လံာ်တၢ်ကဲထီၣ်အခီၣ်ထံး 42:15 - Sgaw Karen Common Bible

¹⁵ အအံၤမ့ၢ်ကျဲလၢသုကဘၣ်တၢ်မၤကွၢ်သုန့ၣ်လီၤ. ယဆိၣ်တၢ်လၢစီၤပၤအမံၤအပူၤလၢ, သုဒီပုၢ်ဝဲၢ်ခွါအဆံးကတၢၢ်တဂၤမ့ၢ်တဟဲဖဲအံၤဘၣ်ဒီး, သုတဟးထီၣ်ဘၣ်နီတစုဘၣ်.

လံာ်တၢ်ကဲထီၣ်အခီၣ်ထံး 42:15 Iomraidhean Croise

လံာ်တၢ်ကဲထီၣ်အခီၣ်ထံး 42:12

စီၤယိၤသးစံးဘၣ်အဝဲသ့ၣ်, “တမ့ၢ်ဘၣ်. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 42:14

စီၤယိၤသးစံးဆၢဝဲ, “မ့ၢ်ဒၣ်ဒ်ယစံးတ့ၢ်အသိးန့ၣ်, သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ.”

လံာ်တၢ်ကဲထီၣ်အခီၣ်ထံး 42:16

ပှၤလၢသုကျါတဂၤကဘၣ်က့ၤဒီးဟဲကိးအီၤန့ၣ်လီၤ. သုဝဲလၢအအိၣ်တ့ၢ်တဖၣ်သုကဘၣ်တၢ်ပၢၤဃာ်သုတုၤလၢတၢ်လၢသု စံးအတၢ်မ့ၢ်တၢ်တီ, ဘၣ်တၢ်မၤကွၢ်အီၤန့ၣ်လီၤ. မ့တမ့ၢ်ဘၣ်ဒ်န့ၣ်ဘၣ်န့ၣ်, ဒ်စီၤပၤမူဝဲအသိးန့ၣ်, သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ.”

လံာ်တၢ်ကဲထီၣ်အခီၣ်ထံး 42:20

ဒီးသုကဘၣ်ဟဲကိးသုဒီပုၢ်ဝဲၢ်ခွါအဆံးကတၢၢ်ဆူယအိၣ်လီၤ. တၢ်အံၤကအုၣ်အသးလၢသုတဲတၢ်မ့ၢ်တၢ်တီဒီးယတမၤသံ သုဘၣ်.” ဒီးအဝဲသ့ၣ်အၢၣ်လီၤတူၢ်လိာ်တၢ်အံၤ,

လံာ်တၢ်ကဲထီၣ်အခီၣ်ထံး 42:30

“ကီၢ်အဲၤကူပတူးအပဒိၣ်ဖးဒိၣ်ကတိၤတၢ်ဆူၣ်ဆူၣ်ကိၤကိၤဒီး ပှၤ, ဒီးပာ်တၢ်ကမၣ်လၢပလိၤလၢပမ့ၢ်ပှၤကွၢ်ဟုၣ်ကွၢ်စုးတၢ်ထီဒါ အထံအကီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:34

ဟဲကိးသုပုၢ်အဆံးကတၢၢ်ဆူယအိၣ်တက့ၢ်. အန့ၣ်ဒီးယကသ့ၣ်ညါလၢသုတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. မ့မ့ၢ်ပှၤအတီအလိၤတဖၣ်န့ၣ်လီၤ. ယကဟ့ၣ်ကဒါက့ၤသုဒီပုၢ်ဝဲၢ်ခွါလၢသုဒီးသုအိၣ်ဖဲအံၤဒီး ကူၣ်တၢ်ကၤတၢ်သ့န့ၣ်လီၤ.’

