လံာ်တၢ်ကဲထီၣ်အခီၣ်ထံး 42:19 - Sgaw Karen Common Bible

¹⁹ လၢသုကအုၣ်သုသးလၢသုမ့ၢ်ပှၤအတီအလိၤအဂီၢ်, ပှၤလၢသုကျါတဂၤကအိၣ်လၢဃိာ်ပူၤဖဲသုဘၣ်တၢ်ပၢၤဃာ်တ့ၢ်သု လီၤ. ဒီးသုဝဲအဂၤတဖၣ်ကက့ၤ, ဒီးက့ၤစိာ်ဘုဧိၤဟုဧိၤလၢသုပှ့ၤတ့ၢ်တဖၣ်ဆူသုဟံၣ်ဖိဃီ ဖိလၢအသၣ်ဝံၤလီၤဒိတဖၣ်အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:19 Iomraidhean Croise

လံာ်တၢ်ကဲထီၣ်အခီၣ်ထံး 41:56

တၢ်သၣ်ဝံၤလီၤဒိနးထီၣ်ဝဲ, ဒီးရၤလီၤအသးလၢထံကီၢ်ဒီတဘ့ၣ် အပူၤသတးဒီး, စီၤယိၤသးအိးထီၣ်ကွံာ်တၢ်ပဒၢးဘုဧိၤဟုဧိၤအဟံၣ်တဖၣ်ဒီး ဆါလီၤဘုဧိၤဟုဧိၤဆူပှၤအဲၤကူပတူးဖိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:11

ပမ့ၢ်ပှၤဒီပုၢ်ဝဲၢ်ခွါခဲလၢာ်လီၤ. ကစၢ်ဧၢ, ပတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. ပမ့ၢ်ပှၤအတီအလိၤတဖၣ်လီၤ.”

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 42:20

ဒီးသုကဘၣ်ဟဲကိးသုဒီပုၢ်ဝဲၢ်ခွါအဆံးကတၢၢ်ဆူယအိၣ်လီၤ. တၢ်အံၤကအုၣ်အသးလၢသုတဲတၢ်မ့ၢ်တၢ်တီဒီးယတမၤသံ သုဘၣ်.” ဒီးအဝဲသ့ၣ်အၢၣ်လီၤတူၢ်လိာ်တၢ်အံၤ,

လံာ်တၢ်ကဲထီၣ်အခီၣ်ထံး 42:26

ပှၤဒီပုၢ်ဝဲၢ်ခွါတဖၣ်ပဒၢးထီၣ်အကသ့ၣ်ယီၤတဖၣ်ဒီးဘုဧိၤဟု ဧိၤလၢအပှ့ၤဝဲဒီးအဝဲသ့ၣ်ဟးထီၣ်ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 42:33

ပှၤတဂၤန့ၣ်စံးဆၢဝဲ, ‘သုမ့ၢ်ပှၤအတီအလိၤဧါန့ၣ်, ယကဃုထံၣ်အီၤလၢကျဲဒ်အံၤလီၤ. သုဝဲအကျါ, ပှၤကဘၣ်အိၣ်တ့ၢ်ဒီးယၤတဂၤ, ဒီးပှၤအဂၤတဖၣ်ကဟံးန့ၢ်ဘုဧိၤ ဟုဧိၤလၢသုဟံၣ်ဖိဃီဖိလၢအသၣ်ဝံၤလီၤဒိတဖၣ်အဂီၢ်ဒီးဟး ထီၣ်လီၤ.

လံာ်တၢ်ကဲထီၣ်အခီၣ်ထံး 45:23

စီၤယိၤသးဆှၢလီၤန့ၢ်အပၢ်လၢကသ့ၣ်ယီၤအဒုတဆံလၢတၢ်ပဒၢး အီၤဒီးကီၢ်အဲၤကူပတူးအတၢ်ဖိတၢ်လံၤအဂ့ၤကတၢၢ်တဖၣ်, ဒီးကသ့ၣ်ယီၤအဒုတဆံလၢတၢ်ပဒၢးအီၤဒီးဘုဧိၤဟုဧိၤ, ကိၣ်ဒီးတၢ်အီၣ်တၢ်အီအဂၤလၢကျဲအဂီၢ်လီၤ.

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယံးရမံယၤ 37:15

အဝဲသ့ၣ်အသးဒိၣ်ထီၣ်ယၤ နးနးကလဲာ်ဒီး မၢပှၤတီၢ်ယၤ ဒီး ဒုးဃာ်ယၤလၢ ကွီၢ်ဘျီၣ်အပှၤကွဲးလံာ်စီၤယိၤနၤသၣ်အ ဟံၣ်, ဟံၣ်လၢအဘၣ်တၢ်ဒုးကဲထီၣ်အီၤလၢ ဃိာ်တဖျၢၣ်န့ၣ်လီၤ.