လံာ်တၢ်ကဲထီၣ်အခီၣ်ထံး 41:51 - Sgaw Karen Common Bible

⁵¹ စီၤယိၤသးစံးဝဲ, “ကစၢ်ယွၤဒုးသးပ့ၤနီၣ်ကွံာ်ယၤယတၢ်နး တၢ်ဖှီၣ်ခဲလၢာ်ဒီးကယဲၢ်ယပၢ်အဟံၣ်ဖိဃီဖိခဲလၢာ်လံ.” လၢတၢ်န့ၣ်အဃိအဝဲယုၢ်န့ၢ်အဖိခွါဝဲၢ်ကိအမံၤလၢစီၤမနၤၡ့ၤ လီၤ.

လံာ်တၢ်ကဲထီၣ်အခီၣ်ထံး 41:51 Iomraidhean Croise

လံာ်တၢ်ကဲထီၣ်အခီၣ်ထံး 41:30

အန့ၣ်ဝံၤအလီၢ်ခံ, တၢ်သၣ်ဝံၤလီၤဒိနွံနံၣ်ကအိၣ်ထီၣ်ဝဲဒၣ်, ဒီးတၢ်အီၣ်ကုးအီပှဲၤအနံၣ်ခဲလၢာ်ကဘၣ်တၢ်သးပ့ၤနီၣ်ကွံာ် အီၤ, မ့ၢ်လၢတၢ်သၣ်ဝံၤလီၤဒိကမၤဟးဂီၤကွံာ်ထံကီၢ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 41:50

ဒီးတချုးလၢတၢ်သၣ်ဝံၤလီၤဒိအနံၣ်တဖၣ်တုၤဃီၤဒံးဘၣ်န့ၣ် စီၤယိၤသးအိၣ်ဒီးအဖိခွါခံဂၤလၢနီၢ်အၤစနးန့ၣ်လီၤ.

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 48:1

လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်စီၤယိၤဘး 11:16

အန့ၣ်ဒီးနကသးပ့ၤနီၣ်နတၢ်ကိၢ်တၢ်ဂီၤခဲလၢာ်, ဒီးနတသ့ၣ်နီၣ်က့ၤလၢၤဘၣ်အီၤဒ်ထံလၢအယွၤလီၤကွံာ် အသိးန့ၣ်လီၤ.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

စံးထီၣ်ပတြၢၤ 45:10

ဖိမုၣ်ဧၢ, ဒိကနၣ်, ဆိကမိၣ်ဒီးဒိးနနၢ်, သးပ့ၤနီၣ်နပှၤဂီၢ်မုၢ်ဒီးနပၢ်အဟံၣ်တက့ၢ်.

တၢ်ကတိၤဒိ. 31:7

ပျဲအဝဲသ့ၣ်အီဒၣ်ဝဲဒီးသးပ့ၤနီၣ်ကွံာ်အတၢ်ဖှီၣ်တၢ်ယာ်ဒီး အတၢ်သူၣ်တမုာ်သးတမုာ်န့ၣ်တက့ၢ်.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်တၢ်ဂံၢ် 26:28

ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

လံာ်စီၤယိၤၡူ 14:4

မ့မ့ၢ်, စီၤမိၤၡ့တဟ့ၣ်ပှၤလ့ၤဝံဖိတၢ်န့ၢ်သါလၢအကျါဘၣ်. အခိၣ်တလိာ်, အဝဲသ့ၣ်ဒိးန့ၢ်ဘၣ်ဝ့ၢ်တဖၣ်လၢကအိၣ်ဆိးဝဲလၢ အပူၤဃုာ်ဒီးပျီတဖၣ်လၢအဂီၤဖံးဒီးအသိတဖၣ်ကအီၣ်အဆၣ်အဂီၢ်န့ၣ်လီၤ.

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”