ်တသ့ၣ်ညါဝဲဘၣ်. အဂ့ၢ်ဒ်အံၤ, အဝဲသ့ၣ်ကတိၤတၢ်ဒီးအီၤခီဖျိပှၤကတိၤကျိးထံတၢ်တဂၤန့ၣ် လီၤ.

လံာ်တၢ်ကဲထီၣ်အခီၣ်ထံး 45:3

စီၤယိၤသးစံးဘၣ်အဒီပုၢ်ဝဲၢ်ခွါတဖၣ်, “ယမ့ၢ်စီၤယိၤသးလီၤ. မ့ၢ်ယပၢ်အိၣ်မူဒံးဧါ.” ဘၣ်ဆၣ်တုၤအဒီပုၢ်ဝဲၢ်ခွါတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤ တၢ်ဒိၣ်မးတုၤဒၣ်လဲာ်စံးဆၢက့ၤဝဲတသ့ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:15

လၢအဝဲသ့ၣ်အပၢ်သံဝံၤအလီၢ်ခံန့ၣ်, စီၤယိၤသးအဒီပုၢ်ဝဲၢ် ခွါတဖၣ်စံးဝဲ, “စီၤယိၤသးမ့ၢ်သးဟ့ဒံးပှၤဒီးကူၣ်ကျဲၤဘၣ် ဖုးလၢကဟ့ၣ်ကၣ်ကဒါက့ၤကယဲၢ်တၢ်အၢလၢပမၤဘၣ်တ့ၢ် အီၤတဖၣ်ဒီး, ပကမၤဒ်လဲၣ်.”

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:33

တၢ်စံၣ်ညီၣ်လၢအဝဲသ့ၣ်ဘၣ်တၢ်မၤသံအီၤအဂီၢ်န့ၣ်, ကလီၤဘၣ်ဝဲလၢစီၤယိၤအာ်အလိၤဒီးအစၢၤအသွဲၣ်တဖၣ်အလိၤလီၤ စိၤလီၤထီန့ၣ်လီၤ. မ့မ့ၢ်, ယွၤကဟ့ၣ်တၢ်မၤနၢၤထီဘိဆူစီၤဒၤဝံးအစၢၤအသွဲၣ် တဖၣ်လၢအဆ့ၣ်နီၤလၢအဝဲအလီၢ်ပစိာ်အလိၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 24:22

စီၤပၤသးပ့ၤနီၣ်ကွံာ်စီၤစကၤရယၤအပၢ်စီၤယဟိယဒါအတၢ်သးတီ အတၢ်မၤလၢအဟ့ၣ်တ့ၢ်အီၤ, ဒီးမၢပှၤမၤသံကွံာ်စီၤစကၤရယၤန့ၣ်လီၤ. ဖဲစီၤစကၤရယၤကသံအဆၢန့ၣ်, အဝဲကိးထီၣ်ဝဲ, “မ်ယွၤထံၣ်တၢ်လၢနမၤအီၤဒီးစံၣ်ညီၣ်နၤတ က့ၢ်.”

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

လံာ်ယဃ့းစက့လး 3:18

ယမ့ၢ်စံးလၢ ပှၤအအၢအသီတဂၤန့ၣ် ကသံဝဲလီၤ, ဘၣ်ဆၣ်ဒီး နမ့ၢ် တဟ့ၣ်ပလီၢ်အီၤလၢ ကလဲလိာ်အကျဲတဖၣ် ဒ်သိးအဝဲကအုၣ်က့ၤ ခီၣ်က့ၤအသးသမူဘၣ်န့ၣ်, အဝဲကသံဝဲဒ် အမ့ၢ်ဒံးဒၣ်ပှၤတၢ်ဒဲးဘးဖိ တဂၤအသိးန့ၣ်လီၤ. ဘၣ်ဆၣ်ဒီး, ယကဟံးဃာ်နၤဒ် ပှၤအိၣ်မူအိၣ်ဒါလၢ အဝဲအတၢ်သံအဂီၢ်န့ၣ်လီၤ.

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

ရိမ့ၤ 2:15

အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 19:4

စီၤယိနၤသၣ်စံးပတြၢၤစီၤဒၤဝံးလၢစီၤစီလူးအမဲာ်ညါဒီး စံးဘၣ်အီၤ, “တၢ်ဒိၣ်ဧၢ, မၤကမၣ်နခ့နပှၤစီၤဒၤဝံးတဂ့ၤ. အဝဲတမၤကမၣ်တ့ၢ်နၤနီတမံၤဘၣ်. မ့မ့ၢ်တခီ, ကယဲၢ်တၢ်ကိးမံၤလၢအမၤတ့ၢ်ဝဲန့ၣ်ကဲထီၣ်တၢ်မၤစၢၤဖးဒိၣ်လၢ နဂီၢ်လီၤ.