လံာ်တၢ်ကဲထီၣ်အခီၣ်ထံး 42:18 - Sgaw Karen Common Bible

¹⁸ လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 42:18 Iomraidhean Croise

လံာ်တၢ်ကဲထီၣ်အခီၣ်ထံး 20:11

စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်တၢ်ကဲထီၣ်အခီၣ်ထံး 42:19

လၢသုကအုၣ်သုသးလၢသုမ့ၢ်ပှၤအတီအလိၤအဂီၢ်, ပှၤလၢသုကျါတဂၤကအိၣ်လၢဃိာ်ပူၤဖဲသုဘၣ်တၢ်ပၢၤဃာ်တ့ၢ်သု လီၤ. ဒီးသုဝဲအဂၤတဖၣ်ကက့ၤ, ဒီးက့ၤစိာ်ဘုဧိၤဟုဧိၤလၢသုပှ့ၤတ့ၢ်တဖၣ်ဆူသုဟံၣ်ဖိဃီ ဖိလၢအသၣ်ဝံၤလီၤဒိတဖၣ်အအိၣ်န့ၣ်လီၤ.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:17

ဒီးမၤတတီတလိၤလိာ်သုသးတဂ့ၤ. မ့မ့ၢ်ပျံၤသုကစၢ်ယွၤတက့ၢ်. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:43

သုတဘၣ်ပၢအီၤလၢတၢ်စုဆူၣ်ခီၣ်တကးဘၣ်. မ့မ့ၢ်သုဘၣ်ပျံၤသုကစၢ်ယွၤန့ၣ်လီၤ.

လံာ်လူၤကၣ် 18:2

“လၢဝ့ၢ်တဖျၢၣ်အပူၤန့ၣ်, ပှၤစံၣ်ညီၣ်ကွီၢ်အိၣ်ဝဲဒၣ်တဂၤလၢအတအိၣ်ဒီးတၢ်ပျံၤယွၤမ့ၢ် ဂ့ၤ, တၢ်ယူးယီၣ်ပာ်ကဲပှၤကညီမ့ၢ်ဂ့ၤန့ၣ်ဘၣ်လီၤ.

လံာ်လူၤကၣ် 18:4

ပှၤစံၣ်ညီၣ်ကွီၢ်ဂ့ၢ်လိာ်မုၣ်ကမဲတဂၤအံၤအတၢ်ဃ့ဖးယံာ်ညါလီၤ. ဘၣ်ဆၣ်ဒီးလၢခံကတၢၢ်န့ၣ်အဝဲဒၣ်စံးလီၤက့ၤအသး, ‘ယမ့ၢ်တပျံၤယွၤ, ဒီးယူးယီၣ်ပာ်ကဲပှၤကညီသနာ်က့,