လံာ်တၢ်ကဲထီၣ်အခီၣ်ထံး 42:21 - Sgaw Karen Common Bible

²¹ ဒီးစံးလိာ်အသးတဂၤဒီးတဂၤ, “မ့ၢ်မး, ခဲအံၤပဘၣ်တၢ်နးတၢ် ဖှီၣ်လၢတၢ်လၢပမၤဘၣ်တ့ၢ်ပဒီပုၢ်ဝဲၢ်ခွါတဂၤအဃိလီၤ. ပထံၣ်တ့ၢ်အဝဲအိၣ်လၢတၢ်ကီတၢ်ခဲဖးဒိၣ်အပူၤဖဲအဝဲဃ့ကညးပှၤ လၢတၢ်မၤစၢၤအဂီၢ်, ဘၣ်ဆၣ်ပတဒိကနၣ်ဘၣ်အီၤဘၣ်. လၢတၢ်န့ၣ်အဃိခဲအံၤပအိၣ်လၢတၢ်ကီတၢ်ခဲအဝဲအံၤအပူၤန့ၣ် လီၤ.”

လံာ်တၢ်ကဲထီၣ်အခီၣ်ထံး 42:21 Iomraidhean Croise

လံာ်တၢ်ကဲထီၣ်အခီၣ်ထံး 41:9

တုၤနုၤတစုပှၤကွၢ်ထွဲစပံးထံစံးဘၣ်စီၤပၤ, “တနံၤအံၤ, ယကဘၣ်အၢၣ်လီၤအီလီၤလၢယမၤကမၣ်တ့ၢ်တၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 44:16

စီၤယူဒၤစံးဆၢဝဲ, “ကစၢ်ဧၢ, ပစံးဘၣ်နၤမနုၤကသ့လဲၣ်. ပဂ့ၢ်လိာ်နၤကသ့ဒ်လဲၣ်. ပကတိၤပူၤဖျဲးပသးကသ့ဒ်လဲၣ်. ကစၢ်ယွၤမၤဖျါထီၣ်ပတၢ်ဒဲးဘးတဖၣ်လံ. ဒီးခဲကနံၣ်အံၤပဝဲခဲလၢာ်ပမ့ၢ်နကုၢ်နပှၤတဖၣ်ဒီးတမ့ၢ်ဘၣ်ထဲ ပှၤတဂၤဧိၤလၢလီခီဘၣ်တၢ်ထံၣ်န့ၢ်လၢအအိၣ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 45:3

စီၤယိၤသးစံးဘၣ်အဒီပုၢ်ဝဲၢ်ခွါတဖၣ်, “ယမ့ၢ်စီၤယိၤသးလီၤ. မ့ၢ်ယပၢ်အိၣ်မူဒံးဧါ.” ဘၣ်ဆၣ်တုၤအဒီပုၢ်ဝဲၢ်ခွါတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤ တၢ်ဒိၣ်မးတုၤဒၣ်လဲာ်စံးဆၢက့ၤဝဲတသ့ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:15

လၢအဝဲသ့ၣ်အပၢ်သံဝံၤအလီၢ်ခံန့ၣ်, စီၤယိၤသးအဒီပုၢ်ဝဲၢ် ခွါတဖၣ်စံးဝဲ, “စီၤယိၤသးမ့ၢ်သးဟ့ဒံးပှၤဒီးကူၣ်ကျဲၤဘၣ် ဖုးလၢကဟ့ၣ်ကၣ်ကဒါက့ၤကယဲၢ်တၢ်အၢလၢပမၤဘၣ်တ့ၢ် အီၤတဖၣ်ဒီး, ပကမၤဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယံးရမံယၤ 4:18

ကီၢ်ယူဒၤဧၢ, နဒုးလီၤဘၣ်က့ၤတၢ်အံၤဒၣ်နဲလၢနလိၤ, ခီဖျိကျဲလၢနအိၣ်မူတ့ၢ်ဒီးတၢ်တဖၣ်လၢနမၤတ့ၢ်နဲအဃိန့ၣ်လီၤ. နတၢ်ဒဲးဘးမ့ၢ်တၢ်အဂ့ၢ်လၢအဒုးအိၣ်ထီၣ်တၢ်နးတၢ်ဖှီၣ်အံၤလီၤ. တၢ်န့ၣ်မ့ၢ်တၢ်လၢအဆဲးဖျိတ့ၢ်နသးန့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်မၢ်ကူး 9:48

ဖဲန့ၣ်, လၢၣ်လၢအအီၣ်အဝဲသ့ၣ်အညၣ်တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ် နီတစုဘၣ်.

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

မၤတၢ် 19:18

ပှၤစူၢ်က့ၤနာ်က့ၤတၢ်ဟဲဝဲအါဒံအါဂၤ, ဒီးအၢၣ်လီၤအီလီၤလၢကမျၢၢ်အမဲာ်ညါဒီးပာ်ဖျါထီၣ်တၢ်လၢ အမၤဘၣ်တ့ၢ်ဝဲတဖၣ်န့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.