လံာ်တၢ်ကဲထီၣ်အခီၣ်ထံး 42:7

ဒီးဖဲစီၤယိၤသးထံၣ်ဘၣ်အဒီပုၢ်ဝဲၢ်ခွါတဖၣ်န့ၣ်အဝဲသ့ၣ်ညါ အဝဲသ့ၣ်, ဘၣ်ဆၣ်ဒီးအဝဲပာ်မၤအသးဒ်တသ့ၣ်ညါအဝဲသ့ၣ်အသိးန့ၣ်လီၤ. အဝဲသံကွၢ်အဝဲသ့ၣ်လၢတၢ်ကတိၤဆူၣ်ဆူၣ်အပူၤ, “သုဟဲလၢလဲၣ်ခီလဲၣ်.” အဝဲသ့ၣ်စံးဆၢဝဲ, “ပဟဲလၢကီၢ်ကနၤဧၣ်ဒ်သိးပကပှ့ၤန့ၢ်တၢ် အီၣ်တၢ်အီလီၤ.”

လံာ်တၢ်ကဲထီၣ်အခီၣ်ထံး 43:3

စီၤယူဒၤစံးဘၣ်အီၤ, “ပှၤတဂၤန့ၣ်ဟ့ၣ်ပလီၢ်တ့ၢ်ပှၤဆူၣ်ဆူၣ် လၢမ့တမ့ၢ်ဘၣ်လၢပဒီပုၢ်ဝဲၢ်ခွါလဲၤဃုာ်တၢ်ဒီးပှၤန့ၣ်, တမ့ၢ်ပကဘၣ်တၢ်ပျဲနုာ်ပှၤဆူအမဲာ်ညါန့ၣ်ဘၣ်.

လံာ်တၢ်ကဲထီၣ်အခီၣ်ထံး 43:5

နမ့ၢ်တသးအိၣ်ပျဲဘၣ်ဒီးပတလဲၤဘၣ်. အဂ့ၢ်ဒ်အံၤ, ပှၤတဂၤန့ၣ်တဲဘၣ်ပှၤလၢမ့တမ့ၢ်ဘၣ်လၢပဒီပုၢ်ဝဲၢ်ခွါလဲၤဃုာ် တၢ်ဒီးပှၤန့ၣ်တမ့ၢ်ပကဘၣ်တၢ်ပျဲနုာ်ပှၤဆူအမဲာ်ညါန့ၣ်ဘၣ်.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

ယၤကိာ် 5:12

ယဒီပုၢ်ဝဲၢ်သ့ၣ်ဧၢ, လၢတၢ်ခဲလၢာ်အဖီခိၣ်တဘၣ်သူတၢ်ဆိၣ်လီၤ သုသးဖဲသုအၢၣ်လီၤတၢ်တမံၤမံၤအခါန့ၣ်တဂ့ၤ. တဘၣ်ဆိၣ်လီၤသုသးလၢမူခိၣ်မ့တမ့ၢ်ဟီၣ်ခိၣ်, မ့တမ့ၢ်တၢ်အဂၤတမံၤမံၤအမဲာ်ညါန့ၣ်တဂ့ၤ. တၢ်မ့မ့ၢ်ဘၣ်နၤဒီးစံး “မ့ၢ်” ဒီးတၢ်မ့တမ့ၢ်ဘၣ်နၤဒီးစံး “တမ့ၢ်ဘၣ်” န့ၣ်တက့ၢ်. အန့ၣ်ဒီးကစၢ်ယွၤအတၢ်စံၣ်ညီၣ်တလီၤဘၣ်သုန့ၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:55

ဖဲစီၤစီလူးထံၣ်စီၤဒၤဝံးလဲၤထီၣ်ဒ်သိးကဒုးစီၤကၤလယး န့ၣ်အဝဲသံကွၢ်အသုးခိၣ်ကျၢၢ်စီၤအဘံန့ၢ်, “စီၤအဘံန့ၢ်ဧၢ, အဝဲမ့ၢ်မတၤအဖိခွါလဲၣ်.” စီၤအဘံန့ၢ်စံးဆၢဝဲ, “တၢ်ဒိၣ်စီၤပၤဖးဒိၣ်ဧၢ, ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:3

ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”