လံာ်တၢ်ကဲထီၣ်အခီၣ်ထံး 41:52 - Sgaw Karen Common Bible

⁵² အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 41:52 Iomraidhean Croise

လံာ်တၢ်ကဲထီၣ်အခီၣ်ထံး 17:6

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်ဒီးလၢအကျါတနီၤ န့ၣ်ကကဲထီၣ်စီၤပၤတဖၣ်လီၤ. နကအိၣ်ဒီးနစၢၤနသွဲၣ်အါဂၤတုၤဒၣ်လဲာ်အဝဲသ့ၣ်တဖၣ်ကကဲထီၣ်ပှၤ ကလုာ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 41:51

စီၤယိၤသးစံးဝဲ, “ကစၢ်ယွၤဒုးသးပ့ၤနီၣ်ကွံာ်ယၤယတၢ်နး တၢ်ဖှီၣ်ခဲလၢာ်ဒီးကယဲၢ်ယပၢ်အဟံၣ်ဖိဃီဖိခဲလၢာ်လံ.” လၢတၢ်န့ၣ်အဃိအဝဲယုၢ်န့ၢ်အဖိခွါဝဲၢ်ကိအမံၤလၢစီၤမနၤၡ့ၤ လီၤ.

လံာ်တၢ်ကဲထီၣ်အခီၣ်ထံး 41:53

ဒီးတၢ်အီၣ်ကူးအီပှဲၤနွံနံၣ်လၢကီၢ်အဲၤကူပတူးမုာ်လၤသး ခုဘၣ်တ့ၢ်ဝဲလၢအပူၤကတၢၢ်ကွံာ်ဝဲ,

လံာ်တၢ်ကဲထီၣ်အခီၣ်ထံး 48:1

လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:14

ဘၣ်ဆၣ်စီၤယၤကိာ်ပာ်အစုထွဲလၢစီၤအ့ဖရဲၣ်, လၢအမ့ၢ်ပှၤအဆံးအခိၣ်အဖီခိၣ်, ဒီးပာ်ခီပတာ်အစုစ့ၣ်လၢစီၤ မနၤၡ့ၤလၢအမ့ၢ်ပှၤအဒိၣ်အခိၣ်အဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 49:22

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:23

အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်တၢ်ဂံၢ် 26:28

ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

လံာ်စီၤယိၤၡူ 14:4

မ့မ့ၢ်, စီၤမိၤၡ့တဟ့ၣ်ပှၤလ့ၤဝံဖိတၢ်န့ၢ်သါလၢအကျါဘၣ်. အခိၣ်တလိာ်, အဝဲသ့ၣ်ဒိးန့ၢ်ဘၣ်ဝ့ၢ်တဖၣ်လၢကအိၣ်ဆိးဝဲလၢ အပူၤဃုာ်ဒီးပျီတဖၣ်လၢအဂီၤဖံးဒီးအသိတဖၣ်ကအီၣ်အဆၣ်အဂီၢ်န့ၣ်လီၤ.

လံာ်စီၤယိၤၡူ 16:4

စီၤယိၤသးအစၢၤအသွဲၣ်တဖၣ်လၢအမ့ၢ်အ့ဖရဲၣ် အဒူၣ်ဒီးမုၢ်နုာ်မနၤၡ့ၤအဒူၣ်န့ၣ်ဒိးန့ၢ်ဘၣ်ကီၢ်အံၤဒ် အတၢ်န့ၢ်သါလီၤ.

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”