လံာ်တၢ်ကဲထီၣ်အခီၣ်ထံး 41:57 - Sgaw Karen Common Bible

⁵⁷ ပှၤဂီၢ်မုၢ်လၢဟီၣ်ခိၣ်ဒီဘ့ၣ်ဟဲဝဲဆူကီၢ်အဲၤကူပတူးလၢ ကပှ့ၤဘုဧိၤဟုဧိၤလၢစီၤယိၤသးအအိၣ်အဂီၢ်န့ၣ်လီၤ. အဂ့ၢ်ဒ်အံၤ, တၢ်သၣ်ဝံၤလီၤဒိအံၤနးဒိၣ်မးလၢတၢ်လီၢ်ကိးပူၤ ဒဲးန့ၣ်လီၤ.

လံာ်တၢ်ကဲထီၣ်အခီၣ်ထံး 41:57 Iomraidhean Croise

လံာ်တၢ်ကဲထီၣ်အခီၣ်ထံး 12:10

ဘၣ်ဆၣ်ဒီး, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢကီၢ်ကနၤဧၣ်အပူၤ ဒီးတၢ်န့ၣ်အၢနးမးတုၤဒၣ်လဲာ်စီၤအၤဘြၣ်လဲၤယံၤထီၣ်ဆူ ကလံၤထံးဆူကီၢ်အဲၤကူပတူးလၢကအိၣ်ဝဲဖဲန့ၣ်တစိၢ်တလီၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 41:56

တၢ်သၣ်ဝံၤလီၤဒိနးထီၣ်ဝဲ, ဒီးရၤလီၤအသးလၢထံကီၢ်ဒီတဘ့ၣ် အပူၤသတးဒီး, စီၤယိၤသးအိးထီၣ်ကွံာ်တၢ်ပဒၢးဘုဧိၤဟုဧိၤအဟံၣ်တဖၣ်ဒီး ဆါလီၤဘုဧိၤဟုဧိၤဆူပှၤအဲၤကူပတူးဖိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:1

ဖဲစီၤယၤကိာ်သ့ၣ်ညါဝဲဒၣ်လၢဘုဧိၤဟုဧိၤအိၣ်ဝဲဒၣ်လၢကီၢ် အဲၤကူပတူးအပူၤန့ၣ်, အဝဲစံးဘၣ်အဖိခွါတဖၣ်, “ဘၣ်မနုၤလၢသုတမၤတၢ်တမံၤမံၤန့ၣ်လဲၣ်.

လံာ်တၢ်ကဲထီၣ်အခီၣ်ထံး 42:5

စီၤယၤကိာ်အဖိခွါတဖၣ်ဟဲဃုာ်ဒီးပှၤအဂၤတဖၣ်လၢကပှ့ၤန့ၢ်ဘု ဧိၤဟုဧိၤ, မ့ၢ်လၢတၢ်သၣ်ဝံၤလီၤဒိအိၣ်ထီၣ်လၢကီၢ်ကနၤဧၣ်အပူၤအဃိလီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:1

တၢ်သၣ်ဝံၤလီၤဒိလၢကီၢ်ကနၤဧၣ်အပူၤန့ၣ်, နးထီၣ်ဝဲ,

လံာ်တၢ်ကဲထီၣ်အခီၣ်ထံး 47:14

စ့ခဲလၢာ်လၢအဝဲသ့ၣ်ပှ့ၤဘုဧိၤဟုဧိၤန့ၣ်စီၤယိၤသးပာ် ဖှိၣ်အီၤဒီးလဲၤစိာ်ဝဲဆူနူၢ်ဧိၤစီၤဧိၤလီၤ.

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်သိၣ်လီၤသီလီၤတၢ် 9:28

မ့တမ့ၢ်ဒ်န့ၣ်ဘၣ်ဒီး, ပှၤအဲၤကူပတူးဖိတဖၣ်ကစံးဝဲလၢ, နဆှၢနပှၤဂီၢ်မုၢ်ဆူကီၢ်လၢနအၢၣ်လီၤတ့ၢ်အဝဲသ့ၣ်န့ၣ်တသ့ဘၣ် န့ၣ်လီၤ. အဝဲသ့ၣ်ကစံးလၢနဟံးထီၣ်ဒီးဆှၢနပှၤဂီၢ်မုၢ်ဆူပှၢ် မုၢ်ကနၢလၢနကမၤသံကွံာ်အီၤအဂီၢ်မ့ၢ်လၢနသးဟ့အဝဲသ့ၣ် အဃိန့ၣ်လီၤ.